Lɛɛ gbɔwɔ ɓa 33:11 - Yálá laawoo hɛɓɛ (dc)

¹¹ Yai-Laa ə kɛi pələ ɓo Moisə ɓa, da yaa di ɲɛ̨i heɛ di kee ɓa, yɛ nu a kɛi pələ ɓo mɛlan ma, yili pulu, Moisə ə kɛi pənə yɛ pa muwu la, kɛlaa, bɔ mun ŋɛ̨i kɛ a Nun lon Ɉosue, hvo kɛi tee gee kaa kələ mu.

Yálá laawoo hɛɓɛ

¹¹ Yai-Laa ə kɛi pələ ɓo Moisə ɓa, da yaa di ɲɛ̨i heɛ di kee ɓa, yɛ nu a kɛi pələ ɓo mɛlan ma, yili pulu, Moisə ə kɛi pənə yɛ pa muwu la, kɛlaa, bɔ mun ŋɛ̨i kɛ a Nun lon Ɉosue, hvo kɛi tee gee kaa kələ mu.

Bible

¹¹ Ǹyaŋ Yâwɛɛ da Mose da kâa lòno díkîe-ni pɔ́ yɛ̂ɛ núu da m̀arâŋ. Tãi Mose a kâa kùla la Bɛrɛ maa waai mu é pá pôlu mûui sui, a kâa ŋɔyee mu-nuui Zasua, nyii kɛ̀ a Nuŋ ǹóŋ-surɔ̂ŋ lɛ̀ɛ naa.

Lɛɛ gbɔwɔ ɓa 33:11 Referans Kwoze

Lonon mo 12:8

Ŋą́ kɛ gáá mɛ̨nį ɓoi mą ŋą́ mo mą a ɉu pɔ̨nɔ̨ɔ̨, yɛ kwa kɛi ku kee ɲɛ̨ilai kaa. Ɛlɛɛ, a Yai-Laa koloon ɉu kaa. Ka tɔɔ pələ kɛ ləi, kaa nwɔ́ tímun Moisə laa pələ ɓo?»

Dutɛrɔnome 34:10

Gulaa Moisə pulu, Yálá kwəi mɛ̨nį ɓomun da hvo kɛa hɔlɔɓo Israɛlə lɔi hu, yii da Yai-Laa di kɛi mɛ̨nį ɓo di kee ɓa laaləi da laaləi.

Lɛɛ gbɔwɔ ɓa 33:9

Moisə a lɔ kɛ gee kaa kələ mu, dulɔ kpinįn a yɛɛ, ə tɔɔ gələ laaləi, Yai-Laa yɛ mɛ̨nį ɓo Moisə ɓa.

Lɛɛ gbɔwɔ ɓa 24:13

Moisə ə muhəɠə, da bɔmun Ɉosue, ə tɛ Yálá nwɔ yeei ɓa.

Dutɛrɔnome 5:4

Yai-Laa ə pələ ɓo kaa ɲee tonna, nwɔ̨n ɉąąi, ka ɲɛ̨i heɛ ka kee ni diɛ.

Zɛnɛse 32:30

Ɉakɔbə yɛ mą: «Ə́ laa ɓaa a gbɛɛ?» Yili yɛ mą: «Lə mɛ̨nį ɓa ə́ kaa mą́ą́ninkɛi?» Ə lɛɛ laa, ə lúwɔ́ too Ɉakɔbə ɓa.

Zĩi 2:23

ɛlɛɛ, mɛ̨nįi ɉɛɓɛ́ ə mo, bɔ mɛ̨nį ə kɛ, yai ə kɛ mą: «Abrahamə, ə laa Yálá la, yili ɓə gɛ a tələnmomun»; ɛlɛɛ, di naa hee a Yálá mɛlan.

Ɉaan 11:11

Nwooɠaa tii ɓoɔ pulu, Jesus ə mo nwɔ kalan nɛai diɛ, yɛ diɛ: «Gu ɓɛlan Lazarə aa yii, gáá lii ŋą nwun.»

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Azaya 42:8

Ɲą́ą́ ɓə a Yai-Laa, ɛlɛɛ, náá li; ɛlɛɛ, nwɔ́ mąąwiɛi və́ pai dɛɛi nu takpɛli pɔ, ə mą kɛ mą́ą́tɛnɛ wələi mąąnɛ̨ɛ̨ di doo mą́ą́, vá dɛɛ haliɠaa pɔ.

Zôo 16:21

Ee kə! Akɛ nu ta a pɛli kwa Yálá ku lɔwai mɛ̨nį hutɔɔi! Yɛ bələi da gɛ la nu kanŋaa lɔwai.

Kɔlɔnikɔ Veerɛi 20:7

Kɛlɛi ku wɔɔ Yálá ɓaa a Yɛ́! Nuąi kɛ heeni nɔi ŋɛ̨i hu, Yɛ́ ɓə di kpɛ, Ə́ wɔɔ nu huwui Israɛlə tɔwɔ, Ə́ nɔi kulɔ di yəi, Ə́ dɛɛ, Ə́ ɓɛlanmun Abrahamə lonnii pɔ, a di wɔɔ a yələ kəlee mɛ̨nį-e!

Lɛɛ gbɔwɔ ɓa 32:17

Nąąlɔwai, Ɉosue ə nuą tómą woo mɛ̨n, yɛ Moisə ɓa: «Kɔ kɔ́ woo kaa tɔɔi muwu la!»

Lɛɛ gbɔwɔ ɓa 17:9

Moisə yɛ Ɉosue ɓa: «Nuą həɠə, tinąą ka diɛni ka li ka Amalɛkə nuą laakwiɛn a kɔ́. Ɲą́ą́ nwɛ́i, gáá pai kɛi tɔɔni ɲee tɔ́na, dunwɔ̨n Yálá ə dɛɛ bɔ́, yɛ ɓo ɲə́i.»

Lɛɛ gbɔwɔ ɓa 33:10

Nɔi lonnii kəlee di kɛi dulɔ kpinįn gaa, ə ɓo tɔɔ ni gələ laaləi, nu kəlee ə kɛi pɛlɛ niiɓa yɛ kwɛli hvilɛn ɲəi bɛlɛ́ laaləi.

Lonon mo 11:28

Nun lon Ɉosue, yai kɛ a Moisə nwɔ tímun, ə həɠə kpɔ ɉulɔnon ɲələ ɓa, ə mɛ̨nįi tii ta ɓo, yɛ Moisə ɓa: «Nwɔ́ mɛ̨nį nąmu Moisə, mo diɛ di kpəla mą.»

Lonon mo 12:7

Nwɔ́ tímun Moisə nwɛi hvo kɛ li tii, yai gaa a kwəi kwələmun, nwɔ́ pɛ́lɛ́i mu nuą kəlee mąą mɛ̨nį ɓa.

Dutɛrɔnome 31:14

Yai-Laa yɛ Moisə ɓa: «Moisə! Ə́ pɔlɔ hiɛ ka ɉu hvo kwɛa li, Ɉosue təli ka yaa ka pa gee kaa kələ laaləi, nąą ɓə gáá nwɔ́ tíɓoi tɛɛi laa bɔ.» Moisə da Ɉosue di nɛɛ mą də li gee kaa kələ laaləi.