Lɛɛ gbɔwɔ ɓa 34:15 - Yálá laawoo hɛɓɛ (dc)

¹⁵ Ka nɔi tii hu nuą ka hvo yɛnɛ̨ɛ̨ pɛlɛ gee ɓa, da kɛi nei pa túwɔ́ pələ ɲɔ̨n gulɔi, diɛ haláá kulɔ di wɔ haliɠaai diɛ, da nei ka təli, kaa di wɔ haláá kɔ̨nɔ̨n ta mįi.

Yálá laawoo hɛɓɛ

¹⁵ Ka nɔi tii hu nuą ka hvo yɛnɛ̨ɛ̨ pɛlɛ gee ɓa, da kɛi nei pa túwɔ́ pələ ɲɔ̨n gulɔi, diɛ haláá kulɔ di wɔ haliɠaai diɛ, da nei ka təli, kaa di wɔ haláá kɔ̨nɔ̨n ta mįi.

Bible

¹⁵ Ka ǹɔii su-ƃelai káfe mɛni kpɛ̀tɛ kákîe-ni loai. Kà gɛ̀ tí, tãi da kɛ́ díɣâla-ŋai fɛlîi la pere sîi nyɔ́mɔɔ su, díkɛ sâla kùla diai, da pâi ƃɛlɛ tóli ƃôi a káa. Tãi da ka pâi dísâla mii-sɛŋ da miî lai, da pâi gɛi ká da mii.

Lɛɛ gbɔwɔ ɓa 34:15 Referans Kwoze

Nwun mąąɓo 2:17

Kɛlaa, di hvo kpɛli kɛi di wəli tɔɔ di nwun mąąɓo nuąi woo ɓa, mąą hɔlɔɓo, di kɛi lɔ kwɛli hvilɛn haliɠaa diɛ, di lɛ̨ą kpɔlɔ tii, bələi di nąnni di kɛi hiɛ mɛ̨i, mą; diɛi kɛi Yai-Laa nwɔ liɛwooɠaai hon.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Mąątɛ̨nɛ̨ 106:28

Yili pulu, di hvilɛn Baalə Peɔrə pulu, diɛ ɲąmuą kɔ́ haláá hɛn mįi.

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Lonon mo 25:2

Moabə nɛ̨ɛ̨lɛa di kɛi Israɛlə lonnii təli di wɔ haliɠaai kɔ́ halááɠaa diɛ, diɛ di laa mįi laa; diɛ kwɛli hvilɛn nɛ̨ąąi tii di wɔ haliɠaai diɛ.

Korɛntə dɔlɔɔ 10:27

Akɛ nui hvo a kalan non, a ka təli kɔ̨nɔ̨n ma, ka hvaa mą, ka li, yii lɔpee a ká kɔ la, 'ká mįi, 'ká hvo ka kwəi kwɛli.

Korɛntə dɔlɔɔ 8:10

Kɛlaa, yɛ́i mɛ̨nįi ti dɛ̨ą kɔlɔn, da ə́ kaa heeni hali kɔi, yɛ́ nąą hɛn mįi, yili hva kɛ a nuąi di hvįikpɛɛ di lan ɉɛn?

Korɛntə dɔlɔɔ 8:7

Kɛlaa, nu kəlee hvə dɛ̨ą tii kɔ́lɔn. Nu taɠaa daa kulɔ hali yíi hu a nįnɛ̨, bɔɔ ə ɓo ni diɛ, da kɛi ɉuwɔɠaa tii mįi, da kɛ gaai yɛ hali kɔ́ hɛn gbɔ-kpɔ, di wɔɔ kiliŋąhiɛ hvįikpɛɛ pələ, diɛ kɛ gɔ̨nɔ̨n tii a kɛ di mąąliɓii.

Ɉeremi 3:9

Nwɔ wɛli hon bələ a nąą mąą walawala, ə nɔi kɔ́hɔɓo. Yɛ li yɛ kwɛli hvilɛn kwɛniɠaa da wuluɠaa diɛ.

Levetekɔ 17:7

A kɛ ti di hva kɛa di wɔɔ taatɛlɛɛɠaa ta kulɔ a haláá ɲinɛ̨n ma yai a kɛ di ɲąątɔɔi a túwɔ́ pələ ɲɔ̨nŋąą. Yələ kəlee tɔ́n ga tii, a kwɛlan gəlee mɛ̨nį.

Lɛɛ gbɔwɔ ɓa 34:12

Ka gɛ a nɛlɛɛ, nɔi ɲɛ̨i ka kaa lɔi ɉu, ka ɉu nuą ka hvo mįnɛ̨ həɠə, yili a nei kɛ a hɛlɛn ka tɔwɔ.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Osia 4:12

Ɉɛn nwɔ́ nu huwui a mąąnikɛ, ya ɓaa a nwɔ wului, ɛlɛɛ, nwɔ wulu wonwoi ɓə a gili ɲą pɔ̨nɔ̨, mąąhɔlɔɓo, wɛli mɛ̨nį a nwun ɉu lan, ɛlɛɛ, daa lɔ wɛli mɛ̨nį hu, diɛ kulɔ la di wɔ Yálái, woo mu.

Mąątɛ̨nɛ̨ 73:27

Yili ɓa, nui a mąąkwɛa yɛ́, mąą nu hva lamun; nui a ə́ lɛɛ, yɛ ɉon a pələ takpɛli, yá gulɔ a nwun.

Ɛsdrasə 6:9

Hɛnŋąąi kpɔ bɛliɛ di wɔ haláá hɛn ma, yii di kaa pai gulɔi yələkɔlɔn ɉu Yálá ɓa, nįŋɛ̨ gbɔn, ɓɛlaa hilɛ, ɓɛlaa lon, kpolo, lɔɔ da wulɔ, da gəlee tɛɛ Ɉerusalɛmə haláá həli nuą pɔ, yɛ bələi di kaa la bɔ, yələ ɓɔ pələ tɛitɛi, di hvo hvɛɠɛ a hɛn da.

Dutɛrɔnome 7:2

ɲələi Yai-Laa ka wɔ Yálái kaa pai di lɔi la ka yee ŋą, kaa di hon kɔ́ hu, mąąnɛ̨ɛ̨ ka gəlee paa kpɔ tɛ̨ɛ̨tɛ̨ɛ̨. Ka diɛni ka hvo wɛlikɛmąą mįnɛ̨ həɠə, ka hvo di ɲɛ̨imąąwɛli kaa.

Lonon mo 15:39

Bələ ɓə mąąnɛ̨ɛ̨ ka ka mąą həɠə kɔ́wɔ la laa la, ka kɛi gaa, Yai-Laa nwɔ tɔ́nŋąą nąą kili yɛ too ka ŋą. Ka di kaa, ka hva hvilɛn ka wɔ kiliŋąhiɛ da ka wɔ ɲɛ̨i kulɔ bɔɠaa pulu, yai a gɛ kaa Yálá woo tee ŋą.

Lɛɛ gbɔwɔ ɓa 34:10

Yai-Laa yɛ Moisə ɓa: «Gu kaa mįnɛ̨ həɠəi ə́ wɔ nuąi kəlee ɲɛ̨i ɓa, gáá pai mɛ̨nį kpɛa-kpɛa kɛi, yii ɲɔ̨nwɔ̨mąn hvo ta kɛ li yɛnɛ̨ɛ̨, lɔi ta hu. Ɛlɛɛ, nuą kpɔ ka kwɛlɛ, di kaa pai gbaɠala kaai, diɛ kɛ Yai-Laa kɛ kóló ɲɛ̨i mąą ɲɔwuɔ ɓə, a yai gáá pai gɛi yɛ́.

Lɛɛ gbɔwɔ ɓa 23:32

Ka diɛni ka hvo mįnɛ̨ həɠə, ə mą kɛ di wɔ haliɠaai.

Gɛlaɠaa 15:20

Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Lɛɛ gbɔwɔ ɓa 22:20

«‹'Hvo ə́ yee pənə nwɛ̨ą hu, mąąhɔlɔɓo, kaa kpɛli ka kɛ a nwɛ̨ąą Eziptə lɔi hu.

Lɛɛ gbɔwɔ ɓa 32:8

Niɛwooɠaai ŋɛ̨i ŋį́ dɛɛ, di pɔ, daa di pulu tɔɔ mą, daa nįŋɛ̨ lon bɛli di kpɔɔ ɓa, diɛ pɛlɛ gɔwɔ mu, diɛ haláá kulɔ mą, diɛ kɛ mą: Israɛlə, ka gu wɔ yálái ka, yai gu kulɔ Eziptə lɔi hu.»

Lonon mo 25:1

Israɛlə ə hee Sitimə, nuą di gbala tɔɔ diɛ di yee lɔ wɛli mɛ̨nį hu, da Moabə nɛ̨ɛ̨lɛa.

Dutɛrɔnome 7:3

Hilɛtaa mɛ̨nį hvo kɛ ka diɛni ka lɔwai. Ka hvo ka lonnii nɛ̨ąą tɛɛ di lon ɉinąą pɔ, ka hvo di nonnii nɛ̨ąą həɠə a ka lon ɉinąą di nɛ̨ąni.

Dutɛrɔnome 32:37

Nąąlɔwai Yálá kaa pai kɛi diɛ: «Di wɔ haliɠaai di kɛi di mąąkilɛ di hvaŋąn mu, di kaa mį?

Dutɛrɔnome 32:38

Ɉaliɠaa ŋɛ̨i ka kɛi di kɔ́, a ka wɔ haláá hɛn nɛ̨ɛ̨-nɛ̨ɛ̨ kɛɛnąąɠaa, diɛ ka wɔ haláá lɔɔɠaai kpələ, di kaa mį kɛa? Di di muhəɠə wɛ kani! Di kpɔmąą tɛɛ ka pɔ?

Zasua 23:12

Kɛlaa, ka ka pulu tɔɔ Yai-Laa ɓa, kaa humo a nu huwuɠaai ŋɛ̨i ka kwɛlɛ a diɛ, kaa nɛ̨ą həɠə di pɔɔli, kaa li di pɔɔli; diɛn diɛ pa ka pɔɔli,

Nwun mąąɓo 3:6

Israɛlə nuą di yiliɠaai lonnii nɛ̨ą həɠə a di nɛ̨ąni, diɛ di kpɔ-kpɔ lonnii nɛ̨ąą tɛɛ yiliɠaai lon ɉinąą pɔ a di nɛ̨ąni, diɛ di wɔ haliɠaai mąąwiɛ.

Kɔlɔnikɔ Maa-ŋuŋ 5:25

Di hvó lɛɛ di nąnnii di wɔ Yálái pulu di kwəi tɔ̨nɔ̨ mɛ̨i, di Yálá lɛɛ, nuąi Yálá ə di hukala di ɲɛ̨itɔwɔ, di hvilɛn di wɔɔ haliɠaa pulu.

Ɛsdrasə 9:12

Ka hvo ka lonnii nɛ̨ą tɛɛ di lon ɉinąą pɔ, ka hvo di lon nɛ̨ąą həɠə a ka lon ɉinąą di nɛ̨ąni. Ka hvo ka ɲɛ̨i kulɔ di wɔ liilaa da di wɔ kwəinɛ̨ɛ̨ pɔ. Yili ɓə a gɛ, ka hu ə walawala, ka nɔi tɔlɔ kulɔ, ɛlɛɛ, kaa di lɛɛ a kwɛlin yii a kɛ a ka lonnii di wɔ a yələ kəlee.›

Lɛɛ gbɔwɔ ɓa 22:19

«‹Nui a haláá kulɔ haliɠaa diɛ, akɛ Yai-Laa hvəi, da mąą nu paa.

Dutɛrɔnome 31:18

Mąą yələi tii, ɲą́ą́n gáá lɔ pai ɲɛ̨́i lɛlɛɛ həɠəi di mɛ̨i, dúwɔ́ pələ ɲɔ̨n tii di gulɔ a ɲą́ą́, a di hvilɛn mɛ̨nį haliɠaa pulu.