Lɛɛ gbɔwɔ ɓa 3:17 - Yálá laawoo hɛɓɛ (dc)

¹⁷ Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Yálá laawoo hɛɓɛ

¹⁷ Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Bible

¹⁷ Ǹyaŋ ŋa gbɛtɛ ŋ́gili ŋá a gɛɛ ŋá díkula Ize lɔii su ƃɛ́i díkaa mɛni-sôli kâai naai, ŋá pá a dia Keena-ŋai, Ita-ŋai, Amɔra-ŋai, Pɛriza-ŋai, Iva-ŋai da Zɛbusa-ŋai dílɔii su nyii gáa a lɔii lɛ́lɛɛi.

Lɛɛ gbɔwɔ ɓa 3:17 Referans Kwoze

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Zasua 24:11

Ka Ɉurdɛn teen, ka həli Ɉeriko, Ɉeriko tɔɔɓɛlaa di kɔ́ pɛlɛ kaa, diɛ ɓaa: Amɔrə nuą, Perizi nuą, Kanaan nuą, Hɛtə nuą, Girgasə nuą, Hivi nuą, da Ɉebusə nuą. Kɛlaa, ŋį́ di lɔ ka yee ŋą.

Zɛnɛse 46:4

Gáá lɛɛi ə́ pɔ, ŋį́ li a yɛ́, ŋį́ pənə ŋį́ pa a yɛ́. Ɉosɛfə yee ŋą ɓə ə́ kaa pai pɔlɔi laa.»

Zɛnɛse 50:25

Ka ka kwɛla, kaa diɛ: «Yálá a pa ɲɛ̨i lɛlɛɛ heei kaa, ka káá gɔ́wɠaa həɠəi ka li la.» Ɉosɛfə niɛni diɛ mą: «Kwa gɛ yɛ bələi tii ə́ mo la.»

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 13:5

«Ɓɛlɔwai Yai-Laa kaa pai ka lɔi la Kanaan lɔi hu; ɓɛi Hɛtə nuą, Amɔrə nuą, Hivi nuą da Ɉebusə nuą di kaa laa. Nɔi tii ɓə wɔlɔ ə naakwɛlanmo ka kalaɓɔlɔni diɛ, yɛ gaa dɛɛi di pɔ. Ɓɛi hɛn gəlee da lɛlɛ laa. Ɉɛlii ti ɓə ka bu a ɲąnin ti da volói ti.

Lɛɛ gbɔwɔ ɓa 32:34

'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Lɛɛ gbɔwɔ ɓa 33:3

Ka lɔ nɔi ti hu, ɓɛi hɛn gəlee a lɛlɛ laa; Ɲą́ą́ gbinį lee və́ pai lɛɛi ka lɔwai, gu hvo li laa, mąąhɔlɔɓo, nu huwu nwun nwalawalaa ɓaa a kaa; ə gɛ, və́ pa ka hu kala kpɔ tɛ̨ɛ̨tɛ̨ɛ̨ bələi.»

Lonon mo 13:27

Nwoo hukulɔi di gɛ Moisə ɓa, ya ka, diɛ mą: Lɔi nɛ̨ɛ̨ kpɔkpɔɔ li, hihɛn ɉuwui lɔpee gəlee da lɛlɛ mą. Nąą wulu ɓa taɠaa ka.

Dutɛrɔnome 6:3

Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.

Dutɛrɔnome 26:9

Ə pa a kuɔ nɔi ŋɛ̨i hu; ə bɔlɔi ŋɛ̨i tɛɛ ku pɔ; a lɔi lɛlɛɛ kpɔ kpɔ, ɓɛi hɛn gəlee a lɛlɛ laa.

Zasua 9:1

Nąąlɔwai, tɔɔɓɛlaa kpɔ kɛ Ɉurdɛn yá pulu pələ ɲee lɔi hu, da nɛ̨ŋɛ̨ lɔi hu, di mɛ̨nįɠaa tii bələ mɛ̨n, gəlee ə mą kɛ, nuąi kpɔ kɛ gboloyá kwɛlɛ, Liban lɔi lííla, diɛ ɓaa: Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą,

Ɉeremi 32:22

Yili pulu, ə́ nɔi ŋɛ̨i tɛɛ di pɔ, yaai ə́ gbɛa naakwɛlanmo di nąnni diɛ. Nɔi hɛn gəlee a lɛlɛ ɉu.

Levetekɔ 20:24

ɛlɛɛ, gɛ́ kɛ kaa: «‹Kaa ɓə di wɔ lɔi kaa lɛɛi ka yəi, ɲą́ą́ ɓə dɛɛi ka pɔ a ka wɔɔ. Ɓɛi hɛn gəlee da lɛlɛ laa.› «Ɲą́ą́ Yai-Laa ka wɔ Yálá, ɲą́ą́ ɓə ka həɠə ɉu hį́i lɔi kəlee lɔwai.

Zasua 5:6

Kwɛlan bow nąąn mə di gɛ ɉiɛ hu; nuąi kulɔ Eziptə bɛlɛɛ gɔ́kulááɠaa diɛ, gəlee di haa. Mąąhɔlɔɓo di hvo di wəli tɔɔ Yai-Laa woo ɓa, yili ɓə gɛ, Ə gwɛla yɛ diɛ, nɔi Ə naakwɛlanmo di nąnni diɛ, yɛ gaa dɛɛi di pɔ, diɛi tii hvo kɛa pai həlii laa; a nɔi hɛn gəlee a lɛlɛ mą.

Kɔlɔnikɔ Maa-ŋuŋ 1:15

Hivi nuą, Arki nuą, Sini nuą,

Mąątɛ̨nɛ̨ 102:21

Yɛ nwəli tɔɔ gahonąminą ɲiŋɛ̨ woo ɓa, nuąi daa di kiti tee a di paa mɛ̨nį, yɛ di nwun mąąɓo.

Ɉeremi 11:5

Yili a kɛ kɛa tii, mɛ̨nįi ŋį́ naakwɛlanmo ka nąnni diɛ, gɛ́ kɛ diɛ, gáá lɔi tɛɛi ka pɔ, ɓɛi kwɛin nwulɔ da ɲįnįya gboloon naai laa; ŋį́ pɛli kɛa ŋį́ nwóó tii pɔ mɛ̨nį kɛ. Yili ɓa, háákələi, nɔi kaa a ka wɔɔ. Gɛ́ Yai-Laa ɓa: «Gaa tii Yai-Laa.»

Izikiɛ 20:6

Mąą yələi tii, ŋą́ gwɛ́la diɛ, ɲéé tɛɛ yələi, gɛ́ diɛ gáá di kulɔi Eziptə lɔi hu. Gɛ́ li a diɛ, nɔi tii ŋą́ ɉu mąąkpɛɛ a ka wɔɔ, ɉu. Ɓɛi hɛn gəlee a lɛlɛ laa nɔi. Nɛlɛ yee tɛɛi lɔi kəlee ɓa.