Lɛɛ gbɔwɔ ɓa 38:21 - Yálá laawoo hɛɓɛ (dc)

²¹ Ɉɛnŋąąi kpɔ lɔ bɛlɛ́ kóló hu, a mįnɛ̨ pɛlɛ́ kóló, Moisə ə mo di nonon, yili ə kɛ a Levi lonnii nwuɔ̨ kóló, ɉaláá laa həli mun Aarɔn lon Itamarə ɓə kɛ nąą ɲɛ̨i tɔwɔ.

Yálá laawoo hɛɓɛ

²¹ Ɉɛnŋąąi kpɔ lɔ bɛlɛ́ kóló hu, a mįnɛ̨ pɛlɛ́ kóló, Moisə ə mo di nonon, yili ə kɛ a Levi lonnii nwuɔ̨ kóló, ɉaláá laa həli mun Aarɔn lon Itamarə ɓə kɛ nąą ɲɛ̨i tɔwɔ.

Bible

²¹ Zãai dí Ɣâla ŋɔpɛ́rɛi nyii gɔni-ƃela feerɛi Ɣâla ŋɔtɔ̂ŋ puui è kɛ̀ a bɔ̃yɛɛ diai dí kɛ̀ mui tɔ̂ɔ lai ká ŋí. Mose ƃé zãai ŋí lɛ̀. Liiva-ŋai nyii-ŋai ŋí díkɛ̀ tíi kɛ̂i zâla láa soŋ-nuu kɛ́tɛi Eelɔŋ ǹóŋ Itama yée mui dí gbɛ̀tɛi.

Lɛɛ gbɔwɔ ɓa 38:21 Referans Kwoze

Gɛlaɠaa 7:44

«Ku nąnni kɛɛ nɔi pun hu, ɉəɠə pɛlɛ lon Yálá nwɔ mįnɛ̨ hɛnŋąa di kɛ mu; ə kɛ laa di yəi. Nui kɛli bələ ɓo Moisə ɓa, ə kɛ mą: Bɛli kpɔlɔɔ yɛ bələi ɲą́ giliin na yɛ́.

Kɔlɔnikɔ Veerɛi 24:6

Tɔɔmun ə nɛɛmą ə ɉaláá laa hɛlimun gɛnɛ̨ Yehoyada təli, yɛ mą: «Lə mɛ̨nį ɓa yaai, hvó mo li Levi lonnii diɛ a ə́ nwąnąi, di hvo, nįįhɔ̨nwɔ̨i Yálá ŋą tímun Moisə ə vaaɓo, di hvo ɉon Ɉuda nuą yəi da Ɉerusalɛmə nuą, ɛlɛɛ, da Israɛlə lonnii kəlee yəi, Yai-Laa ŋą mįnɛ̨ pɛlɛ lon mąą mɛ̨nį ɓa?

Lonon mo 10:11

Israɛlə nuą kulaa Eziptə lɔi hu, gwɛlan veelɛnąą ɲąnin veelɛ nwɔ hvoló pow hveelɛ yələ, dulɔ kpinįn ə muhəɠə gee kaa kələ mɛ̨i.

Lonon mo 9:15

Ɲələi ŋɛ̨i di gee kaa kələ tɔɔ la; tulɔ kpinįn ə yɛɛ, ə pɛlɛ mɛ̨i, ɓɛi ŋɛ̨i mįnɛ̨ kəhi ə kɛ laai. Yələ wulii pɔ, ə kɛ nąą nwun mɛ̨i yɛ nwɔ̨n gɛ pələ, ə lɛɛ ɉu yələ ə ɓɔ.

Lonon mo 1:53

Levi lonnii di wɛi, da di wɔɔ kələɠaai tɔɔ, di gee kaa kələ mąątínɛ̨n na, yili ɓə a gɛ, Yai-Laa nwɔ liiholi hva pɛli həlii Israɛlə lonnii diɛ. Levi lonnii diɛ kóló kɛ gee kaa kələ mu.»

Lonon mo 1:50

Gee kaa kələ mąą mɛ̨nį lɛɛ Levi lonnii nwuɔ̨, da mu hɛnŋąą diɛ ɓə mąąnɛ̨ɛ̨ diɛ gbəŋəi, da mu hɛnŋąą kəlee, diɛ kóló kɛ mu; ɛlɛɛ, di di wɔɔ həɠə pɛlɛ́ɠaa tɔɔ gwɛlɛ, di mąątínɛ̨n na.

Lonon mo 18:2

Ə́ nąn nonnii a Levi nu huwu, di həɠə diɛ kpɛli, ka diɛni kaa lɛɠɛ gɛɛnąą mąąhəɠɛɛ ɓa. Di kaa pai kɛi kpɔn ɉii yɛ́, diɛ ə́ yee mąąkpɛ, kɛlaa, yɛ́ ka ə́ lonnii ɓə pai kɛi tɔɔi gee kaa kələ lííla.

Lɛɛ gbɔwɔ ɓa 6:23

Aarɔn ə Aminadavə lon Elisabɛtə həɠə a nɛ̨ą, Nasɔn mąąhala. Da yaa di lon ɉinąą nąąn ɉɔlɔɓo, di laa ka: Nadavə, Avihu, Eleazarə da Itamarə.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

M̀ɛni-lɛɛi 11:19

Ɛlɛɛ, Yálá hee pɛlɛ́i tii yələi, naa ə ɓo, ɛlɛɛ, mįnɛ̨ kəhi mąą ə pono, Yálá hee pɛlɛ́ mu. Ɛlɛɛ, ə kɛ lɔ tii, mąną-mąną ə gɛ, wooɠaa di tɔɔ, yələgbąnąą ə gɛ, lɔi ə kpɛlin, hanwon gɛnɛ̨ ə pu.

Piɛrə veelɛ 1:13

Ɓɛlɔwai ŋɛ̨i gáá ni la yɛnɛ̨ɛ̨, yii gáá gaai ɉu a ɉaŋąa, ya ɓaa: ŋį́ ka kili pu mɛ̨nįɠaa hu, ka kɛ ɉu a ka ɲɛ̨i.

Hebreu 9:11

Kɛlaa, Kristə ə pa ə kɛ a ɉaláá laa həli mun gɛnɛ̨, mɛ̨inɛ̨ɛ̨ɠaai gaa pai, di mąą mɛ̨nį ɓa. Ɉəɠə pɛlɛ́i gaa nwɔ tíɓo kɛi mu, gɛnɛ̨i, mąą mɛ̨nį pɛliɛ ɉu kpɔ hvɛɛ-hvɛɛ, hvo a nu kan ɲee pɔɔ, mukulaa ɓaa, hvo a ɲɛnɛ̨ɛ̨ ŋɛ̨i hu mɛ̨nį,

Hebreu 8:2

Ya ɓə gaa a tímun, gɛɛnąą mąąhəɠɛɛ hva-hva ɓa, a bɛlɛ́ leeleei, gu Nąmu kpinįi ə dɔɔ, nu kan ɲee pɔɔ hvo ɉu.

Korɛntə veelɛ 5:1

Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Maafîu 17:4

Ŋąąɓa Piɛrə ə nɛɛmą yɛ Jesus ɓa: «Ną́mu, akɛ ya hvaa mą, gu kɛ lɔ kɛa ɓɛi, ŋą kpuwulu haaɓa tɔɔ ɓɛ, dɔ̨nɔ̨ ə kɛ a ə́ wɔ, dɔ̨nɔ̨ ə kɛ a Moisə nwɔɔ, dɔ̨nɔ̨ ə kɛ a Eli nwɔɔ.»

Mąątɛ̨nɛ̨ 15:1

Davidə nwɔ Yálá mąątɛ̨nɛ̨ wələ. Yai-Laa! Gbɛɛ ɓə pai lɔi ə́ yəi bɛlɛ́n? Gbɛɛ ɓə pai heei Ə́ wɔ yee mąąhəɠɛɛi nwuɔ̨?

Zôo 26:1

Ɉobə ə nwoo ɲąą pənə, yɛ mą:

Zôo 22:23

Yá pənə yá pa Huwalawala Kəlee Nąmu pɔ, Yɛ́ mɛ̨nį ɲɔ̨n gəlee kulɔ ə́ túwɔ́ pələ hu, yá ə́ kpɔ hɔlɔɓo.

Zôo 11:4

Yáá ə́ lii kpələ yɛ́ kɛ diɛ: «Nwooɠaai gáá moi, lɛɛ hvo ɉu, yɛ́ kɛ diɛ ɉɔ́n və mą́ą́ ə́ ɲɛ̨i ɓa.»

Kɔlɔnikɔ Maa-ŋuŋ 6:3

Kehatə lonnii ɓaa: Amramə, Yiseharə, Hebrɔn da Uziɛlə.

Lonon mo 24:5

«Ə́ wɔ həɠə pɛlɛ́ɠaai lɛlɛɛi ɓə Ɉakɔbə, ə́ yii pɛlɛ́ɠaa lɛlɛɛi Israɛlə.

Lɛɛ gbɔwɔ ɓa 40:3

Ə́ mįnɛ̨ kəhi hee mu, ə́ gəhi lɔ ə́ ɉee ɉəɠə ɓɛla pulu pələ.

Lɛɛ gbɔwɔ ɓa 26:33

Yá ɉəɠə ɓɛlai tii hɛlɛn daŋąɠaa mu pələ. «Ɉəɠə ɓɛlai tii pulu pələ ɓə da gəhi hee la, yái mįnɛ̨ həɠə hɛnŋąą kaa ɉu. Ɉəɠə ɓɛlai tii ɓə pai kɛi a gɛɛnąą hveelɛi tii lɔwai tɔɔ hɛn, diɛ ɓaa: kɛɛnąą mąąhəɠɛɛ, da gɛɛnąą mąąhəɠɛɛ nwɔ kɛɛnąą mąąhəɠɛɛ.

Lɛɛ gbɔwɔ ɓa 25:16

Gwɛni ɓɛlaɠaai gáá pai dɛɛi ə́ pɔ, yá naa gəhi hu.

M̀ɛni-lɛɛi 15:5

Yili pulu, ŋį́ ɲɛ̨́i hee, ŋį́ Yálá hee pɛlɛ́i tii yələkɔlɔn ɉu, yai gələ lon gaa mu, ŋį́ gaa, naa ə ɓo,

Lɛɛ gbɔwɔ ɓa 38:20

Bɛlɛ́ kɔ́wɔ hvilɛn ɉɛnŋąą da mąą tínɛ̨n gwənąn vilɛn ɉɛnŋąą, di kɛ a ɓala kwɛli.

Lɛɛ gbɔwɔ ɓa 38:22

Besalɛlə Uri lon, ə ɓo a Hurə mąnįn, yai a Ɉuda huwuhu mun, mɛ̨nįɠaai kpɔ Yai-Laa ə Moisə tí la, ə gəlee kɛ.