Lɛɛ gbɔwɔ ɓa 35:31 - Yálá laawoo hɛɓɛ (dc)

³¹ Aa gɔ́ a Yálá nwɔ Kilii, ə gɛ, mɛ̨nį hu kpɛ kili, nwun gɛ ɉulaa, da mɛ̨nį kɔ́lɔn ŋąą, yɛ pɛli yɛlɛ kɛi la.

Yálá laawoo hɛɓɛ

³¹ Aa gɔ́ a Yálá-Nįį, ə gɛ, mɛ̨nį hu kpɛ kili, nwun gɛ ɉulaa, da mɛ̨nį kɔ́lɔn ŋąą, yɛ pɛli yɛlɛ kɛi la.

Bible

³¹ A ǹáa fɛ́ɛ a Ɣâla ŋɔmɔ̂leŋ, táre, mɛni-ŋa káa da yɛrɛ tii sii kélee kɛ́ mɛni ma,

Lɛɛ gbɔwɔ ɓa 35:31 Referans Kwoze

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Kɔlɔnikɔ Veerɛi 2:14

Nwɔ́ mɛ̨nį nąmu, yii ɓaa ə́ wɛi, mɔ̨nun kɔ́w da kpai kɔ́w, nwulɔ da nɔɔi ə́ di laakwɛlanmo, di tɛɛ kɛa ə́ wɔɔ tínuą diɛ.

Kolosə 2:3

A yai, kili mɛ̨nį da mɛ̨nį kɔlɔŋąą ŋą hɛngɔw kəlee kaa ɉu.

Azaya 28:26

Yaan bələi mąąnɛ̨ɛ̨ ə gɛ la, nwɔ Yálái ɓə a bələ lɛ mą; yɛ mąąkwɛli mą.

Lɛɛ gbɔwɔ ɓa 28:3

Nuąi ŋą́ą́ di laa hvɛɛ a mɛ̨nį kɔ́lɔn gili, di yɛlɛɛ, mo diɛ, di Aarɔn nwɔ həɠəɠaai pɛli, ə gɛ, Aarɔn ə kɛ a nwɔ́ haláá laa həli mun.

Lɛɛ gbɔwɔ ɓa 31:3

Ŋą́ą́ gɔ́ a Yálá nwɔ Kilii, ə gɛ, mɛ̨nį hu kpɛ kili, nwun gɛ ɉulaa, da mɛ̨nį kɔ́lɔnŋąą ə kɛ ɲəi, yɛ pɛli yɛlɛ kɛi la.

Lɛɛ gbɔwɔ ɓa 35:30

Moisə yɛ Israɛlə lonnii diɛ: «Yai-Laa aa Uri lon Besalɛlə həɠə ɉu, yai gaa a Hurə mąnįn, Ɉuda huwuhu mun.

Lɛɛ gbɔwɔ ɓa 35:32

Yɛ yɛlɛ kóló kulɔ, yɛ hɛni kóló kɛ, wali kwɛli da ɓala kwɛli,

Lɛɛ gbɔwɔ ɓa 35:35

Aa di kɔ́ a mɛ̨nį kɔ́lɔn gili kɛnɛ̨, diɛ pɛli kóló huwui lɔpee gəlee kɛi a yɛlɛ, kwɛni haɠa kóló, ganą hee kóló, diɛ pɛli həɠə palai a ɲɛ̨i pɛ̨ɛ̨, a viliiɓoɔ, a gbɔluɔ mu tɛɠiɛ, gbɔluɔ gbələ tətə, gwəlɛɛ pə-pə, da yɛlɛ huwui lɔpee gəlee kɛ nuą di wɔ kóló.»

Tɔɔɓɛlaa dɔlɔɔ 7:14

Hiramə ə kɛ a Nɛftali nɛ̨ɛ̨nu ta lon. Nɛ̨ɛ̨nu kpɔ ə kɛ a galanįn, Tirə hulɔnu ta ɓə Hiramə kaa nɛ̨ɛ̨nui tii ɓa. Hiramə ə kɛ a nui ŋɛlɛɛ ɓala kwɛli koló ɓa, yɛ goló kɛ kpɔ a nɛlɛɛ. Ə pa tɔɔmun Salomɔn pɔ, golói di dəli mą, ə gəlee kɛ.