Lɛɛ gbɔwɔ ɓa 34:12 - Yálá laawoo hɛɓɛ (dc)

¹² Ka gɛ a nɛlɛɛ, nɔi ɲɛ̨i ka kaa lɔi ɉu, ka ɉu nuą ka hvo mįnɛ̨ həɠə, yili a nei kɛ a hɛlɛn ka tɔwɔ.

Yálá laawoo hɛɓɛ

¹² Ka gɛ a nɛlɛɛ, nɔi ɲɛ̨i ka kaa lɔi ɉu, ka ɉu nuą ka hvo mįnɛ̨ həɠə, yili a nei kɛ a hɛlɛn ka tɔwɔ.

Bible

¹² É kɛ́ íkili ŋá a gɛɛ ǹɔii ka liî zui ka naa-ƃela káfe mɛni kpɛ̀tɛ káloai. Kà gɛ̀ tí, gɛ̀ ní ka ƃáre tɛ́ kákpîŋ perei.

Lɛɛ gbɔwɔ ɓa 34:12 Referans Kwoze

Dutɛrɔnome 7:2

ɲələi Yai-Laa ka wɔ Yálái kaa pai di lɔi la ka yee ŋą, kaa di hon kɔ́ hu, mąąnɛ̨ɛ̨ ka gəlee paa kpɔ tɛ̨ɛ̨tɛ̨ɛ̨. Ka diɛni ka hvo wɛlikɛmąą mįnɛ̨ həɠə, ka hvo di ɲɛ̨imąąwɛli kaa.

Dutɛrɔnome 7:16

Nu huwuɠaa kpɔ tii Yai-Laa ka wɔ Yálái kaa pai di lɔi ka yee ŋą, ka gəlee paa, ka hvo da mąąwɛli kaa. Ka hvo kwɛli hvilɛn di wɔ haliɠaa diɛ, yili a nəi kɛ a hɛlɛn dɛɛ ka tɔwɔ.

Mąątɛ̨nɛ̨ 106:36

Diɛ tí di wɔ haliɠaai diɛ, yili ə kɛ a hɛlɛn dɛɛ di tɔwɔ.

Nwun mąąɓo 8:27

Zedeɔn ə nɛɛ mą, ə ɉɛnŋaa tii kəlee pɛli a hɛn da mąąnįnįn, ə dɔɔ bɔ taai Ofra. Nąą ɓə Israɛlə nuą di kɛi li laa, diɛ kwɛli hvilɛn naa ɉɛn tii ɓa. Yili ə kɛ a hɛlɛn ə tɛ Zedeɔn nwɔ pɛ́lɛ́i tɔwɔ.

Dutɛrɔnome 20:18

Di hvo pa nee di yii pələ ɲɔ̨nwɔ̨ɔ̨ lɛ kaa, kaa hvilɛn di pulu, di wɔ hali mɛ̨nįɠaai hu. A nee kɛ a nɛ̨ŋɛ̨n ɉəɠɛɛ Yai-Laa ka wɔ Yálái ɓa.

Tɔɔɓɛlaa dɔlɔɔ 11:2

Nɔiɠaa tii hu nɛ̨ąą ɓə wɔlɔ Yai-Laa ə kɛ diɛ: «Ka hvo da həɠə a ka nɛ̨ą, diɛ mɛ̨n, di hvo ka lonnii ta həɠə a di nɛ̨ą. Ka hvo li di pɔɔli, diɛ kpɛli di pa ka pɔɔli, ə gɛ, di hvo pa ka wɔ kiliŋąhiɛ tinɛ̨n di wɔ haliɠaa pɔ pələ.» Nɔiɠaa tii ɓə Salomɔn ə kanąn diɛ nwɔ wɛli mɛ̨nįɠaa hu.

Tɔɔɓɛlaa veelɛ 17:10

Diɛ hali kɔ́iɠaa tɔɔ, diɛ wuluɠaa tɔɔ, diɛ haláá kulɔ mą, ɲeeɠaa kəlee nwuɔ̨, da wuluɠaai nąą ŋąąnɛ̨ɛ̨ mą di mu.

Kɔlɔnikɔ Veerɛi 24:18

Di di kili kulɔ Yai-Laa di nąnni di wɔɔ Yálái ŋą pɛlɛ́i hu, diɛ kwɛli hvilɛn wulu kpiyɛnŋąą diɛ da haliɠaa. Di túwɔ́ pələi tii mąą mɛ̨nį ɓa, Yálá nwɔ liiɲąnwąnąi ə ɓɛla Ɉuda nuą mɛ̨i da Ɉerusalɛmə nuą.

Lonon mo 33:52

ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Dutɛrɔnome 31:5

Yai-Laa kaa pai di lɔi ka yee ŋą; ka di hon yɛ bələi ŋį́ ka tí la.

Zasua 9:7

Israɛlə lonnii diɛ diɛ: «Ka káá kiɛ ɓɛ lɔ ku kwɛlɛ; gwa kaa ni gwa pɛli mįnɛ̨ həɠə pələ kɛi ləi?»

Nwun mąąɓo 6:10

Ŋą́ mo kaa, gɛ́ kaa: Ɲą́ą́ ɓə gáá a Yai-Laa, ka wɔ Yálá, mąą hvo nɛ̨ɛ̨li ka hvo kwɛli hvilɛn Amɔrə nuą di wɔ haliɠaai di kaa laa diɛ, ɓɛi ka káá laa heeni. Ya ka ti, ka hvo nwóó hon ni!»