Lɛɛ gbɔwɔ ɓa 4:15 - Yálá laawoo hɛɓɛ (dc)

¹⁵ Ya həli mą, mɛ̨nį kəlee hukulɔ mą ə́ ə́ woo pu na. Ɲą́ą́ Gáá Lɔ ə́ laaləi pɔ ka yaa, mɛ̨nį mąąnɛ̨ɛ̨ ka gɛ, ŋą́ nɛ kaa.

Yálá laawoo hɛɓɛ

¹⁵ Ya həli mą, mɛ̨nį kəlee hukulɔ mą ə́ ə́ woo pu na. Ɲą́ą́ Gáá Lɔ ə́ laaləi pɔ ka yaa, mɛ̨nį mąąnɛ̨ɛ̨ ka gɛ, ŋą́ nɛ kaa.

Bible

¹⁵ M̀ɛnii ƃa ŋ̀wɛ̂lii í mói, ƃa pɔ̂ri môi mà a gɛɛ é mó. Ŋa pâi kpɔnîi káfeerɛ kâa ŋá m̀ɛnii ƃó kâa ka pâi m̀ôi da m̀ɛnii ka pâi gɛ̂i.

Lɛɛ gbɔwɔ ɓa 4:15 Referans Kwoze

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Lonon mo 23:16

Yai-Laa ə pa Balaamə pɔ, ə woo ta lɔ na, ə gɛ yili ə li ə mo Balakə ɓa.

Lonon mo 23:12

Balaamə ə nwoo pulu pənə yɛ mą: «Ŋą́ kɛi hvaa, mɛ̨nįi Yai-Laa a bu ná, ya hvəi mɔ̨ɔ̨ mąąnɛ̨ɛ̨ ŋį́ mo?»

Lonon mo 23:5

Yai-Laa ə woo ta ɓo Balaamə ɓa, ə gɛ yili ə li, ə nwooi tii ɓo Balakə ɓa.

Ɉeremi 1:9

Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Samia Veerɛi 14:3

Yili pulu, li ə́ həli tɔɔmun ma, ə mɛ̨nįɠaai ŋɛ̨i ɓo mą.» Mɛ̨nįɠaai kɛ mąąnɛ̨ɛ̨ nɛ̨ɛ̨nui tii ə mo, Ɉoabə ə gəlee ɓo mą.

Lonon mo 22:38

Balaamə yɛ Balakə ɓa: «Ee, kɛlɛi ŋą́ą́ həli kɛa yɛ́. Mąą laa kaa mɔ̨ɔ̨ ɲə́i ŋį́ pɛli mɛ̨nį ta ɓoi? Nwooi Yálá kaa pai bui ná, ya ɓə gáá pai moi.»

Lɛɛ gbɔwɔ ɓa 4:12

Yii hu, 'həɠə ə́ li; Ɲą́ą́ Lɔ Gáá ə́ pɔ, mɛ̨nįi mąąnɛ̨ɛ̨ ə́ mo, Ŋą́ bu ə́ la.»

Korɛntə dɔlɔɔ 11:23

Hvo gaai nwɛ́i, yii ŋį́ ɉɔlɔɓo gu Ną́mu yəi, ya ka, ɛlɛɛ, ya ɓə gáá dɛɛi ká pɔ: Gbįnįi ŋɛ̨i di gu Ną́mu lɔ́wɔ́tɔɔ la, mąą kpįnįi tii, ə lɛɠɛ həɠə,

Dutɛrɔnome 5:31

Ə́ wɛi, gwa yɛ́ gu lɛɛ ɓɛ, gáá díɓo kəlee lɛi yɛ́, dɔ́n nwooɠaa da nɔi hu yíi ɓo pələɠaa. Yá pənə yá li, yɛ́ nɛ diɛ; diɛ pɛli bɔ túwɔ́ ɓoi nɔi gáá dɛɛi di pɔ ɉu. Yai di kaa lii heei ɉu.»

Korɛntə dɔlɔɔ 15:1

Ną́n nonnii, gáá gili tooi ká ɲą gɛ́ kaa: Nwɛlɛɛ lɛlɛɛi ŋą́ naa həli káá, yai ka ká yee hee mu, ka kąnąnŋąą mai,

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Lɛɛ gbɔwɔ ɓa 4:28

Mɛ̨nįi kpɔ Yai-Laa ə mo Moisə ɓa, ə gəlee ɓo Aarɔn ɓa, ə mą kɛ gwɛlɛɛn mɛ̨nįɠaai gaa lii gɛi.

Lɛɛ gbɔwɔ ɓa 4:30

Mɛ̨nįɠaa kpɔ Yai-Laa ə mo Moisə ɓa, Aarɔn ə gəlee laa həli galanɉonŋąą diɛ, Moisə ə gwɛlɛɛn mɛ̨nįɠaa kəlee kɛ Israɛlə lonnii ɲɛ̨i ɓa.

Lonon mo 16:28

Moisə ə mo, yɛ diɛ: «Bələi ka gɔlɔn na kaa kɛ Yai-Laa ɓə dɔ́ɔ́ gɛ́ mɛ̨nįɠaai ŋɛ̨i kəlee kɛ, və́ lɛɛ li gbɔwɔ ɓa gɛ́ gɛ tii, bələ ka.

Samuɛlə dɔlɔɔ 16:3

Ɉaláá kulɔi lɔwai, ə́ Ɉɛse təli, nąąlɔwai, yii mąąnɛ̨ɛ̨ ə́ gɛ, ɲą́ą́ gbinįi ŋą́ nɛ yɛ́. Nui ŋą́ ɲéé lɛ mą, ya ɓə yá mąątí a nwulɔi ŋɛ̨i.»

Mąątɛ̨nɛ̨ 51:15

Ŋą́ yɛ́ pələi lɛ hɔn ɲɔ̨n gɛ nuą diɛ, nɛ̨ŋɛ̨n ɉəɠə nuą diɛ pɛli pənəi, diɛ pa ə́ pɔ.

Ɉeremi 36:32

Ɉeremi ə hɛɓɛ́ takpɛli həɠə, ə dɛɛ Neriya lon Barukə pɔ. Ɉeremi ə kɛi nwooɠaai Ɉuda tɔɔmun Yoyakimə ə di kələn, di ɓo mą, yɛ di pɛ̨ɛ̨. Ə mɛ̨nį takpɛliɠaa tamąą ɓo, lɔ yɛ bələi yiiɠaai tii di kɛ la, ə di pɛlɛ mą.

Mąątɛ̨nɛ̨ 25:12

Nui a ɲɔw Yai-Laa ɓa, Yai-Laa a ɉiɛ pələ lɛ mą, yɛ ɉon na.