Lɛɛ gbɔwɔ ɓa 3:12 - Yálá laawoo hɛɓɛ (dc)

¹² Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Yálá laawoo hɛɓɛ

¹² Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Bible

¹² Ɣâla ǹyɛɛ mai, “Ŋa pâi kɛ̂i íkɔlɛ. Ŋ̀ɛi-kɛ-maai ká ŋí nyii pâi ǹɛ̂i a gɛɛ ŋa ítɛɛ̂i. Ƃà kùla a ǹûai Ize, ƃà pà a dia, ka ḿvɛli ǹyéei ŋí ma.”

Lɛɛ gbɔwɔ ɓa 3:12 Referans Kwoze

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Dutɛrɔnome 31:23

Yai-Laa ə mɛ̨nįɠaa ŋɛ̨i ɓo kpɔ Nun lon Ɉosue ɓa a nwąnąąi, yɛ mą: «Ə́ liikpələ, ə́ tɔɔ a ə́ nwąnąąi, mąąhɔlɔɓo, nɔi ŋį́ nwóó kwɛlɛ la Israɛlə lonnii diɛ, ŋį́ naakwɛlanmo diɛ, gɛ́ gáá dɛɛi di pɔ, yɛ́ ɓə pai di lɔi ɉu. Ɲą́ą́n, gáá pai kɛi ə́ pɔ.»

Zɛnɛse 31:3

Nąąlɔwai, Yai-Laa ə mo Ɉakɔbə ɓa yɛ mą: «Pənə ə́ li ə́ kaa nuą pɔ, ka pɔ lɔi, gáá pai kɛi ə́ pɔ.»

Lɛɛ gbɔwɔ ɓa 4:15

Ya həli mą, mɛ̨nį kəlee hukulɔ mą ə́ ə́ woo pu na. Ɲą́ą́ Gáá Lɔ ə́ laaləi pɔ ka yaa, mɛ̨nį mąąnɛ̨ɛ̨ ka gɛ, ŋą́ nɛ kaa.

Lɛɛ gbɔwɔ ɓa 4:12

Yii hu, 'həɠə ə́ li; Ɲą́ą́ Lɔ Gáá ə́ pɔ, mɛ̨nįi mąąnɛ̨ɛ̨ ə́ mo, Ŋą́ bu ə́ la.»

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Gɛlaɠaa 11:21

Gu Ną́mu ə kɛ di pɔ, nuąi di ɲɛ̨i tínɛ̨n gu Ną́mu pɔ pələ, diɛ hvilɛn bulu, di kpulu ə kɛli kɛnɛ̨.

Markə 16:20

Galan nɛa di pənə di pulu, diɛ Yálá laawoo laa həli kɛɛnąą kəlee. Ną́mu ə kɛi kpɔnmąą tɛɛ di pɔ́ gólói tii kɛ mɛ̨nį hu, yɛ di wɔ kalan gɛ woo kɛ a tɛ̨ą, kpalo mɛ̨nįɠaa kɛɛ hu.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Mąątɛ̨nɛ̨ 86:17

'Ə́ ɲɛ̨i lɛlɛɛ hee mą́ą́, ə ɲɛ̨́i pono, ə ɲówóɠaa ɲɛ̨i paa a nwumɛ̨, a gaai da mo diɛ kɛ, Yɛ́i a Yai-Laa, Yɛ́ ɓə kpɔnmąą tɛɛi bɔ́, Yɛ́ níilɔ.

Azaya 37:30

Mɛ̨nįɠaai tii kɔ́lɔn ɉɛŋąą ka ɲɛ̨i ə́ yəi: Gwɛlan ŋɛ̨́i yeemu, di kaa pai mɔ̨nun gbán ɉu mɔ̨nun mįi, gwɛlan ɲii tii bulu, mɔ̨nun a tiliin gbɔwɔ ɓa yili ɓə da mįi, Kɛlaa gwɛlan ɉaaɓa nąn, 'ka mɔ̨nun ɉin, 'ka dee, 'ka hihɛn ɲɛa laa, ka mą mįi.

Nwun mąąɓo 7:11

Mɛ̨nįi di kaa moi laa, ə́ mɛ̨n, yili pulu, ə́ lii kaa pai kpələi, ə́ pɛlɛ diɛ a kɔ́.» Zedeɔn da nwɔ tímun, di yɛɛ, di di mąą lɛɠɛ muwu ɓa.

Nwun mąąɓo 6:21

Ya ɓə, Yai-Laa nwɔ malakai ə ɲee haŋą, dunwɔ̨n tii kɛ ɲəi, ə ɉee ɉuwɔ da nɛɠɛ diɛ. Nwɔ̨n ə kulɔ gwɛni hu, ə ɉuwɔ da nɛɠɛ di kələn. Yili pulu, malaka ə kwɛlɛɛn, Zedeɔn hvo kɛa gaa.

Nwun mąąɓo 6:17

Zedeɔn yɛ nwɔ̨nɔ̨ mą: «Akɛ yáá ɉəɠə ɉu, mɛ̨nį ta lɛ mą́ą́, yii a nɛ yɛ, Yai-Laa yɛ́ ka tii mɛ̨nį ɓoi mą́ą́.

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Zɛnɛse 15:8

Abramə yɛ Ną́mu Yálá ɓa: «Ŋą́ pɛli ŋį́ gɔlɔn nəi gɛ́ kɛ diɛ: gaa pai kɛi a nwɔ́ɔ́?»

Gɛlaɠaa 7:7

Kɛlaa, Yálá ə kɛ mą: ‹Nɔi ti di kaa pai kɛi ɉu luwɔlaa hu, gáá pai gití teei, yili pulu, da kulɔ laa di pa ɓɛ diɛ kwɛli hvilɛn mą́ą́ ɓɛ Ɉerusalɛmə.›

Lɛɛ gbɔwɔ ɓa 3:1

Moisə ə kɛ mɔlɔ́ Ɉetro nwɔ taatɛlɛɛɠaa pulu. Ɉetro ɓə kɛ a Madian haláá laa həli mun. Moisə ə lɛɛ daatɛlɛɛɠaa pulu ə li kpɔ a diɛ nɔi pun bulu pələ, Yálá nwɔ yeei ɓa Horɛbə.

Lɛɛ gbɔwɔ ɓa 3:13

Moisə yɛ Yálá ɓa: «Lii ŋɛ̨i gáá moi Israɛlə lonnii pɔi, gáá lii kɛi diɛ: ‹Ka nąnni di wɔ Yálá ɓə dɔ́ɔ́ ka pɔ›, da kɛ mą́ą́: ‹Naa ɓaa a gbɛɛ, ŋą́ kɛ diɛ lə?›»

Lɛɛ gbɔwɔ ɓa 18:5

Moisə mɔlɔ́ Ɉetro ə Moisə lonnii həɠə ə bɛlɛɛ Moisə nɛ̨ą ɓa, diɛ li Moisə pɔ nɔi pun ɉu; ɓɛi di muwu pɛlɛ laa, Yálá nwɔ yeei ɓa.

Lɛɛ gbɔwɔ ɓa 33:14

Yai-Laa yɛ mą: «Ɲą́ą́ gbinį ɓə pai hvįįtɔɔ tɛɛi ə́ pɔ.»

Lonon mo 16:28

Moisə ə mo, yɛ diɛ: «Bələi ka gɔlɔn na kaa kɛ Yai-Laa ɓə dɔ́ɔ́ gɛ́ mɛ̨nįɠaai ŋɛ̨i kəlee kɛ, və́ lɛɛ li gbɔwɔ ɓa gɛ́ gɛ tii, bələ ka.

Lonon mo 23:21

Və́ mɛ̨nį ɲąąnwąnąą kaai Ɉakɔbə pɔɔli. Və́ mɔ̨nɔ̨ kaai Israɛlə nwɔ lɔi hu. Yai-Laa yai a nwɔ Yálá, gaa bulu, di kaa di yee lɔwai mą yɛ tɔɔmun.

Nwun mąąɓo 6:16

Ya ɓə, Yai-Laa a kɛ mą: «Gáá pai kɛi ə́ pɔ, yili ɓa, ə́ kaa pai Madian nuą kɛlɛi, yɛ yá kɛi nu tɔ̨nɔ̨ kɛlɛ.»

Tɔɔɓɛlaa veelɛ 19:29

«Yii pai kɛi a gɔlɔn ɉɛn, ya ka: Gwɛlan ŋɛ̨i ɓa, nuą kaa pai nɔi kɔ̨nɔ̨n mįi, gwɛlan yii tii bulu, hihɛn yii a kulɔ gbɔwɔ ɓa, diɛ mįi. Kɛlaa, gwɛlan ɉaaɓa nąą nwɛi, nuą da kɛɛ hin, di ka dɔ̨nɔ̨ kulɔ, ka viɲəɠaa hin, kaa di ɓa kɛ a ka kɔ̨nɔ̨n.

Ɉeremi 1:8

'Hvó ɲɔw, gáá ə́ pɔ, gɛ́ ə́ kulɔ mɛ̨nįi. Yai-Laa woo li.»

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Lɛɛ gbɔwɔ ɓa 8:27

Bələi ti Moisə ə ɉu hvɛli la, Yai-Laa ə gɛ ti. Vɔnŋąą tii mąą ə kwɛa tɔɔmun ma, da nwɔ nu kpɛa-kpɛaa-o, ə mą kɛ, nɔi nuą. Dɔ̨nɔ̨ kpɛli hvo lɛɛ laa.

Nwun mąąɓo 6:12

Yai-Laa nwɔ malaka ə gbɔwɔ lɛ mą, yɛ mą: «Zedeɔn, kɔ́kuláá walawala, Yai-Laa kaa ə pɔ.»

Samuɛlə dɔlɔɔ 14:10

Kɛlaa, da kɛ guɔ: ‹Ka tɛ ɲee ka həli kuɔ›, gwa tɛ. Akɛ tii, Yai-Laa aa di lɔ gu yee ŋą, gbaɠala ka pələ ka tii gu yəi.»

Kɔlɔnikɔ Maa-ŋuŋ 9:20

Pinasə, Eleazarə lon, ya ɓə kɛ wɔlɔ a di nwun nąmu; Yai-Laa ə wɔlɔ kɛ bɔ.