Lɛɛ gbɔwɔ ɓa 34:1 - Yálá laawoo hɛɓɛ (dc)

¹ Yai-Laa yɛ Moisə ɓa: «Kwɛni ɓɛla hveelɛ mąą haɠa yɛ́ kpinįi, yɛ bələi dɔlɔɔɠaa di kɛ la, nwooi lɔ tii kɛ dɔlɔɔ ɓa, diɛi tii ə́ di wolo, ŋį́ pənə ŋį́ bɛ̨ɛ̨.

Yálá laawoo hɛɓɛ

¹ Yai-Laa yɛ Moisə ɓa: «Kwɛni ɓɛla hveelɛ mąą haɠa yɛ́ kpinįi, yɛ bələi dɔlɔɔɠaa di kɛ la, nwooi lɔ tii kɛ dɔlɔɔ ɓa, diɛi tii ə́ di wolo, ŋį́ pənə ŋį́ bɛ̨ɛ̨.

Bible

¹ Yâwɛɛ è mò Mose ma ǹyɛɛi, “Kɔni-ƃela feerɛ sáa yɛ̂ɛ berei maa-ŋuŋ-ŋai dí kɛ̀ lai. Ŋ̀óo-ŋai kɛ́ maa-ŋuŋ-ŋai dîa nyii ŋai í díwôloi, ŋa pâi bɔ̃yɛɛi dîa.

Lɛɛ gbɔwɔ ɓa 34:1 Referans Kwoze

Lɛɛ gbɔwɔ ɓa 32:19

Di kɛɛ lɛɠɛi muwu la, di nįŋɛ̨ lon gaa, nuą daa wələ yɛli tinɛ̨n mą. Moisə lii ə holi kpɔ kɛnɛ̨, gwɛni ɓɛlaɠaa ti kɛ ɲəi, ə bili, gəlee hu ə yali ɲee kɔ́wɔ la.

Mąątɛ̨nɛ̨ 119:89

Yai-Laa, ə́ laawoo kaa laa a yələ kəlee, yələkɔlɔn ɉu, mąą hva hvalin.

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Lɛɛ gbɔwɔ ɓa 34:28

Moisə da Yai-Laa di kɛ gɛɛnąąi tii ɓa, hvóló pow nąąn kpinį pow nąąn ɲee mu, hvo kɔ̨nɔ̨n mįi, hvo yá kpələ. Ə mįnɛ̨ hu wooɠaa pɛ̨ɛ̨ a Dɔ́n bow tii.

Lɛɛ gbɔwɔ ɓa 32:16

Gwɛni ɓɛlaɠaa di kɛ a Yálá kɛ tíi, ɉɛɓɛ́ɠaai kɛ mą, Yálá ɓə bɛ̨ɛ̨, ɉaɠaa gwɛni ɓa.

Lɛɛ gbɔwɔ ɓa 24:12

Yai-Laa yɛ Moisə ɓa: «'Tɛ́ bɔ́ pələ, ɲee nwuɔ̨, ə́ lɛɛ laa ŋį́ gwɛni ɓɛlaɠaa tɛɛ ə́ pɔ. Diɛ ɓaa Dɔ́n nwoo da díɓoɠaai ŋį́ di pɛ̨ɛ̨, yɛ́ pɛli nuą mąąkwɛlii mą.»

Lɛɛ gbɔwɔ ɓa 34:4

Moisə ə kwɛni ɓɛla hveelɛ haɠa, yə pələi dɔlɔɔɠaa di kɛ la, ə humo, ə muhəɠə, yɛ bələi Yai-Laa ə mo la mą. Gwɛni ɓɛla hveelɛi tii diɛ ɓo ɲəi.

Dutɛrɔnome 4:13

Ə nwɔ mįnɛ̨i hukulɔ kaa, a tɔ́n bow, yɛ kɛ ka bɔ yíi ɓo; ə di pɛ̨ɛ̨ kpəlin mɛla hveelɛ mɛ̨i.

Ɉeremi 36:32

Ɉeremi ə hɛɓɛ́ takpɛli həɠə, ə dɛɛ Neriya lon Barukə pɔ. Ɉeremi ə kɛi nwooɠaai Ɉuda tɔɔmun Yoyakimə ə di kələn, di ɓo mą, yɛ di pɛ̨ɛ̨. Ə mɛ̨nį takpɛliɠaa tamąą ɓo, lɔ yɛ bələi yiiɠaai tii di kɛ la, ə di pɛlɛ mą.