Lɛɛ gbɔwɔ ɓa 6:3 - Yálá laawoo hɛɓɛ (dc)

³ Ŋą́ wɔlɔ gbɔ́ɠɔ́ lɛ Abrahamə ɓa, ə mą kɛ Isaakə da Ɉakɔbə. Ŋą́ gbɔ́ɠɔ́ lɛ diɛ yɛ: ‹Huwalawala Kəlee Nąmu Yálá›, kɛlaa, di kili hvo kɛ ɉu, diɛ kɛ náá ɓaa: ‹Yai-Laa.›

Yálá laawoo hɛɓɛ

³ Ŋą́ wɔlɔ gbɔ́ɠɔ́ lɛ Abrahamə ɓa, ə mą kɛ Isaakə da Ɉakɔbə. Ŋą́ gbɔ́ɠɔ́ lɛ diɛ yɛ: ‹Huwalawala Kəlee Nąmu Yálá›, kɛlaa, di kili hvo kɛ ɉu, diɛ kɛ náá ɓaa: ‹Yai-Laa.›

Bible

³ Ŋá pà Eberaɣɛ̃ɛ pɔ́, Aise da Zeeka yɛ̂ɛ Wála-wala Kélee Ɣala. Kɛ́lɛ fé ŋ́gbîŋ lɛ́ ní dîa a ǹáai nyii gáa a Yâwɛɛ.

Lɛɛ gbɔwɔ ɓa 6:3 Referans Kwoze

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Mąątɛ̨nɛ̨ 68:4

Kɛlaa, tələnmonuą kaa kwəinɛ̨ɛ̨ hu, diɛ kwəinɛ̨ɛ̨ kulɔ Yálá líila, diɛ mąną a ɓə́lə́n.

Lɛɛ gbɔwɔ ɓa 3:14

Yálá yɛ Moisə ɓa: «Náá ɓaa a: ‹Yai Gaa Lɔ A Yaa›, yá li, yá kɛ diɛ, nui ŋɛ̨i naa ɓa a: ‹ƝĄ́Ą́ LƆ, ya ɓə dɔ́ɔ́ ka pɔ.›»

Zɛnɛse 48:3

Ɉakɔbə yɛ Ɉosɛfə ɓa: «Huwalawala kəlee Nąmu Yálá ə gbɔwɔ lɛ mą́ą́ Luzə Kanaan lɔi hu, ə lúwɔ́ too mą́ą́;

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Zɛnɛse 35:11

Yálá yɛ nwɔ̨nɔ̨ Ɉakɔbə ɓa: «Ɲą́ą́ ɓə a Huwalawala Kəlee Nąmu Yálá, gáá ə́ kwəi nwun ɉii, ə́ huwu ə ɓɛlɛ, ə́ kaa pai kɛi a hį́i tamąą di nąn, tɔɔɓɛlaa da kulɔ ə́ huwuhu.

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

Ɉaan 8:58

Jesus yɛ diɛ: «A tɛ̨ą kpɔ-kpɔ gáá moi kaa, gɛɛ Abrahamə hvo kɛ hɔlɔɓo a lon, ɲą́ gbɛa kɛ laa.»

Azaya 42:8

Ɲą́ą́ ɓə a Yai-Laa, ɛlɛɛ, náá li; ɛlɛɛ, nwɔ́ mąąwiɛi və́ pai dɛɛi nu takpɛli pɔ, ə mą kɛ mą́ą́tɛnɛ wələi mąąnɛ̨ɛ̨ di doo mą́ą́, vá dɛɛ haliɠaa pɔ.

Zɛnɛse 22:14

Abrahamə ə gɛɛnąą tii laa hee, yɛ mą: «Yai-Laa a gili lɛɛ ɉu.» Mɛ̨nįi gɛi, háá ɓa háá, da kɛ gɛɛnąą tii laa ɓaa: «Yai-Laa a gili lɛɛ ɉu yee ɓa.»

Zɛnɛse 13:18

Abramə ə́ nwɔ taai həɠə, ə li ə bu Mamre taa nwɛla kwɛlɛ, yai kɛ a Hebrɔn daa lee nwɔɔ. Ə nɛɛ mą ə haláá kulɔi pɛli laa Yai-Laa ɓa.

Zɛnɛse 28:3

«Gɛ́ Huwalawala Kəlee Nąmu Yálá ə lúwɔ́ too yɛ́, Ə ə́ kwəi nwun, ə́ lon damąą kaa, Ə ə́ kɛ a hį́i tamąą di nąn.

Lɛɛ gbɔwɔ ɓa 15:3

Yai-Laa kaa a kɔ́kuláá, Naa ɓa a: Yai-Laa.

Lɛɛ gbɔwɔ ɓa 23:21

Ka mąąwiɛ, ka ka wɛli tɔɔ nwoo ɓa, ka hvo tɔɔ na, hvo pai ka wɔ kulɔ nwoo mu laa mąąhvaalɛɛi, mąąhɔlɔɓo, nwɔ́ heeɓolaa kəlee kaa ɲəi.

Rutə 1:20

Kɛlaa, Naomi ə mo diɛ yɛ diɛ: «'Ká hvo kɛa də́li a Naomi laa; 'ká kɛ mą́ą́ Mara, mąąhɔlɔɓo, Huwalawala Kəlee Nąmu Yálá aa mɛ̨nį ɲąąnwąnąą laa mą́ą́.

Ɉeremi 16:21

Gáá kɛa pai kili tɛɛi di pɔ, gili tii pɔ pələ ɓə gáá nwɔ́ yee walawalalaa lɛi la diɛ, da gili kɔ́lɔn nąąlɔwai diɛ kɛ diɛ; náá ɓaa: «Yai-Laa.»

Ɉeremi 33:2

Yálái, yai hɛn gəlee pɛli, yɛ ɉee tin, naa ɓaa a Yai-Laa, nwoo ka, yɛ diɛ:

Izikiɛ 20:5

«Ɲą́ą́ Mɛ̨nį kəlee ŋą Hééɓomun Yálá nwóó laa həli diɛ, yɛ diɛ: Ɲələi ŋą́ Israɛlə həɠə la a; nííɓa lɔi, ŋą́ ɲéé tɛ yələi, ŋą́ gwɛla Ɉakɔbə yəi bɛlɛ́n nu huwu ɓa; ŋą́ gbɔ́ɔ́ lɛ diɛ Eziptə lɔi hu, ŋą́ ɲéé tɛ yələi, ŋą́ gwɛ́la, gɛ́ diɛ: Gáá a Yai-Laa ka wɔ Yálá.

Izikiɛ 37:6

Gáá pai ka lanąɠaa laai ka hu, ŋą́ ka lúwú pɛlɛ mɛ̨i, ŋą́ kɔ́lɔ tɛ kaa, ŋą́ ká nɔ̨ɔ̨ too ka hu, ka kɛ a ka hvulú. Nąąlɔwai ɓə ka gili kɔ́lɔn na, kaa kɛ diɛ, ɲą́ą́ ɓə gáá a Yai-Laa.»

Izikiɛ 37:13

Nąąlɔwai, ka gili kɔ́lɔn kaa diɛ, ɲą́ą́ ɓə gáá a Yai-Laa; ɓɛlɔwai ŋą́ ka kámąɠaa laaɓo la, gɛ́ ka kulɔ ɉu, kaai ɓaa nwɔ nuąi.