Lɛɛ gbɔwɔ ɓa 30:13 - Yálá laawoo hɛɓɛ (dc)

¹³ Wali lɔɔli, yɛ bələi gaa la Yálá hee pɛlɛ́ mu, a wali leelee, ya ɓə nui lɔpee di kaa pai nonon ɉii a gulɔ, a wali kɔ́w lɔɔli a nįįhɔ̨nwɔ̨, a Yai-Laa nwɔɔ.

Yálá laawoo hɛɓɛ

¹³ Wali lɔɔli, yɛ bələi gaa la Yálá hee pɛlɛ́ mu, a wali leelee, ya ɓə nui lɔpee di kaa pai nonon ɉii a gulɔ, a wali kɔ́w lɔɔli a nįįhɔ̨nwɔ̨, a Yai-Laa nwɔɔ.

Bible

¹³ Ǹyaŋ ǹúui kélee da nònoi, fɛ̂ɛ é nyíŋi kɔ́lɛ. Sɛŋ-kao nyii ŋɔwiɛ káa yɛ̂ɛ berei ŋ̀âla-pɛrɛ kɛ́tɛi è nɛ̀ lai. Fɛ̂ɛ ǹúui kélee dí nyíŋi kɔ́lɛ ḿâ a sama-sɛŋ.

Lɛɛ gbɔwɔ ɓa 30:13 Referans Kwoze

Levetekɔ 27:25

«Da hɛn gəlee hɔ̨nwɔ̨ laa ɓo, yɛ bələi ɉɛli pɛlɛ́ nwɔ wali hvaŋą kaa la, wali kwələ tɔ̨nɔ̨ ɲąą a kwɛlɛ a ɉəei pow hveelɛ.

Lonon mo 3:47

yá wali kwələ lɔɔli həɠə nu tɛi tɛi kəlee nwuɔ̨, yá ɉəɠə yɛ bələi gee kaa kələ mu wali kɔ́ɔn bələ kaa la. Wali kwələ tɔ̨nɔ̨ mu ə kɛ a nwia a gramə pow.

Izikiɛ 45:12

Siklə ə kɛ a gera pow hveelɛ, siklə pow hveelɛ pɛlɛɛ siklə pow hveelɛ kɔ́w lɔɔli ɓa, ə pɛlɛ siklə pow kɔ́w lɔɔli ɓa, di kɛ a mine tɔ̨nɔ̨.

Maafîu 17:24

Jesus da nwɔ kalan nɛai dəli Kafarnaumə daai. Di wɔ kalan bɛlɛi mu, nįįhɔ̨nwɔ̨ kulɔ nuą di lɛɠɛ Piɛrə ɓa di mąąni kɛ diɛ mą: «Ka kalamɔ̨ɔ̨ a kɛ nįįhɔ̨nwɔ̨ kulɔi Yálá hee pɛlɛ́ mu?»

Lɛɛ gbɔwɔ ɓa 38:26

A kɛ ti, nu tɔ̨nɔ̨ kilə kpulɔ wali hu, mąąhɔlɔɓo, ɉinąąi kpɔ di di lonon, ə həɠə kwɛlan bow hveelɛ ɓa, ə li la bulu pələ, di kɛ a nu waa nwun mɛ̨ida, nu waa haaɓa, pulu nwun nɔɔli yee lɔɔli.

Maafîu 27:24

Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Maafîu 21:12

Jesus ə lɔ Yálá hee pɛlɛ́ mu, ə lɔwɔ́tɔɔ nuą da wali mąąhvalin nuą kaa laa, ə haŋą diɛ ə di kpɛ. Ə nwali mąąhvalin nuą di wɔ taɓaliɠaai laapɛlɛ, ə donwələn nɔwɔtɔɔ nuą di wɔ kpəlinŋąai too.

Zɛnɛse 23:15

«Nwɔ́ɔ́ mɛ̨nį nąmu, ə́ wəli tɔɔ mą́ą́ a nɛlɛɛ, nɔi yii da ɲa a wali kwələ nwun-nąąn, ɲą́ą́ gwa yɛ́ gu lɔwai, yili hvo a wali kɛnɛ̨. Li, ə́ ə́ nɛ̨ą powa loo laa.»

Lɛɛ gbɔwɔ ɓa 30:14

Hulɔnui lɔpee gəlee, gaa kwɛlan a həli pow hveelɛ ɓa, mąąnɛ̨ɛ̨ di nonon, ɛlɛɛ, ə nįįhɔ̨nwɔ̨ kulɔ Yai-Laa ɓa.

Lɛɛ gbɔwɔ ɓa 38:24

Ɉɛnii kpɔ lɔ góló hu, a bɛlɛ́ mąąhəɠɛɛ tɔɔ hɛni, yɛ ə kɛ a yii di Yálá kɔ́ la, ə kɛ a: kilə nwun mɛ̨ihaaɓa, kilə pow mɛ̨ihveelɛ kɔ́w mɛ̨ihveelɛ da da, yɛ bələi ɉɛnŋąą kɔ́ɔn bələ ə kɛ la bɛlɛ́ mąąhəɠɛɛ mu.

Levetekɔ 5:15

«Nu ta a Yálá laa kala nɛ̨ŋɛ̨n ɉəɠə dɛɠii, yɛ Yai-Laa kɔ́ a ɲɔ̨nwɔ̨ɔ̨; mąąnɛ̨ɛ̨ ə pa a bɔɔŋą pɛli hɛn a ɓɛlaa hilɛi kpɛɠii hvo mą, ə ɉəɠə nwɔ taatɛlɛɛ kpulu hu, diɛ ɉɔ̨nwɔ̨ laa ɓo a wali, yɛ bələi bɛlɛ́ mąąhəɠɛɛ mu wali kaa la, ə naa həli a bɔɔŋą pɛli haláá.

Levetekɔ 27:3

«Akɛ a hulɔnu, ə həɠə kwɛlan bow hveelɛ ɓa, ə həli pow mɛ̨ida ɓa, mąąnɛ̨ɛ̨ di wali kwələ pow lɔɔli tɛɛ, yii gaa a bɛlɛ́ mąąhəɠɛɛ mu wali kɛ pələ.

Lonon mo 7:67

Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni.

Lonon mo 7:86

Hɛni kpələ kɔ́wɔ pow kɔ́w hveelɛ, naa hvɛɛ a wulɔ kun nɛ̨ɛ̨, dɔ̨nɔ̨ yɛ ɓo a kilə pow, yɛ bələi bɛlɛ́ mąąhəɠɛɛ mu hɛn gɔɔn bələ kaa la. Gbələ kɔ́wɔ kəlee ə kɛ a kilə nwun dɔ̨nɔ̨ ɲee hveelɛ (120).

Tɔɔɓɛlaa veelɛ 12:4

Kɛlaa, ə mą kɛ tii, hvo ɉali kɔ́iɠaa taɠa, nuą di kɛi lɔ haláá kulɔ ɲeeɠaa ɓa, diɛ hɛn lansan kələn gɛɛnąąɠaa tii ɓa.

Lonon mo 18:16

Lon dɔlɔɔ yii mąąnɛ̨ɛ̨ nwun mąą ə ɓo, da nwun mąąɓo nwɔ ɲąnin dɔlɔɔ hu, a ɉɛn yá vaa ɓo. Ya ɓaa wali kwələ lɔɔli, yɛ bələi Yálá hee pɛlɛ́ mu wali kɔ́ɔn bələ kaa la.

Tɔɔɓɛlaa veelɛ 12:5

Ɉoasə ə ɉaláá laa həli nuą təli yɛ diɛ: «Nwalii kpɔ da paa la Yai-Laa yəi bɛlɛ́n a Yálá kɔ́ hɛn, da nįįhɔ̨nwɔ̨i nu tɛitɛi ə kɛi gulɔ yɛ bələi ɲee pɛli mąą mɛ̨nį kaa la, nwalii kpɔ nwɔ̨nɔ̨ nu tɛitɛi a paa la Yai-Laa yəi bɛlɛ́n a naa gwəi mɛ̨inɛ̨ɛ̨,