Lɛɛ gbɔwɔ ɓa 32:27 - Yálá laawoo hɛɓɛ (dc)

²⁷ Yɛ diɛ: «Mɛ̨nį Yai-Laa Israɛlə nwɔ Yálá kaa moi ya ka. ‹Nu kəlee ə nwɔ kɔ-kɔ ɓɔwai kpulɔn ɉąą, ka tɛɛ daa kwəi, bɛlɛ́ɠaa laaləi, ka ka kaayɔwɔɠaa paa da ka ɓɛlaa.›»

Yálá laawoo hɛɓɛ

²⁷ Yɛ diɛ: «Mɛ̨nį Yai-Laa Israɛlə nwɔ Yálá kaa moi ya ka. ‹Nu kəlee ə nwɔ kɔ-kɔ ɓɔwai kpulɔn ɉąą, ka tɛɛ daa kwəi, bɛlɛ́ɠaa laaləi, ka ka kaayɔwɔɠaa paa da ka ɓɛlaa.›»

Bible

²⁷ È mò ǹyɛɛi, “Yâwɛɛ Ɣâla nyii gáa a Eezuɛ-ŋai Díɣâlai, è mò ǹyɛɛ, ‘Kákelee ká káƃoa-sɔkpɔ-ŋai síɣe ká lí mûui su gwaa kélee é kúla ziɣãŋ ŋí ma é lí gbéli ma, ká káƃarâai páa da kálêɣe-ni é pɛ́lɛ kálîa-ni dîa.’ ”

Lɛɛ gbɔwɔ ɓa 32:27 Referans Kwoze

Lonon mo 25:5

Moisə yɛ Israɛlə ɲɛ̨itɔwɔ nuą diɛ: «Nui lɔpee nwɔ nu ə hvilɛn Baalə ŋɛ̨i Peɔrə bulu, ka baa.»

Lukə 14:26

«Nui gaa bɔ ə hvilɛn búlú, mąąnɛ̨ɛ̨ ə mą́ą́ mɛ̨nį hviɛlaɓo ə dɛɛ gaa nuą diɛ, ə dɛɛ nɛ̨ą ɓa da lonnii, ə dɛɛ gaayɔɠaa diɛ, ə mą kɛ gbɔwɔ kpinįi mąą mɛ̨nį. Nui a wala yili kɛ tii, a kɛ tii hva pɛli kɛi a nwɔ́ kalan non ta.

Korɛntə veelɛ 5:16

Yili ɓa, yiihu kɛa, gu hvo nu ta kɔlɔn nu kan gɔlɔ hu, akɛ gu Kristə kɔlɔn a nu kanŋaa di wɔ nu kɔlɔn bələ, bələ yili hvəə kɛa ku gɔlɔn na.

Lɛɛ gbɔwɔ ɓa 32:29

Nąąlɔwai, Moisə yɛ diɛ: «Kaa kpinįi ɓə kaa ka kpɔwɔ hee a Yai-Laa nwɔ nuą, mąąhɔlɔɓo ka hvo ɲɔw li ka lonnii paai da ka kaayɔwɔɠaa. Gɛ́ Yai-Laa ə́ lúwɔ́ too ka kəlee kaa háákələi.»

Lɛɛ gbɔwɔ ɓa 32:26

Yili hu, Moisə ə tɔɔ daa kpala, yɛ diɛ: «Yai-Laa nwɔ nuą, ka lɛɠɛ mą́ą́!» Levi huwuhu nuą kəlee di di ɲąą kpɔn gwɛlɛ.

Lɛɛ gbɔwɔ ɓa 32:28

Levi huwuhu nuą di Moisə wooi tii pɔ mɛ̨nį kɛ, nuąi haa a volói tii, da pɛli kɛ nu waa haaɓa kulɔi.

Dutɛrɔnome 13:6

Nui tii gbɔwɔ kɛ a Yálá kwəi mɛ̨nį hukulɔ mun, nwɛi, a wala kɛ tii, ɉį́i kaamun tii, mąąnɛ̨ɛ̨ ka di paa. Mąąhɔlɔɓo, aa nuą ɲąątɔɔ a di lənə mɛ̨nį Yai-Laa ka wɔ Yálái ɓa, yaa tii ka kulɔ Eziptə lɔi hu, yɛ ka kulɔ luwɔ pɛlɛ́ mu. Bələi ŋɛ̨i Yai-Laa ka wɔ Yálá ə ka hvilɛn mɛ̨i, nui tii ə kɛ bɔ, ə ka həɠə mɛ̨i. Mąąnɛ̨ɛ̨ ka mɛ̨nį ɲɔ̨n gɛmun gulɔ ka lɔwai.

Dutɛrɔnome 13:10

Kɛlaa yaamun, hvo kɛ li ka baa, gwɛni tɔlɔɔ pili mą, ɛlɛɛ nɔi nuą di gbəli laa kulɔ.

Tɔɔɓɛlaa veelɛ 10:25

Ɓɛlɔwai Ɉehu ə kpɛɛ la a Baalə mąąwiɛ haláá kulaa, ə mo gilɛ həɠə nuą da ɓíitiɛ̨ɠaa diɛ: «Ka lɔ́! Ka di paa! Da lɔpee hvo kulɔ.» Di nuą tii kɛ a kɔ́ kɔ́ ɓɔwa kɔ̨nɔ̨n, di di powa kulɔ diɛ bili. Yili pulu, gilɛ həɠə nuą da míitiɛɠaa di pənə di pa taai ɓɛi Baalə nwɔ pɛlɛ́i ə kɛ laa.

Izikiɛ 9:5

Yili pulu, ŋą́ nwoo mɛ̨n; yɛ kɛ nuą yiiɠaai ti diɛ: «'Ka hvilɛn daa pɔ, nui ɲɛ̨i pulu; ɛlɛɛ, ka paa ɓo kɛ; ka hvo nu ɲɛ̨́i mąąwɛli kaa, ka hvo nu mąą hvaa lɛɛ.