Lɛɛ gbɔwɔ ɓa 32:33 - Yálá laawoo hɛɓɛ (dc)

³³ Yai-Laa yɛ Moisə ɓa: «Nui nɛ̨ŋɛ̨n ɉəɠə mą́ą́, ya ɓə Ŋą́ naa waa nwɔ́ hɛɓɛ́i hu.

Yálá laawoo hɛɓɛ

³³ Yai-Laa yɛ Moisə ɓa: «Nui nɛ̨ŋɛ̨n ɉəɠə mą́ą́, ya ɓə Ŋą́ naa waa nwɔ́ hɛɓɛ́i hu.

Bible

³³ Kɛ́lɛ Yâwɛɛ è mò Mose ma ǹyɛɛi, “Ǹúui a sɔnyɔ̂ŋ kɛ̀ ŋɛ́i-tuɛi, maa nuui ƃé ŋa pâi ǹáa kulâi ŋákɔlɔi ŋá.

Lɛɛ gbɔwɔ ɓa 32:33 Referans Kwoze

Izikiɛ 18:4

A tɛ̨ą, ɉɛnŋaai kpɔ da nɔ̨ɔ̨, bɔ́ɔ́ ɓaa gəlee. Lon gaa nąn da non di wɔ yɛnɛ̨ɛ̨; gəlee hveelɛi kaa a bɔ́ɔ́. Nui a nɛ̨ŋɛ̨n ɉəɠə, ya ɓə a ɉu haa ɓo.

Mąątɛ̨nɛ̨ 69:28

Di kɛ mɛ̨nį ɲɔ̨nŋaa pu gee mɛ̨i, di wɔɔ nąą hvo kɛa kɛ ə́ wɔ tələnmolaai hu.

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Mąątɛ̨nɛ̨ 9:5

Mąąhɔlɔɓo, ə́ mą́ą́ mɛ̨nį ɓo, ə́ nwɔ́ tɛ̨ą ɓo, ə́ ɓo heeni, yɛ́ tɔɔkpəlin hu, Yɛ́i a giti teemun ɉaŋąŋąą.

Levetekɔ 23:30

Nui lɔpee a kóló kɛ a mąą yələ, ŋą́ gulɔ nwɔ́ nuąi lɔwai.

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

M̀ɛni-lɛɛi 3:5

«Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Mąątɛ̨nɛ̨ 69:29

Di laa ə waa yɛnɛ̨ɛ̨ hva kpɛɛ hɛɓɛ́ hu, di laa hvo kɛa too tələnmo nuą laa pɔ.

Izikiɛ 18:20

Nui a nɛ̨ŋɛ̨n ɉəɠə, mąą nu ɓə a haa; lon və pai nąn nwɔ nɛ̨ŋɛ̨n ɉu mɔ̨nɔ̨ mįi; lon ga nąn və pai non nwɔ nɛ̨ŋɛ̨n ɉu mɔ̨nɔ̨ mįi. Tələnmomun nwɔ tələnmolaa a lɛɛ nwuɔ̨, nu ɲɔ̨nwɔ̨ɔ̨ nwɔ kili ɲɔ̨nwɔ̨ɔ̨ wulu yɛ lɛɛ nwuɔ̨.