Lɛɛ gbɔwɔ ɓa 3:21 - Yálá laawoo hɛɓɛ (dc)

²¹ Ka muhəɠəi lɔwai, Ŋą́ gɛ ka wɛli ə too Eziptə nuą diɛ; ka hva həɠə laa a ka yeehvowolo.

Yálá laawoo hɛɓɛ

²¹ Ka muhəɠəi lɔwai, Ŋą́ gɛ ka wɛli ə too Eziptə nuą diɛ; ka hva həɠə laa a ka yeehvowolo.

Bible

²¹ “Ŋa pâi Ize-ŋai kɛ̂i dí ƃaa-kɛ-maa tɛ́ɛ ŋánûai pɔ́ a gɛɛ kà kɛ̀ liî, káfe lì a káyee-fôlo.

Lɛɛ gbɔwɔ ɓa 3:21 Referans Kwoze

Lɛɛ gbɔwɔ ɓa 12:36

Yai-Laa ə Israɛlə lonnii wɛli too Eziptə nuą diɛ, di hɛnŋąą tɛɛ di pɔ. Bələ ɓə di Eziptə nuą mąą kpoloon na.

Mąątɛ̨nɛ̨ 105:37

Ə nwɔ nuąi kulɔ laa, a di yeelaholoon ŋąą, hɛni da wali di ɓo di yəi, ɛlɛɛ, nu tai lɔpee hvo kalin, nwɔ nu huwui lɔwai.

Lɛɛ gbɔwɔ ɓa 11:3

Yai-Laa ə Israɛlə lonnii wɛli too Eziptə nuą diɛ. Yii ɓaa Moisə nwɛi, mąąwiai kɛ Eziptə nɔi nuą kəlee ɲɛ̨i ɓa, ə mą kɛ tɔɔmun nwɔ nu kpɛa-kpɛai da nɔi lonnii kəlee.

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Mąątɛ̨nɛ̨ 106:46

Nuąi li a diɛ luwɔlaa hu, ə gɛ yiliɠaai di di ɲɛ̨imąąwɛli kaa.

Zɛnɛse 39:21

Bələi mąn Ɉosɛfə ə kɛ la laa gaho pɛlɛ́ mu, Yai-Laa ə kɛ lɔ bɔ, ə ɲɛ̨i lɛlɛɛ hee mą, Ɉosɛfə wɛli ə too gaho pɛlɛ́ mɛ̨i kaamun ma.

Gɛlaɠaa 7:10

Yálá ə gulɔ ŋą mɔ̨nɔ̨ɠaa kəlee hu, ə gɔ a kili, ə nwɛli too Eziptə tɔɔmun ma, yili ə Ɉosɛfə hee Eziptə lɔi nwun na da nwɔ pɛlɛ́i kəlee.

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Lɛɛ gbɔwɔ ɓa 12:35

Bələi ti Moisə ə mo la Israɛlə lonnii diɛ, di gɛ ti. Nu kəlee ə hɛnɲąŋą hvɛli Eziptə nuą diɛ, yai kɛ a wali kwɛli, hɛni da həɠəɠaa.

Tɔɔɓɛlaa dɔlɔɔ 8:50

Ə́ wɔ nu huwui ŋɛ̨i nɛ̨ŋɛ̨n ɉəɠə yɛ́, mąąhvaalɛɛ, ə́ di wɔ kulɔ nwoo mu laa kəlee mąąhvaalɛɛ. Nuąi da kɛ di yəi luwɔlaa hu, gɛ, yiliɠaai di di ɲɛ̨imąąwɛli kaa. Ə kə! Di di ɲɛ̨imąąwɛli kaa.

Zɛnɛse 15:14

Kɛlaa, nɔi ŋɛ̨i di kaa pai luwɔlaa kɛi ɉu nuą diɛ, gáá pai nɔi tii kitii teei, ŋį́ ə́ huwuhu nuą kulɔ di yəi luwɔlaa hu; da di pulu pənə a hɛn gɔw kɛnɛ̨.

Lɛɛ gbɔwɔ ɓa 11:2

'Li, ə́ mo Israɛlə lonnii kəlee diɛ, ɉinąą mąn nɛ̨ąą mąn, nu kəlee ə wali hɛnɲaŋą da hɛni hɛnɲaŋą hvɛli ɉeeyɔwɔ ɓa.»

Dutɛrɔnome 15:13

Ka ɓo mą, mąąnɛ̨ɛ̨ ə həɠə ka pɔɔli, kɛlaa, ka hvo nɛɛ laa hvo li a ɲeehowolo.