Lɛɛ gbɔwɔ ɓa 33:22 - Yálá laawoo hɛɓɛ (dc)

²² Ɓɛlɔwai nwɔ́ mąąwiɛ kaa pai tɛɛi la, ŋą́ ə́ lɔ gwɛni wolo hu, ŋą́ ɲéé kɛ yɛ́ ə lɛɛ ɉu ŋį́ tɛɛ.

Yálá laawoo hɛɓɛ

²² Ɓɛlɔwai nwɔ́ mąąwiɛ kaa pai tɛɛi la, ŋą́ ə́ lɔ gwɛni wolo hu, ŋą́ ɲéé kɛ yɛ́ ə lɛɛ ɉu ŋį́ tɛɛ.

Bible

²² Ŋáfolo-laai à kɛ̀ tɛɛ̂i, ŋa pâi ílɔ̂i gɔni woloi su ŋá ímɛi pɛ́lɛ a nyée é lɛ́ɛ la zu ŋá tɛ́ɛ.

Lɛɛ gbɔwɔ ɓa 33:22 Referans Kwoze

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Azaya 2:21

Di ka pai kɛi lɔi kwɛni woloɠaa hu da kwɛni ɓɛlaɠaa mu, ə gɛ, di pu di həɠə Yai-Laa nwɔ liiɲąnwąną tɔwɔ, diɛ di mąąkilɛ nwąną kulɔ hvaŋą tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Mąątɛ̨nɛ̨ 91:4

Goon ɉu hvoloonŋąąi ə́ mɛ̨i, yɛ́ ə́ loo laa, vaŋąn mu ɓə yá ə́ mąąkilɛ laa. Nwɔ kulɔwooɓalaa kaa a kuláá-hə́ɠə́, da nu mąąkpɛ kwɛli hɛn.

Korɛntə dɔlɔɔ 10:4

ɛlɛɛ, di kəlee di di kpələ a Yálá-taa yá, Yálá-taa kwɛnii kɛ di pulu, Kristə li kɛ, yai di kpələyá ə kɛi kulɔ ɉu.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Korɛntə veelɛ 5:19

Mąąhɔlɔɓo, ə kɛ a pələ lɔpee gəlee, Yálá ɓə, yaa kpinįi da nu kanŋaa di lɔwai ponnaa kulɔ a Kristə; hvo nu kanŋaa di wɔ nɛ̨ŋɛ̨nŋaa kwələ kulɔ diɛ; ɛlɛɛ, ə bonnaa kulɔ woo tii lɔ gu la.

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Wɛli 2:3

Bələi magolon nwulu kaa la wɛlai wuluɠaa lɔwai bələ ɓə nwɔ́ wɛlii kaa la mɛlaa hinąą lɔwai, nwɔ nįnįn ɲąą laɠiɛ mu ɓə ŋą́ hee laa nɛ̨́ɛ̨́ hu. Ɛlɛɛ ma ləɠən a lɔ nɛ̨́ŋɛ̨-nɛ̨́ŋɛ̨ mu.

Dutɛrɔnome 33:12

Yɛ Bɛnɉamɛn nwɛi ɓa: «Yai-Laa liiɓa lon! Ə́ hvii tɔɔ Yai-Laa hvaŋąn mu a ə́ wəli pulu laɠiɛ; yai, a ə́ mɛ̨i kaa a yələ kəlee. Ɛlɛɛ, ə́ huwu lɔwai ɓə Yai-Laa a vįitɔɔ laa.»

Tɔɔɓɛlaa dɔlɔɔ 19:9

Həlii Eli ə mo Horɛbə yee ɓa, ə lɔ kwɛni wolo ta hu, ə yíi laa. Yai-Laa ə pələ ɓo mą, yɛ mą: «Eli! Lə mɛ̨nį ɓa ə́ kaa ɓɛ?»

Azaya 49:2

Ə nwóó kɛ ná yɛ ɓɔwa kwɛaa ɲąą kuláa, ə mą́ą́ kpɛ ɲee nįnįn mu. Ə gɛ́ a tɔ́nwą ɲąąkulaa, ə nów nwɔ tɔ́nwą taai hu.

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»