Lɛɛ gbɔwɔ ɓa 39:27 - Yálá laawoo hɛɓɛ (dc)

²⁷ Yili pulu, həɠə pala nuą di Aarɔn da nonnii di mąą həɠəɠaa pala a yeekalə walawala.

Yálá laawoo hɛɓɛ

²⁷ Yili pulu, həɠə pala nuą di Aarɔn da nonnii di mąą həɠəɠaa pala a yeekalə walawala.

Bible

²⁷ Nyɛkɛ-ŋai díkaa Eelɔŋ da ǹônii-sinaa mɛni mai, dí díkpɛ̀tɛ seɣe kole nɛnɛ-fɛfɛɛ lɛ́lɛɛ.

Lɛɛ gbɔwɔ ɓa 39:27 Referans Kwoze

Izikiɛ 44:18

Həɠə ɓɛla kwəlɛɛɠaa ɓə da ɲili di nwun ma, bɛlɛ́n gwəlɛɛɠaa ə ɓo diɛ, hɛ̨ą yili kɔ́lɔ hva kɛ diɛ, hvɛnɛya mɛ̨nį ɓa.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Galatə 3:27

Gəlee ə mą kɛ, káái kpɔ daa ká mąąwaa Kristə hu, káá Kristə too ká kwɛną.

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Levetekɔ 8:13

Moisə ə Aarɔn lonnii tɔɔ, ə ɉəɠəɠaa too di kwąną, ə ɉąą yili kɔ́lɔ yili di ləŋəi, ə mɔlɔɠaa lɔ di nwuɔ̨; yɛ bələi Yai-Laa ə dí la.

Lɛɛ gbɔwɔ ɓa 39:26

Da talanən dɔ̨nɔ̨ hɛlɛn, di wulu ɓá mąąnįnįn dɔ̨nɔ̨ hɛlɛn, yɛ bələi Yai-Laa ə Moisə tí la.

Lɛɛ gbɔwɔ ɓa 39:28

Di di nwuɔ̨ ɓɔlɔɠaa pala, da mɔlɔ mąąpu hɛnŋąą, da bɛlɛnŋąą, a yeekali hu walawalaa.

Levetekɔ 6:10

Di hva lɛɠɛ tɛ hɛn bu nɛɠɛ hu diɛ mɔ̨n. Yili ɓə ŋą́ dɛɛ di pɔ, yɛ kulɔ nwɔ́ haláá hɛnŋąąi hu, yii di gələn gaa a hɛn yii mąąhəɠɛɛ, yɛ bələi di nɛ̨ŋɛ̨n mąąhvaalɛɛ haláá kɛ la.

Izikiɛ 44:17

Da tɛɛ bɛlɛ́ laaləi diɛ lɔ ɲiman mu da bɛlɛ́n, da həɠə kwəlɛɛ too di kwąną, di hvo huwɔ ləɠa həɠə too di kwąną; ɓɛlɔwai da kɛi ɉaláá mɛ̨nį kɛ laa ɲiman mu, da bɛlɛ́n.

Lɛɛ gbɔwɔ ɓa 28:36

«Yili pulu, ə́ hɛni pu, ə́ bɛli a mɛla ŋą kɛnɛ̨ yɛ wulu powa mąąnįnįn, ə́ bɛ̨ɛ̨ yɛ da kɛi hɛn ɉaɠa, yɛ ɓo a Yai-Laa nwɔɔ.