Lɛɛ gbɔwɔ ɓa 34:25 - Yálá laawoo hɛɓɛ (dc)

²⁵ «'Hvo taatɛlɛɛ haláá kulɔ mą́ą́ a lɛɠɛ yii dɛ hɛn gaa ɉu. Mąą hvo nɛ̨ɛ̨li taatɛlɛɛɠaai da baa a pakə hɛli, da hvo lɛɛ yələ hvo ɓɔ mą.

Yálá laawoo hɛɓɛ

²⁵ «'Hvo taatɛlɛɛ haláá kulɔ mą́ą́ a lɛɠɛ yii dɛ hɛn gaa ɉu. Mąą hvo nɛ̨ɛ̨li taatɛlɛɛɠaai da baa a pakə hɛli, da hvo lɛɛ yələ hvo ɓɔ mą.

Bible

²⁵ “Ka kɛ̀ taa-tulɛ kulâi a sâla mɛ̂ni ma, káfe gùla a kpólo nyii tɛ́-sɛŋ káa zui. Dɛɛ-mɛi kûui kɛ́ sala suai da fé nyìi é lɛ́ɛ la zu ɣele é ƃɔ́.

Lɛɛ gbɔwɔ ɓa 34:25 Referans Kwoze

Lɛɛ gbɔwɔ ɓa 23:18

«‹Mąą hvo nɛ̨ɛ̨li, ka hvo taatɛlɛɛ ɲąmą laa həli mą́ą́ a haláá, bɛlɛɛ lɛɠɛi dɛ hɛn gaa ɉu mą. Taatɛlɛɛ yii da dɛɛ bɔ́ a ɉɛli yələ, mąą hvo nɛ̨ɛ̨li hvo yii, hvo lɛɛ ɉu yələ hvo ɓɔ.

Lɛɛ gbɔwɔ ɓa 12:10

Ka hvo da lɛɛ laa yələ hvo ɓɔ mą. Akɛ da a lɛɛ yələ a ɓɔ, ka yili kələn.

Dutɛrɔnome 16:3

Lɛɠɛi dɛ hɛn gaa ɉu, ka hva mįi, gɔ̨nɔ̨n tii mįi lɔwai; hvóló mɛ̨ihveelɛ yee mu, lɛɠɛi dɛ hɛn gaa ɉu, ka hva mįi. Gaa a mɔ̨nɔ̨ kɔ̨nɔ̨n, mąąhɔlɔɓo, ka kulɔ Eziptə lɔi hu a ka kɔ́wɔ mąąhulaa. Bələ ɓə ka káá pai kɛi ka kulɔ mɛ̨nį Eziptə lɔi hu, nąą kili tooi la ka ŋą ka wɔ yɛnɛ̨ɛ̨ kəlee hu.

Lonon mo 9:12

Di hva da hee yələ hvo ɓo, di hva ɉuwɔ kɔ́w ta yali. Da ɉɛli pu kpɔlɔ yɛ bələi mąą tɔ́n bɔlɔ kaa la.

Levetekɔ 7:15

Niilaa Haláá tii a Yálá hɛɠɛɛɓo Haláá, mąąnɛ̨ɛ̨ di ɉaláá taatɛlɛɛi tii ɉuwɔ mįi a ɲələi da naa həli la, da hvo lɛɛ yələ hvo ɓɔ mą.

Lɛɛ gbɔwɔ ɓa 29:34

Nuą hee huwɔi ti kpəli a lɛɛ, ə lɛɛ ɉu yələ ə ɓɔ, ə mą kɛ nɛɠɛ ta, ə́ di kələn. Di hvo da mįi, mąąhɔlɔɓo, mąąhəɠɛɛi.

Lɛɛ gbɔwɔ ɓa 12:20

«Lɛɠɛ kpɔ dɛ hɛn gaa ɉu, ka hvo da mį́i, ɓɛi lɔpee ka káá laa heeni, ka hvo lɛɠɛ tɛɛ mįi.»

Lɛɛ gbɔwɔ ɓa 12:8

«Mąą kpinįi ti hu, da mɛlaa lon mɔ̨n, di mįi a lɛɠɛi dɛ hɛn və ɉu, ɛlɛɛ, di mįi a kala nwąną.

Maafîu 13:33

Jesus ə hanwon dɔ̨nɔ̨ hɔɔ nwɔnɔ̨ diɛ yɛ diɛ: «Yálá-taa tɔɔlaa kaa yɛ lɛɠɛ tɛ hɛn yii nɛ̨ɛ̨nu ə bu nwɔ lɛɠɛ kpɔlɔ tea tɔ̨nɔ̨ hu. Ə tɛ ə dea laa hvɛɛ.»

Levetekɔ 2:11

«Ɉaláá hɛnŋąąi kpɔ ka káá pai kɛi Yai-Laa kɔ́i la ka hvo lɛɠɛ tɛ hɛn bu da hu. Mąą hvo nɛ̨ɛ̨li da kɛi Yai-Laa kɔ́ hɛn gələn, lɛɠɛ tɛ hɛn da kwɛ̨in nwulɔ di hvo kɛ da hu.

Dutɛrɔnome 16:4

Ma hvo nɛ̨ɛ̨li, di hvo lɛɠɛ tɛ hɛn gaa ka pɔ lɔi voló mɛ̨ihveelɛi tii yee mu, ə mą kɛ, huwɔ yii ka baa a voló dɔlɔɔ yələ yələwulii pɔ, da hvo lɛɛ yələ hvo ɓɔ ma.