Lɛɛ gbɔwɔ ɓa 8:22 - Yálá laawoo hɛɓɛ (dc)

²² Moisə yɛ mą: «Mąą hvo nɛ̨ɛ̨li, ku hvo ɉaláái ti kulɔ ɓɛ nɔi, mąąhɔlɔɓo, ɉaláái ku kaa pai gulɔi Yai-Laa ku wɔ Yálái ɓa, gaa pai kɛi a mɛ̨nį mąąlaɠiɛ Eziptə nuą ɲɛ̨i ɓa. Akɛtii mɛ̨nįi mąąlaɠiɛ Eziptə nuą ɲɛ̨i ɓa, kwa gɛ, di hvo pai ku hɔɔi a kwɛni?

Yálá laawoo hɛɓɛ

²² Moisə yɛ mą: «Mąą hvo nɛ̨ɛ̨li, ku hvo ɉaláái ti kulɔ ɓɛ nɔi, mąąhɔlɔɓo, ɉaláái ku kaa pai gulɔi Yai-Laa ku wɔ Yálái ɓa, gaa pai kɛi a mɛ̨nį mąąlaɠiɛ Eziptə nuą ɲɛ̨i ɓa. Akɛtii mɛ̨nįi mąąlaɠiɛ Eziptə nuą ɲɛ̨i ɓa, kwa gɛ, di hvo pai ku hɔɔi a kwɛni?

Bible

²² Kɛ́lɛ maa-ɣelei tí Gosɛŋ lɔii nyii ŋánûai díkaa zui, ŋa pâi mà a gɛɛ ǹilî-ŋai da fé lì naa, a gɛɛ í gɔ́lɔŋ ŋgáa a Yâwɛɛ ǹɔii ŋí su.

Lɛɛ gbɔwɔ ɓa 8:22 Referans Kwoze

Lɛɛ gbɔwɔ ɓa 9:4

Kɛlaa, Yai-Laa, kaa pai ɓɛlaɓo tooi Israɛlə lonnii di wɔ taatɛlɛɛɠaai da Eziptə nuą di wɛiɠaa lɔwai. Israɛlə lonnii di wɛi dɔ̨nɔ̨ kpɛli hva haa ɉu.»

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Lɛɛ gbɔwɔ ɓa 10:23

Voló haaɓai tii yee mu, nu ta hvo pɛli mɛlan gaai, nu ta hvo pɛli həɠəi ɉeei, kɛlaa, Israɛlə lonnii pɔɔli pələ, kɛɛ pɔ̨nɔ̨ ə kɛ laa.

Izikiɛ 30:19

Gáá pai nwóóɠaa pɔ mɛ̨nį kɛi Eziptə lɔi mɛ̨i, nąąlɔwai da gbaɠala kaa diɛ kɛ ɲą́ą́ ɓə gáá a Yai-Laa.»

Lɛɛ gbɔwɔ ɓa 9:6

Mąą yələ laa ɓoɔ, mɛ̨nį tii Yai-Laa ə mo, ə gɛ. Daatɛlɛɛɠaai kpɔ kɛ Eziptə nuą yəi, gəlee di haa. Kɛlaa, Israɛlə lonnii di wɛi dɔ̨nɔ̨ kpɛli hvo haa.

Mąątɛ̨nɛ̨ 110:2

Yai-Laa ə ə́ wɔ Heeɓolaai yee kɔ̨nwɔ̨n ɉu ɓɛɛlɛɛi, ə gɔwɔ tɔɔ Siɔn, yɛ́ pɛli heei ə́ yowoɠaa mɛ̨i.

Lɛɛ gbɔwɔ ɓa 12:13

«Kɛlaa ka wɛi, ɲąmąi tii ɓə pai kɛi a ka wɔ pɛlɛ́ɠaai kɔ́lɔn ɉɛn. Ŋą́ ɲąmąi tii kaa, ŋą́ laŋįn ka mɛ̨i, mɛ̨nį nwąnąąi pai laai Eziptə lɔi ɓa, da hva həli la kaa.

Lɛɛ gbɔwɔ ɓa 9:29

Moisə yɛ mą: «Ya lɔ ɓaa ŋą́ kulɔ daa pulu, gáá pai ɲéé tɛi Yai-Laa pɔ pələ, ɲələgbąnąą kɔ́lɔ kaa pai haai mą, hanwon va kɛa pu, ya ɓə a gɛ, ə́ gɔlɔn yɛ́: Yai-Laa pɔɔ ɓaa lɔi.

Lɛɛ gbɔwɔ ɓa 9:26

Gosɛn lɔi hu, ɓɛi Israɛlə lonnii di kɛ laa, nąą lɔ ɓə da hvo pu laa.

Lɛɛ gbɔwɔ ɓa 8:10

Di gbɔn gee ɓa a ɉįiɠaa, nɔi kun ə ɲɔ̨n.

Lɛɛ gbɔwɔ ɓa 7:17

Yili ɓa, Yai-Laa yɛ, yii ka yaa ka káá pai tɛɛi ɉu nwɛi, ə́ kaa pai gɔlɔn ɉii, yɛ́ kɛ Yaa lɔ ɓə gaa a Yai-Laa. Gáá ɲá kɛlɛi a dunwɔ̨n ŋɛ̨i, ə mąą pənə a ŋąmą.

Mąątɛ̨nɛ̨ 74:12

Ya pa ə həɠə wɔlɔ wɔlɔ ɓa, Yálá, yɛ́ lɔ ɓə a nwɔ́ tɔɔmun, yɛ́ kɔ́ɠaa nɛ̨ɛ̨ nɔi ŋɛ̨i ɓa.

Lɛɛ gbɔwɔ ɓa 7:5

Eziptə nuą di kaa pai gɔlɔn ɉii diɛ ɲą́ą́ ɓə gáá a Yai-Laa ɓɛlɔwai ŋą́ ɲee haŋą la, gɛ́ nwɔ́ nuąi kulɔ di wɔ lɔi hu.»

Lɛɛ gbɔwɔ ɓa 8:21

Tɔɔmun ə Moisə da Aarɔn di təli, yɛ diɛ: «'Ka li ka haláá kulɔ ka wɔ Yálái ɓa ɓɛ nɔi.»

Lɛɛ gbɔwɔ ɓa 8:23

Mąąnɛ̨ɛ̨ ku kulɔ ɓɛ nɔi, ku hvóló haaɓa hiɛ kɛ nɔi pun ɉu, ku haláá kulɔ Yai-Laa ku wɔ Yálá ɓa yɛ bələi gaa pai gɛ pələ lɛi la kuɔ.»

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Lɛɛ gbɔwɔ ɓa 20:11

Mąąhɔlɔɓo, Yai-Laa ə yələkɔlɔn, lɔi, gboloyá, da ɉu hɛnŋąą kəlee pɛli hvóló mɛ̨ida yee mu, kɛlaa, ə vįitɔɔ a voló mɛ̨ihveelɛ yələ. Yili ɓə gɛ, Yai-Laa ə lúwɔ́ too vįitɔɔ yələi ti ɓa, ə gɛ a hvóló mąąhəɠɛɛ.

Zɛnɛse 46:34

'Ka kɛ mą: ‹Taatɛlɛɛ kóló ɓə ku yee kaa mą, ə həɠə ku lokolo yələ ɓa, ə həli la yiihu ɓa; yɛ pələi wɔlɔ ku kalaɓɔlɔni di kɛi gɛ la. Ka yili ɓo tii, gaa pai hvaai mą ka hee Gosɛn lɔi hu. Mąąhɔlɔɓo, taatɛlɛɛ tɔɔ nuą wɛli hvo Eziptə nuą diɛ.›»