Biblia Todo Logo
Bib sou entènèt

- Piblisite -




Lɛɛ gbɔwɔ ɓa 32:15 - Yálá laawoo hɛɓɛ (dc)

15 Moisə ə pənə ə ɲee yɛɛ, gwɛni ɓɛla hveelɛi ŋɛ̨i Yálá nwɔ ton ə kɛ mą bələ kəlee hveelɛi, yɛ ɓo ɲəi.

Gade chapit la Kopi

Yálá laawoo hɛɓɛ

15 Moisə ə pənə ə ɲee yɛɛ, gwɛni ɓɛla hveelɛi ŋɛ̨i Yálá nwɔ ton ə kɛ mą bələ kəlee hveelɛi, yɛ ɓo ɲəi.

Gade chapit la Kopi

Bible

15 Nya ƃe Mose è tìnaŋ é yéŋ ǹyéei kwára a gɔni-ƃela feerɛi nyii-ŋai kɛ̀ a bɔ̃yɛɛ gwaa feerɛ mai.

Gade chapit la Kopi




Lɛɛ gbɔwɔ ɓa 32:15
14 Referans Kwoze  

Ŋą́ pənə ŋį́ ɲee yɛɛ, ɲee tii kɛ yɛ nwɔ̨n ɉu; mįnɛ̨ kwɛni ɓɛla hveelɛi di ɓo ɲéé ŋą.


Ɛlɛɛ, nui tii kɛ heeni dɔɔkpəlin ɉu, ŋą́ hɛɓɛ́ ta kaa mamįiyee ɲą, gbinįn gɛɛ, a hɛɓɛ́i ɉu pələ pɛ̨ɛ̨, ɛlɛɛ, gɔlɔ ɓa pələ pɛ̨ɛ̨, kɔ́lɔn ɉɛn mɛ̨ihveelɛ ə ɓo mą.


A muhəɠə yələkɔlɔn bələ tɔ̨nɔ̨, ə nwɔ gilɛ həɠə yələ kwəi nąą kəlee, ə naa kulɔ bələ tɔ̨nɔ̨; hɛn da hva pɛli kulɔ wəleen ɲəi.


Yai-Laa ə mɛ̨nįɠaai ŋɛ̨i ɓo ka kəlee kaa, ka ɲąąkpɔnŋąą, ə kɛ ɲee nwuɔ̨ nwɔ̨n ɉąą nwɔ̨n nulu da tulɔ kpinįn ɉuwia hu, a nwoo kɛnɛ̨, ɛlɛɛ, hvo mɛ̨nį ta pɛlɛ mą. Ə di pɛ̨ɛ̨ kwɛni ɓɛla hveelɛ mɛ̨i, ə gwɛni ɓɛlaɠaai tii tɛɛ bɔ́.


Gwɛni ɓɛlaɠaai Yálá ə díɓoɠaa pɛ̨ɛ̨ mą, ə di laa mįnɛ̨ kəhi hu, ə gəhi kpəŋə wuluɠaa lɔ mą, ə naa kalan bɛlɛ mɛ̨i.


Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.


Moisə ə lɔ dulɔ kpinįn ɉu, ə tɛ ɲee ɓa. Moisə ə lɛɛ ɲee hu hvóló pow nąąn da kpinį pow nąąn.


Yɛ bələi Yai-Laa ə Moisə tí la, Aarɔn ə manə tii hee mįnɛ̨ kəhi hu gwɛni ɓɛlaɠaai lɔwai, diɛ di ɲɛ̨i kɛ laa mą.


Gəlee ə mą kɛ, ka káá a hɛɓɛ́i Kristə ə bɛ̨ɛ̨, galihvaɓoɔ kuɔ, kuɔ naa həli; hvo pɛ̨ɛ̨ li a hɛɓɛ́-yá, kɛlaa, bɛ̨ɛ̨i a Yálá hvulúmąą ŋą Kilii yee pɔɔ, hvo pɛ̨ɛ̨ li kwɛni ɓɛla mɛ̨i, kɛlaa, bɛ̨ɛ̨i nuą kili pɔ.


Dɔ́n nwooɠaa tii pɛ̨ɛ̨i kɛ kwɛnį ɓɛla mɛ̨i, dɔn tii a nu paa, Moisə ɓə kɛ a ŋą tímun. Bələi mąn ə kɛ la tii, ə kɛli mąąwiɛlaa kɛnɛ̨ hɔlɔɓo ɲəi, mąąwiɛlaa tii ɓə kɛli Moisə ɲɛ̨ilai lən, Israɛlə lonnii di hvo kɛli pɛli di ɲai heei ɲɛ̨ilai, yá pa, hvo lamun mą,


Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.


Yai-Laa yɛ Moisə ɓa: «'Tɛ́ bɔ́ pələ, ɲee nwuɔ̨, ə́ lɛɛ laa ŋį́ gwɛni ɓɛlaɠaa tɛɛ ə́ pɔ. Diɛ ɓaa Dɔ́n nwoo da díɓoɠaai ŋį́ di pɛ̨ɛ̨, yɛ́ pɛli nuą mąąkwɛlii mą.»


Gwɛni ɓɛlaɠaa di kɛ a Yálá kɛ tíi, ɉɛɓɛ́ɠaai kɛ mą, Yálá ɓə bɛ̨ɛ̨, ɉaɠaa gwɛni ɓa.


Moisə həɠɛɛ Sinai yee ɓa yɛ yɛɛ, gwɛni ɓɛla hveelɛi ŋɛ̨i Dɔ́n bɛ̨ɛ̨ mą, yɛ ɓo ɲəi. Gili hvo kɛ ɉu yɛ kɛ ɲɛ̨ilai ə kɛi lən, ɓɛlɔwai da Yai-Laa di kɛi lonon kɛ la.


Swiv nou:

Piblisite


Piblisite