Lɛɛ gbɔwɔ ɓa 34:9 - Yálá laawoo hɛɓɛ (dc)

⁹ Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Yálá laawoo hɛɓɛ

⁹ Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Bible

⁹ È mò ǹyɛɛi, “À kɛ̀ ílii lâai kpɔ́ m̀aa mɛni ma a ǹɛ́lɛɛ, gɛ̀ ní Óo Yâwɛɛ ŋa ímarê kɛ̂i a gɛɛ kwa kâa-ni kú lí. Ǹûai ŋí ŋuŋ su kpanaŋɔ̂ɔi. Kɛ́lɛ kúsɔnyɔ̂ŋ su-mɛni lɛɛ í kúsiɣe a ínûa.”

Lɛɛ gbɔwɔ ɓa 34:9 Referans Kwoze

Mąątɛ̨nɛ̨ 33:12

Nɔi Yai-Laa kaa a nwɔ Yálá, nwun na nɛ̨ɛ̨ lɔi li, nu huwui ə ɉəɠə ɉu a gwɛlin, nwun na nɛ̨ɛ̨i!

Mąątɛ̨nɛ̨ 94:14

Mąąhɔlɔɓo, Yai-Laa hva gili kulɔ nwɔ nu huwui hu, hva lɛ̨ą gwɛlin ma tanɔ̨n gbɛli.

Dutɛrɔnome 32:9

Kɛlaa Yai-Laa nwɛi ɓaa a nwɔ nu huwui, Ɉakɔbə ə lɛɛ a gwɛlin.

Mąątɛ̨nɛ̨ 135:4

Mąąhɔlɔɓo Yai-Laa ə Ɉakɔbə həɠə ɉu a nwɔɔ, Ə Israɛlə kɛ a gwɛlin nɔi.

Mąątɛ̨nɛ̨ 28:9

'Ə́ wɔ nuąi nwun mąąɓo, lúwɔ́ too ə́ kwɛlin ma, 'kɛ a di mɛ̨i kaamun, ə́ ə́ yee kɛ diɛ a yələ kəlee.

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Lɛɛ gbɔwɔ ɓa 32:9

Yai-Laa yɛ nwɔ̨nɔ̨ Moisə ɓa: «Ŋą́ą́ nuąi ŋɛ̨i mąąkpɛɛ, di kaa a nuąi di wəli walawalaa.

Zakari 2:12

Yai-Laa Mɛ̨nį Kəlee ŋą Hééɓomun woo li, Ya ɓə dɔ́ɔ́ a nwɔ heeɓolaa, nɔiɠaai tii too ka mɛ̨i di mąą mɛ̨nį ɓa. Nui lɔpee a tunwɔ̨n kaa, aa tunwɔ̨n ɲɛ̨́ilon ma.

Mąątɛ̨nɛ̨ 78:62

Ə nwɔ nu huwui lɛɛ a kɔ́ kɔ́ ɓɔwa kɔ̨nɔ̨n, ə níiholi kpɔ kɛnɛ̨ nwɔ nuąi pɔ.

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Azaya 48:4

Ŋą́ gɔlɔn gɛ, gɛ́ diɛ ə́ kili wala walaai, ɛlɛɛ ə́ kpowola wala walaai yɛ kwɛli, ə́ tɔwɔla wala walaai yɛ ɓala kwɛli,

Mąątɛ̨nɛ̨ 25:11

Ə́ laa mąąwiɛ mɛ̨nį ɓa, Yai-Laa, nwɔ́ nɛ̨ŋɛ̨n mąąhvaa lɛɛ, gɛnɛ̨ ɓə!

Lonon mo 14:19

Yili ɓa tii, nuą ŋɛ̨i ɲɛ̨imąąwɛli kaa, yɛ bələi Ə́ wɔ lii nɛ̨ɛ̨ kwəi laa hu kɛnɛ̨ɛ̨ la, yɛ bələi Yáá ə́ yee lɛɛ la diɛ, ə həɠə Eziptə lɔi hu ə pa ɓɛ.»

Lɛɛ gbɔwɔ ɓa 34:7

Yɛ mɛ̨inɛ̨ɛ̨ kɛ mąnįn bulu mąnįn waa tamąą ɓa, yɛ nuą kɛ nɛ̨ŋɛ̨n da di wɔ kulɔ nwoo mu laa mąąhvaalɛɛ. Kɛlaa, a mɛ̨nį ɲɔ̨n gɛ mun ɉutɔɔ, a lon gaa nuą di wɔ túwɔ́ pələ ɲɔ̨n gwələ kulɔ di lonnii diɛ, da di mąnįnni diɛ.»

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Dutɛrɔnome 9:18

Ŋą́ too nɔi ɓa Yai-Laa líila, yɛ bələi tɔlɔɔ tɔlɔɔ ŋį́ gɛ la; hvóló pow nąąn kpinį pow nąąn ɲee mu. Və́ kɔ̨nɔ̨n da mįi, və́ gbələ, ka wɔ nɛ̨ŋɛ̨nŋąą mąą mɛ̨nį ɓa. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka kɛi gɛ, kaa nwąną lɔ la.

Dutɛrɔnome 9:26

Ŋą́ Yai-Laa hvɛli, gɛ́ kɛ mą: «Yai-Laa hɛn gəlee Nąmu, hvó kɛ ə́ kaa ə́ wɔ nu huwui pui; ə́ kwɛlin maa a diɛ, yɛ́ ɓə di nwun mąąɓo a ə wɔ yee walawala laa, ə́ gulɔ Eziptə lɔi hu a ə́ wɔ hvaŋą kɛnɛ̨i.

Dutɛrɔnome 9:29

Ɛlɛɛ yaan, ə́ wɔ nu huwu li, ə́ kwɛlin maa a diɛ; ə di kulɔ Eziptə lɔi hu a ə́ wɔ hvaŋą kɛnɛ̨, da ə́ wɔ yee walawala laa.»

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Lɛɛ gbɔwɔ ɓa 33:12

Moisə yɛ Yai-Laa ɓa: «Yɛ́ kpinį ɓə kɛ mą́ą́: ‹'Li a nuą ŋɛ̨i nɔi ŋį́ naakwɛlanmo diɛ ɉu.› Kɛlaa, nui Ə́ kaa kwa yaa ku tɔɔi, Hvó nɛ li mą́ą́. Ɛlɛɛ yaan ə́ kɛ mą́ą́: ‹Ŋą́ ə́ kɔ́lɔn a ə laa.› Yɛ́ nwɔ̨nɔ̨ mą́ą́: ‹Yáá níí hon.›