Lɛɛ gbɔwɔ ɓa 7:11 - Yálá laawoo hɛɓɛ (dc)

¹¹ Tɔɔmun ə nɛɛmą ə Eziptə, gilimąą nuą, dɔlukpɛ nuą da bənən gɛ nuą təli, ɛlɛɛ, diɛ kpɛli di da kɛ.

Yálá laawoo hɛɓɛ

¹¹ Tɔɔmun ə nɛɛmą ə Eziptə, gilimąą nuą, dɔlukpɛ nuą da bənən gɛ nuą təli, ɛlɛɛ, diɛ kpɛli di da kɛ.

Bible

¹¹ Nya ƃe gâloŋ è ŋɔtáre-ƃelai tòli da ŋɔpóniŋ kɛ́-ƃelai, dí ŋɛi-kɛ-maa tɔnɔi tí da kɛ́.

Lɛɛ gbɔwɔ ɓa 7:11 Referans Kwoze

Lɛɛ gbɔwɔ ɓa 7:22

Eziptə pənən gɛ nuą diɛ kpɛli, di da kɛ. Eziptə tɔɔmun ə gili walawala, hvo gɛ hvo nwəli tɔɔ Moisə da Aarɔn diɛ yɛ bələi Yai-Laa ə gbɛa mo la.

Timote veelɛ 3:8

Bələi lɔ wɔlɔ, Ɉanɛsə da Ɉambrɛsə di tɔɔ la Moisə la, bələ lɔ ɓə nuąi ti diɛ kpɛlimąm, da tɔɔ la tɛ̨ą la. Di kaa a nuąi di kili ɲɔ̨nwɔ̨ɔ̨ di kwəi, di wɔ laa na laa hvo a hɛn da.

Lɛɛ gbɔwɔ ɓa 8:18

Kɛlaa, mąą yələi tii, da hva həli Gosɛn lɔi hu, ɓɛi nwɔ́ nuąi kaa laa, ə gɛ, ə́ kili ə pu ɉu yɛ́ diɛ, Ɲą́ą́ ɓə gáá a Yai-Laa Gáá nɔi hu.

Lɛɛ gbɔwɔ ɓa 8:7

Gbəŋəɠaa mąą kaa pai kwɛai ə́ wɔ pɛ́lɛ́i ɓa, ə mą kɛ ə́ wɔ nu kpɛa-kpɛa da nɔi nuą kəlee; ɲa lee hu lɔ ɓə da kaa pai lɛɛi laa.»

Tɛsalonikə veelɛ 2:9

Yii ɓaa mɛlɛtoomun ti pa mɛ̨nį, yai ɓilihi kɛ-mɛ̨nį pɔɔ kaa mąi, gaa pai gbɔwɔ lɛi a huwalawalalaa huwu ɲɛ̨i tamąą, a kwɛlɛɛn mɛ̨nįɠaa, da nuą kili ɲą pɛlɛ mɛ̨nįɠaa,

Danîa 2:2

Tɔɔmun ə nɛɛmą, ə nwɔ tɔlikpɛ nuąi təli, ə mą kɛ nwɔ hali nąmįnąai, da nuąi da kɛi kwɛli hvilɛn ɉii pɛmɛ̨nɛ̨n gɔwɠaa diɛ, ə lɛɛ, da nwɔ Kilimąą nuą; ə gɛ, ɉįi tii ə gaa, di gili too ŋą. Nuąi tii kəlee di pa, di həli tɔɔmun ma.

Zɛnɛse 41:8

Yələ ɓɔɔ kɛa, ɉįi tii tɔɔmun ə gaa, ə́ liihɛlɛn doo mą, ə nɛɛ mą ə nwɔ pənən gɛ nuą da nwɔ kilimąą nuąi təli, ɉįi tii ə gaa ə ɉukulɔ diɛ. Kɛlaa, dɔ̨nɔ̨ kpɛli hvo pɛli mukulaa lɛi tɔɔmun ma.

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Danîa 5:7

Tɔɔmun ə tomą kpɔ a nwoo kɛnɛ̨ yɛ diɛ: «Ka mo, nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ da Kilimąą nuą, ə lɛɛ da tɔlikpɛ nuą di pa.» Tɔɔmun ə mo Babilonə Kilimąą nuą tii diɛ, yɛ diɛ: «Nui lɔpee, ɉɛɓɛ́i ŋɛ̨i bɛ̨ɛ̨ bɛlɛ ɓa, a pɛli moi, ə ɉukulɔ mą́ą́, ŋą́ nini kɔ́lɔ həɠə too gwąną, ŋą́ hɛni kwɛɛn doo gwąną, ə lɛɛ, mąą nu a tɔɔi ɉaaɓa kɛɛnąą hɔlɔɓo nwɔ́ tɔɔlaai hu.»

Galatə 3:1

Ee kə! Galatə nuą, ɓowo kpɔlɔɔ ɓe tii ká moi! Gbɛɛ ɓə ŋɛ̨i wulu kɛ káái? Ka ɲɛ̨i ɓa, di Jesus Kristə haa mɛ̨nį kolɔwa ɓa ɓo káá a ɉuponoɔ.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Danîa 5:11

Hulɔnu ta kaa ɓɛ ə́ wɔ tɔɔlaai hu, yii Yálá hvulú Nii kaa mɛ̨i. Ə́ nąn nwɔ lɔwai hu, ə gaa, ɉulɔnui tii nwɔ kili da nwɔ nwun gɛ ɉu laa hu pɔ̨nɔ̨ɔi kɛ, yɛ ɓo yɛ alaɠaa di wɔ kili. Ya ɓə ə́ nąn Nabukodonosorə ə ɉee a tɔlikpɛ nuą da nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ, ə mą kɛ Kilimąą nuą, da hali nąmįnąa di nwun nąmu. Ə nąn ŋɛ̨i kɛ a tɔɔmun ya ɓə gɛ tii.

Danîa 2:27

Daniɛlə ə mo tɔɔmun ma, yɛ mą: «Mɛ̨nį loɔ ŋɛ̨i tɔɔmun gaa bɔ ə ɉukulaa kɔ́lɔn, gaa a mɛ̨nį yii, kilimąą nuą ə mą kɛ, nuąi da kwɛli hvilɛn pɛmɛ̨nɛ̨n gɔwɠaa diɛ, da tɔlikpɛ nuą di hva pɛli mą ɉukulɔi tɔɔmun ma.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Timote veelɛ 3:9

Kɛlaa, di hvo pai lii kwɛala, mąąhɔlɔɓo, di wɔɔ ɓowo mɛ̨nįi kaa pai tooi pono ɲą nu kəlee ɲɛ̨i ɓa, yɛ bələi lɔ nu hveelɛi tii di wɛi ə kɛ la.

Lɛɛ gbɔwɔ ɓa 7:12

Nu kəlee yɛ nwɔ tunwɔ̨n pili, yɛ mąą pənə a kaalə. Kɛlaa, Aarɔn nwɔ tunwɔ̨n ə di wɛiɠaai kpələ.

Samuɛlə dɔlɔɔ 6:2

Filisti nuą di di wɔ haláá laa həli nuą, da dɔlikpɛ nuą mąąnin gɛ, diɛ diɛ: «Lə ɓə kwa pɛli gɛi a Yai-Laa nwɔ kəhii ŋɛ̨i? Bələi kwa pɛli gɛi la kuɔ pɛli dɛɛi ɓɛi ə həɠə laa; ka bələ lɛ kuɔ?»

Danîa 4:6

Gɛ́ ma: «Bɛltsasarə, yɛ́i ə́ kaa a dɔlikpɛ nuą nwun nąmu, gíli ka ɉu gɛ́ diɛ, Yálá yii gaa a Vulú, nwɔ́ Nii kaa ə́ mɛ̨i. Yálái tii ɓə mɛ̨nį loɔ ta lɔpee hvo walawala li ɲəi. Ɉiin ŋɛ̨i ŋą́ gaa, gɛ́ ə́ ɉukulɔ mą́ą́.

Lɛɛ gbɔwɔ ɓa 8:3

Bənən gɛ nuąi diɛ kpɛli, di gbəŋəɠaa kulɔ, ə hiɛ Eziptə lɔi nąą kəlee.