Lɛɛ gbɔwɔ ɓa 32:17 - Yálá laawoo hɛɓɛ (dc)

¹⁷ Nąąlɔwai, Ɉosue ə nuą tómą woo mɛ̨n, yɛ Moisə ɓa: «Kɔ kɔ́ woo kaa tɔɔi muwu la!»

Yálá laawoo hɛɓɛ

¹⁷ Nąąlɔwai, Ɉosue ə nuą tómą woo mɛ̨n, yɛ Moisə ɓa: «Kɔ kɔ́ woo kaa tɔɔi muwu la!»

Bible

¹⁷ Tãi Zasua è ǹûai láɣi-woo mɛ̀ni lai, è mò Mose ma ǹyɛɛi, “Ŋa kɔ́-kɔ woo mɛnii mûui su.”

Lɛɛ gbɔwɔ ɓa 32:17 Referans Kwoze

Lɛɛ gbɔwɔ ɓa 24:13

Moisə ə muhəɠə, da bɔmun Ɉosue, ə tɛ Yálá nwɔ yeei ɓa.

Lɛɛ gbɔwɔ ɓa 17:9

Moisə yɛ Ɉosue ɓa: «Nuą həɠə, tinąą ka diɛni ka li ka Amalɛkə nuą laakwiɛn a kɔ́. Ɲą́ą́ nwɛ́i, gáá pai kɛi tɔɔni ɲee tɔ́na, dunwɔ̨n Yálá ə dɛɛ bɔ́, yɛ ɓo ɲə́i.»

Amɔsə 2:2

Yili ɓə gaa mą, gáá pai nwɔ̨n dooi Moabə lɔi hu, nwɔ̨n tii ə Keriyotə nwɔ tɔɔ pɛlɛ́ɠaai kəlee kələn; gɔ́ mɛ̨i woo da dulu wooɠaa hu, Moabə kaa pai lɛɛi gɔi tii hu.

Amɔsə 1:14

Yili ɓə gaa mą, gáá pai nwɔ̨n dooi Raba daai, nwɔ̨n ə di wɔ tɔɔ pɛlɛ́ɠaai kəlee kələn. A kɛ a kɔ́ yələ, ɓɛlɔwai kɔ́ mɛ̨i wɔlɔ woo a kɛ tɔɔi la, a tulɔ hvaŋą kɛnɛ̨ tɛɛ yələ,

Ɉeremi 51:14

Yai-Laa Mɛ̨nį Kəlee ŋą Hééɓomun aa gwɛla a gbɔwɔ; yɛ diɛ: «Gáá ə́ laa hvɛɛi a nuą, di tamąą di tɛɛ peelə ɓa, diɛ kɔ́ húú pili ə́ mɛ̨i, yɛ mɔ̨nun dee nuą da kɛi tomą.»

Mąątɛ̨nɛ̨ 47:1

Nwələ ɲɛ̨itɔwɔmun, Kore lonnii di wɔ wələ.

Zôo 39:25

A kɔ́ tulu woo mɛ̨n, yɛ tomą dulu woo tɛi tɛi kəlee ɓa. Yɛ kɔ́ kun mɛ̨n kwɛa la, yɛ kulaaɠaa tomą woo mɛ̨n, da kɔ́ mɛ̨i woo.

Samuɛlə dɔlɔɔ 17:52

Israɛlə nuą da Ɉuda nuą, di di muhəɠə, di huluun a kɔ́ mɛ̨i woo, di hvilɛn ŋąą Filisti nuą pulu diɛ di kpɛ; di həɠə kpɔ nɛ̨ŋɛ̨ lɔi kpala tɔɔi, di həli la Ɛkrɔn ɉįi la. Filisti nuą powa puɔ lɔ kɛ Saaraimə pələ pɔ, ə həli kpɔ la Gatə da Ɛkrɔn.

Samuɛlə dɔlɔɔ 17:20

Davidə ə muhəɠə yələwala pɔ, ə nąn nwɔ taatɛlɛɛɠaai lɛɛ nu ta yəi, yɛ mɛ̨i kaa. Ə diɲɛ həɠə, yɛ li yɛ bələi nąn Ɉɛse ə dɔɔ la. Ə həli ɓɛi gɔ́ ɓuwu ə kɛ laa, nuą daa di muhəɠə kɛa diɛ li gɔ́ ɓa, diɛ tomą.

Nwun mąąɓo 15:14

Ɓɛlɔwai di həli la Lɛhi daai, Filisti nuą di pa naakwiɛn ɉii, diɛ tomą a kwəinɛ̨ɛ̨. Kɛlaa, Yai-Laa nwɔ Kilii ə too ɉu, ɲɛli tii di ɲili la, ə kɛ lɔ yɛ nwɔ̨n a yeekali kələn, ə tee ɲeeɠaa diɛ.

Zasua 6:20

Israɛlə nuą di tomą a kɔ́ mɛ̨i woo, di mɛlaa mįnɛ̨ hvɛɛ. Ɓɛlɔwai di mɛlaa mįnɛ̨ woo mɛ̨n na, di tomą kpɔ a kɔ́ mɛ̨i woo, daa mąą kpɛ hįį ə nɛ̨ɛ̨ mą ə pu. Israɛlə nuą di tɛ daai, nu kəlee ə ɲɛ̨i haɠa dɔwɔ, di daa hon.

Zasua 6:16

Mɛihveelɛnąą, ɉaláá laa həli nuą di mɛlaa mįnɛ̨ hvɛɛ, Ɉosue yɛ diɛ: «Ka tomą a kɔ́ mɛ̨i woo, mąąhɔlɔɓo, Yai-Laa aa daa ŋɛ̨i lɔ gu yee ŋą.

Zasua 6:10

Ɉosue ə nuą kəlee wəli kpəlaan a nwoo ŋɛ̨i, yɛ diɛ: «Nui lɔpee ta hvo tomą, woo lɔpee ta hvo kulɔ nu ta la; hvo kɛ li volói ŋį́ kɛ la kaa ka tomą a kɔ́ mɛ̨i woo.»

Zasua 6:5

Ɓɛlɔwai mɛlaa mįnɛ̨ tulu woo a tɔɔ la, ka nwoo mɛ̨n, Israɛlə lonnii kəlee da tomą kpɔ kɛnɛ̨ a kɔ́ mɛ̨i woo, nąąlɔwai, daa mąą kpɛ hįį a pu, ɲąąɓa, nuą kəlee da tɛ daai, nu kəlee ə ɲɛ̨i haɠa dɔwɔ.»

Lɛɛ gbɔwɔ ɓa 32:18

Moisə yɛ mą: «Kɔ nɛ̨ɛ̨ nuą diɛ woo hvəli, kɔ́ kalaa nuą diɛ woo hvəli nwɔ̨nɔ̨. Kɛlaa, yii tooi nwə́lii, gaa a wələ woo.»

Lɛɛ gbɔwɔ ɓa 32:6

Mąą yələ laa ɓoɔ, yələwala pɔ, nuą di haláá kulɔ nįŋɛ̨ lon tii ɓa, yii da gəlee kələn, da nɛ̨ɛ̨laa haláá. Nu kəlee di hee kɛa, diɛ di laa mį́i, diɛ di kpələ, yili pulu, di di muhəɠə diɛ kwəinɛ̨ɛ̨ kulɔ.

Lɛɛ gbɔwɔ ɓa 32:16

Gwɛni ɓɛlaɠaa di kɛ a Yálá kɛ tíi, ɉɛɓɛ́ɠaai kɛ mą, Yálá ɓə bɛ̨ɛ̨, ɉaɠaa gwɛni ɓa.

Kɔlɔnikɔ Maa-ŋuŋ 7:27

Nun da Ɉosue.