Lɛɛ gbɔwɔ ɓa 3:9 - Yálá laawoo hɛɓɛ (dc)

⁹ Yii hu, yii kɛa Israɛlə lonnii wɔlɔ woo aa too nwə́lii, mɔ̨nɔ̨i Eziptə nuą kaa naai diɛ, ŋą́ą́ gaa;

Yálá laawoo hɛɓɛ

⁹ Yii hu, yii kɛa Israɛlə lonnii wɔlɔ woo aa too nwə́lii, mɔ̨nɔ̨i Eziptə nuą kaa naai diɛ, ŋą́ą́ gaa;

Bible

⁹ Ŋa Eezuɛ-ŋai dímɛni-solii maa wɔlɔ-wooi mɛ́ni. Ŋa gáa berei Ize-ŋai da dímɔ̃lɛi lai.

Lɛɛ gbɔwɔ ɓa 3:9 Referans Kwoze

Lɛɛ gbɔwɔ ɓa 2:23

Kwɛlan damąą kulaa ɉu, Eziptə tɔɔmun ə haa. Kɛlaa ə mą kɛ tii, Israɛlə lonnii di kɛli lɔ mɔ̨nɔ̨ mįi nuwɔlaa hu, diɛ wɔlɔ. Di wɔlɔ woo ə həli Yálá ɓa.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Lɛɛ gbɔwɔ ɓa 1:11

Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Ikilisiati 4:1

Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Zɛnɛse 16:11

Ə́ kaa pai lon ɉulɔnu hɔlɔɓoi, ə́ naa hee a Ismaɛlə. Mąąhɔlɔɓo, Yai-Laa aa ə́ wɔ laanɔ̨nwɔ̨ kaa.

Dutɛrɔnome 26:7

Ku wɔlɔ Yai-Laa ku nąnni di wɔ Yálái ɓa. Yili ə ku wɔlɔ woo mu hon, ə ku wɔ mąąwɛli laa kaa; da mɔ̨nɔ̨i ku kɛi mįi, ə mą kɛ laanɔ̨nwɔ̨i ku kɛ ɉu.

Samuɛlə dɔlɔɔ 9:16

«Tínąą ɓɛlɔwai ɲɔ̨nwɔ̨mąn, gáá pai Bɛnɉamɛn lɔi hu mun da tɛɛi yɛ́, ə́ nwulɔ mąąhəɠɛɛ lɔ ma, ə́ gɛ a nwɔ́ nu huwu Israɛlə ɲąąwooɓomun, ya ɓə pai nwɔ́ nu huwui kulɔi Filisti nuą yee mu. Ŋą́ą́ nwɔ́ nu huwui kaa, nwɔlɔ woo aa həli mą́ą́.»

Tɔɔɓɛlaa veelɛ 13:4

Kɛlaa, Yoakazə ə wɔlɔ Yai-Laa ɓa, Yai-Laa ə nwoo mu hon. Mąąhɔlɔɓo, Israɛlə ə kɛi mɔ̨nɔ̨ mįi, ɛlɛɛ, heei ŋɛ̨i Aramə nuą di mo di mɛ̨i, Yai-Laa ə yili nąą kaa.

Zɛnɛse 31:12

Yɛ nwɔ̨nɔ̨ mą́ą́: ‹Ə́ ɲɛ̨i hee daatɛlɛɛ hilɛɠaai tii tɛi diɛ, di pɛ̨ɛ̨, ɲɛ̨i pɛlɛɛ kaa ɉu, ɲɛ̨i kpɛa kpɛa ə ɓo ɉu. Ɲą́ą́ Yálá, ŋį́ yili kɛ tii, mąąhɔlɔɓo, pələi Laban kaa ə́ hon ɉii la, ŋą́ą́ nąą kaa.

Lɛɛ gbɔwɔ ɓa 1:8

Nąąlɔwai, tɔɔmun nįnɛ̨ ta ə hee Eziptə nwun na, yii hvo kɛ Ɉosɛfə kɔ́lɔn.

Lɛɛ gbɔwɔ ɓa 2:25

Yálá ə ɲɛ̨i hee Israɛlə lonnii diɛ, di mąąwɛli ə ɉon.

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Nehemi 9:9

«Ə́ ku nąnni di wɔ laanɔ̨nwɔ̨ kaa Eziptə lɔi hu, ə́ di wɔlɔ woo mɛ̨n gboloyá kpɔlu kwɛlɛ.

Mąątɛ̨nɛ̨ 9:14

'Mą́ą́wɛli kaa, Yai-Laa! Nwɔ́ mɔ̨nɔ̨i kaa! Yai ɲówóɠaa daa naa mą́ą́! Yɛ́i ya gúlɔ haa wolo la.