Lɛɛ gbɔwɔ ɓa 32:20 - Yálá laawoo hɛɓɛ (dc)

²⁰ Nįŋɛ̨ lon tii di bɛli, Moisə ə gələn, ə vuŋɔ, ə bu yái, ə ɲá tɔɔ Israɛlə lonnii la.

Yálá laawoo hɛɓɛ

²⁰ Nįŋɛ̨ lon tii di bɛli, Moisə ə gələn, ə vuŋɔ, ə bu yái, ə ɲá tɔɔ Israɛlə lonnii la.

Bible

²⁰ È niŋa-sirɛ pɔkɔɔŋ kèreŋ é vũa-fũa é bú ǹyái su é Eezuɛ-ŋai kɛ́ dí gbele.

Lɛɛ gbɔwɔ ɓa 32:20 Referans Kwoze

Dutɛrɔnome 9:21

Ɛlɛɛ, ɉɛn ŋɛ̨i ka bɛli a nįŋɛ̨ lon, ŋį́ ɉəɠə, ŋį́ ɉuyaləyalə, ŋą gələn; ŋį́ vunwɔ, ɲái tii kɛi həɠə ɲee ɓa pələ, ŋį́ vunwɔ pu ɉu.

Hanwon 14:14

Túwɔ́ pələ ɲɔ̨n gulɔmun a pilɛ ɉa túwɔ́ pələ ɲɔ̨n ɉu. Nu lɛlɛɛ nwɛi, a pilɛ a mɛ̨inɛ̨ɛ̨.

Hanwon 1:31

Yili ɓa, ka túwɔ́ pələi tii lɔ ɓə gbalo a ka káá, ka wɔ kili ɲɔ̨nwɔ̨ɔ̨ tii lɔ ɓə ka pilɛ ɉu.

Tɔɔɓɛlaa veelɛ 23:15

Ɉaláá kulɔi yii Nevatə lon Ɉeroboamə ə dɔɔ Betɛlə, yɛ Israɛlə lonnii yee lɔ la nɛ̨ŋɛ̨n ɉu, Ɉosiasə ə nąą wolo; ə nwɔ̨n nɔ ɉaláá kulɔi tii ɓa, ə nąą taɠa; nwului ŋɛ̨i di dɔɔ laa diɛ ɉaláá kulɔ mu, ə nwului tii pili nwɔ̨n ɉu; nąą ə lɛɛ a muluun gbala.

Tɔɔɓɛlaa veelɛ 23:6

Nwului di dɔɔ Yai-Laa hee pɛlɛ́ mu Ɉerusalɛmə diɛ haláá kulɔ mą, ə gulɔ laa, ə gələn Sedrɔn ɓoloon ɉu, ə nuwu kələ ə bili dulun ŋą.

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

Dutɛrɔnome 7:5

Bələi mąąnɛ̨ɛ̨ ka nu huwuɠaa tii hon na bələ ka: Ka di wɔ haláá kulɔiɠaa wolo, gwɛniɠaai di ɉaɠa di wɔ haliɠaa mąą mɛ̨nį ɓa, ka di hu yali yali; nwuluɠaa da kɛ dɔɔi di wɔ haliɠaa mąą mɛ̨nį ɓa, ka di hu tee-tee, ka di wɔ haliɠaa kəlee kələn.

Lɛɛ gbɔwɔ ɓa 32:21

Moisə yɛ Aarɔn ɓa: «Lə ɓə nuą ŋɛ̨i di gɛ a yɛ́, yaai ə́ di yee lɔ nɛ̨ŋɛ̨n gɛnɛ̨i ŋɛ̨i hu?»

Tɔɔɓɛlaa dɔlɔɔ 15:13

Ɛlɛɛ, ə nee Maaka nwɔ tɔɔmun nee laa kulɔ ɲəi, mąąhɔlɔɓo, nɛ̨ɛ̨nui tii aa kɛ ɓɛlɛkpɛɛmąą wulu ta tɔɔ Asera laa hu diɛ haláá kulɔ mą, Asa ə nwului tii hu tee tee, ə gələn Sedrɔn moloon ɉu.

Kɔlɔnikɔ Veerɛi 34:4

Di Baalə kɔ́iɠaa taɠa ɲɛ̨i ɓa, lansan kələn ɉiiɠaai kɛ nąą mɛ̨iɠaa, di gəlee wolo; nwuluɠaai di kɛi gɔ́, ɉaliɠaai di bɛli awala kɛ tii di bu, ə gəlee huwolo-wolo ə vunwɔ̨-hunwɔ̨. Ə vunwɔ̨ taɠa-taɠa nuąi kɛi haláá laa həli diɛ di kámą mɛ̨i.