Lɛɛ gbɔwɔ ɓa 6:4 - Yálá laawoo hɛɓɛ (dc)

⁴ Yili pulu, kwa diɛni ku mįnɛ̨ həɠə, Kanaan lɔi ŋɛ̨i di kɛ ɉu yɛ nwɛ̨ąa, gɛ́ diɛ gáá dɛɛi ka pɔ.

Yálá laawoo hɛɓɛ

⁴ Yili pulu, kwa diɛni ku mįnɛ̨ həɠə, Kanaan lɔi ŋɛ̨i di kɛ ɉu yɛ nwɛ̨ąa, gɛ́ diɛ gáá dɛɛi ka pɔ.

Bible

⁴ Ŋá ŋákpanaŋ-wooi kɛ̀ máŋ díyêei a gɛɛ ŋá Keena lɔii tɛ́ɛ dípɔ nyii dí kɛ̀ zu a ŋɔ̃ya-ŋai.

Lɛɛ gbɔwɔ ɓa 6:4 Referans Kwoze

Zɛnɛse 28:4

Núwɔ́i Yálá ə doo Abrahamə ɓa, naa ə hon yɛ́ ka ə́ huwu kaa, nɔi ŋɛ̨i ə́ kaa ɉu, ə́ ɉɔlɔɓo ka ə́ huwu kəlee; Yálá ə kɛ.»

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Gɛlaɠaa 7:5

Yálá hvo kpɛli nɔi hu hɛn ta dɛɛ bɔ, ə ma kpɛli kɛ gɔwɔ hvilɛn tɔ̨nɔ̨. Kɛlaa, Yálá ə naakwɛlan mo mą yɛ mą, gaa nɔi ŋɛ̨i tɛɛi bɔ, yaa da ɉuwu, bələi mąn lon və ni kɛ la mą.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Mąątɛ̨nɛ̨ 105:12

Di kpulu hvo kɛ kɛnɛ̨ li, di ɓo a nwɛ̨ąą nɔi.

Samia Veerɛi 23:5

Kɛlɛi bələ ɓə Yálá ə gɛ la a nwɔ́ pɛlɛ́i! Mąąhɔlɔɓo, mįnɛ̨i kwa yaa ku ɉəɠə, ga ma a yələ kəlee da nwɔɔ, da bɔ liɛwooɠaai a mɛ̨i kaa. Mɛ̨nįi lɔpee gəlee hu, a yee tɛɛ mąą tɛɛ bɔ́, ə mą kɛ nííɓa mɛ̨nį hu, ya ɓə a gəlee hu nɛɛ mą́ą́.

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 23:4

«Gáá a nwɛ̨ą ɓɛ ka lɔwai, gɛ́ ka hvaa mą, ka kɛɛnąą ta tɛɛ bɔ́, ɓɛi ŋį́ nɛ̨́ą loo laa.»

Zɛnɛse 17:13

Yili ɓa, luwɔ yii hɔlɔɓo ə́ yəi bɛlɛ́n, ə mą kɛ yii ə́ ɲa, ka gəlee hee kɛ́nɛ̨ ɓa, əgɛ, nwɔ́ mįnɛ̨i ə kɛ di kɔ́lɔ ɓa, yɛ mįnɛ̨i kpəla pələi hvo mą.

Zɛnɛse 17:4

«Nwóói gáá gwɛlɛi yɛ́, ya ka: ə́ kaa pai kɛi a hį́i tamąą di nąn.

Zɛnɛse 15:13

Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Zɛnɛse 6:18

Kɛlaa, ə́ wɛi, gáá nwóó kwɛlɛi yɛ́: Hvó pai lɛɛi ɲánwąnąi tii hu, yɛ́-o, ə́ nɛ̨ą-o, da ə́ lon ɉinąą haaɓai, ə mą kɛ, da di nɛ̨ąni, ka lɔ gələn tii hu.

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 26:4

Gáá pai ə́ huwuhu kɛnɛ̨i yɛ yələkɔlɔn ɉu pɛmɛ̨nɛ̨n gɔw. Gáá Nɔi ŋɛ̨i kəlee tɛɛi ə́ tɛɛi ə́ huwu pɔ, diɛi tii di haalai ɓə gáá pai lúwɔ́ tooi la hį́i kəlee ɓa.

Lonon mo 10:29

Reuɛlə lon Hobabə, yai kɛ a Madian mun, yɛ ɓo a Moisə mɔ́lɔ; Moisə ə mo mą, yɛ mą: «Ku kaa lii nɔi ɲɛ̨i Yai-Laa ə kɛ yɛ gaa dɛɛi ku pɔ ɉu. Pa gwəli, gwa li, mɛ̨inɛ̨ɛ̨ Yai-Laa aa naakwɛlanmo kuɔ, ə́ ə́ wɔɔ nąą hɔlɔɓo ɉu.»

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Lɛɛ gbɔwɔ ɓa 13:4

Mɔ̨nun dee ɲąnin ŋɛ̨i a Abibə, ɉu ɓə ka kulɔ la a háákələi yələ.

Lɛɛ gbɔwɔ ɓa 13:5

«Ɓɛlɔwai Yai-Laa kaa pai ka lɔi la Kanaan lɔi hu; ɓɛi Hɛtə nuą, Amɔrə nuą, Hivi nuą da Ɉebusə nuą di kaa laa. Nɔi tii ɓə wɔlɔ ə naakwɛlanmo ka kalaɓɔlɔni diɛ, yɛ gaa dɛɛi di pɔ. Ɓɛi hɛn gəlee da lɛlɛ laa. Ɉɛlii ti ɓə ka bu a ɲąnin ti da volói ti.

Mąątɛ̨nɛ̨ 105:11

Yɛ kɛ mą: «Gáá Kanaan lɔi tɛɛi ə́ pɔ, ə kɛ a ka kwɛlin, a ka wəlingią lɔi.»