Lɛɛ gbɔwɔ ɓa 3:1 - Yálá laawoo hɛɓɛ (dc)

¹ Moisə ə kɛ mɔlɔ́ Ɉetro nwɔ taatɛlɛɛɠaa pulu. Ɉetro ɓə kɛ a Madian haláá laa həli mun. Moisə ə lɛɛ daatɛlɛɛɠaa pulu ə li kpɔ a diɛ nɔi pun bulu pələ, Yálá nwɔ yeei ɓa Horɛbə.

Yálá laawoo hɛɓɛ

¹ Moisə ə kɛ mɔlɔ́ Ɉetro nwɔ taatɛlɛɛɠaa pulu. Ɉetro ɓə kɛ a Madian haláá laa həli mun. Moisə ə lɛɛ daatɛlɛɛɠaa pulu ə li kpɔ a diɛ nɔi pun bulu pələ, Yálá nwɔ yeei ɓa Horɛbə.

Bible

¹ Mose è nâa kɛ̀ m̀ɔ̂lɔ Zɛtulo ŋɔƃála-ŋai mɛi kâai. Zɛtulo è kɛ̀ a Midiaŋ sala láa-soŋ-nuu kɛ́tɛi. Mose è lì a m̀ála-ŋai vɛ̃ɛ-kpâlaŋ pôlu é pá Ɣâla ŋɔyéei ma nyii da dòli a Sanai.

Lɛɛ gbɔwɔ ɓa 3:1 Referans Kwoze

Tɔɔɓɛlaa dɔlɔɔ 19:8

Eli ə muhəɠə, ə kɔ̨nɔ̨n mįi, ə gbələ, yii kɛa ə huwalawala hɔlɔɓo gɔ̨nɔ̨n tii mįi pulu, ə hvóló pow nąąn da kpinį pow nąąn ɉiɛ kɛ, yɛ li Yálá nwɔ yeei ɓa, yai gaa Horɛbə.

Lɛɛ gbɔwɔ ɓa 17:6

Gáá pai kɛi ə́ ɲɛ̨itɔwɔ, Horɛbə yee ɓa, gwɛni kpuwulu mɛ̨i; ya pa laa, ə gwɛni kɛlɛ. Yá kaa pai kulɔi ɉu, di di kpələ la.» Həlii di mo ɲee ɓa, Moisə ə gɛ tii. Israɛlə kalanɉonŋąą ɲɛ̨i ɓa, yɛ bələi Yai-Laa ə mo la mą.

Lonon mo 10:29

Reuɛlə lon Hobabə, yai kɛ a Madian mun, yɛ ɓo a Moisə mɔ́lɔ; Moisə ə mo mą, yɛ mą: «Ku kaa lii nɔi ɲɛ̨i Yai-Laa ə kɛ yɛ gaa dɛɛi ku pɔ ɉu. Pa gwəli, gwa li, mɛ̨inɛ̨ɛ̨ Yai-Laa aa naakwɛlanmo kuɔ, ə́ ə́ wɔɔ nąą hɔlɔɓo ɉu.»

Nwun mąąɓo 4:11

Hebɛrə ŋɛ̨i kɛ a Keni mun, ə kulɔ Keni nuą pɔ, diɛi kɛ a Moisə mɔlɔ Hobabə lonnii, ə nwɔ taai pu Saananimə nwɛla kwɛlɛ, Kɛdɛsə.

Lɛɛ gbɔwɔ ɓa 19:11

Di kɛ pələ ə kɛ a bɛliɛ a voló haaɓa yələ, mąąhɔlɔɓo, voló haaɓa yələ ɓə Yai-Laa kaa pai yɛɛi la Sinai yee nwuɔ̨, nɔi lonnii kəlee ɲɛ̨i ɓa.

Lukə 2:8

Bɛtleɛmə daa kwɛlɛ, ɲɛa kɔ́wɔ ta hu, ɓɛlaa pulu nuą di kɛ laa a kpinį, diɛ di wɔ ɓɛlaaɠaai mąąkpɛ.

Mąątɛ̨nɛ̨ 106:19

Di nįŋɛ̨ lon mąąnįnįn bɛli Horɛbə yee ɓa, di pɛlɛ diɛ kwɛli hvilɛn mą.

Dutɛrɔnome 4:10

Ɓɛlɔwai ka kɛ la tɔɔni Yai-Laa ka wɔ Yálái lííla Horɛbə kɔ́wɔ mu, Yai-Laa ə mo mą́ą́, yɛ mą́ą́: «Nuą ɲąąkpɔn gwɛ́lɛ, ŋį́ wooɠaa ɓo diɛ; ə gɛ, diɛ pɛli mą́ą́wiɛi di yíi hvóló kəlee hu lɔi mɛ̨i. Ɛlɛɛ, diɛ di lonnii mąąkwɛli a mą́ą́wiɛ pələ.»

Dutɛrɔnome 1:6

Ɓɛlɔwai gu kɛ laa Horɛbə yee ɓa, Yai-Laa gu wɔ Yálá ə mo, yɛ diɛ: «Kaa lamun ɲeei ŋɛ̨i koomu a mɔlɔ.

Lɛɛ gbɔwɔ ɓa 24:13

Moisə ə muhəɠə, da bɔmun Ɉosue, ə tɛ Yálá nwɔ yeei ɓa.

Lɛɛ gbɔwɔ ɓa 19:3

Moisə nwɛi, ə tɛ, Yálá pɔ pələ da yaa di di kee kaa. Yai-Laa ə lɛɛ ɲee hu, ə Moisə təli, yɛ mą: «Mɛ̨nįɠaai ŋɛ̨i hukulɔ Ɉakɔbə yəi bɛlɛ́n nuą diɛ, ə́ díɓoi ŋɛ̨i laa həli Israɛlə lonnii diɛ, yɛ́ diɛ:

Lɛɛ gbɔwɔ ɓa 3:5

Yálá yɛ mą: «'Hvó kɛ ə́ kaa lɛɠɛi ɓɛ. 'Gɔlɔ kulɔ ə́ kɔ́wɔ ŋą. Mąąhɔlɔɓo, ɓɛi tii ə́ kaa laa, lɔi mąąhəɠɛɛ li.

Lɛɛ gbɔwɔ ɓa 2:16

Ɉaláá laa həli mun ŋɛ̨i kɛ Madian, nonnii nɛ̨ąą di kɛ mɛ̨ihveelɛ, nɛ̨ąą tii di pa ya haɠai di bu daatɛlɛɛɠaa kpələi, di naahvɛɛ, di nąn nwɔ taatɛlɛɛɠaai kpələ mɛ̨nį ɓa.

Amɔsə 1:1

Amɔsə ŋɛ̨i kɛ a Tekoa daai mun, yɛ ɓɛlaa tɔɔ, ya ɓə Ną́mu Yai-Laa ə wɛlɛɛ ɓo mą, yɛ hvilɛn na Israɛlə ɓa; ɓɛlɔwai Oziasə ə kɛ la a Ɉuda nɔi tɔɔmun, ɛlɛɛ, Ɉeroboamə ŋɛ̨i kɛ a Ɉoasə lon, ə ɓo a Israɛlə nɔi tɔɔmun. Di nwɛlɛɛi tii ɓoɔ mą, kwɛlan veelɛ tɛɛ pulu ɓə, nɔi ə kpɛlinŋąą kɛnɛ̨ ə kɛ la.

Lɛɛ gbɔwɔ ɓa 4:27

Yai-Laa yɛ Aarɔn ɓa: «'Li ə́ ə́ ləɠə Moisə laakwiɛn nɔi pun ɉu.» Aarɔn ə li da nəɠə di kwiɛn Yálá nwɔ yeei ɓa, ə nɛ̨nɛ̨ɓo

Lɛɛ gbɔwɔ ɓa 2:21

Pai Moisə ə mo, ə lɛɛ ɉulɔnui tii pɔɔli. Yili yaan, ə non Sipora tɛɛ Moisə pɔ a nɛ̨ą.

Lɛɛ gbɔwɔ ɓa 2:18

Nɛ̨ɛ̨lɛai ti di pənə di pa di nąn Reuɛlə pɔ. Yili yɛ diɛ: «Lə ɓə kələi kɛ, yai ka pa ŋɛ̨i ɉa?»

Gɛlaɠaa 7:30

«Kwɛlan bow nąąn dɛɛ pulu, malaka ta ə gbɔwɔ lɛ Moisə ɓa nwɔ̨n nən gɛnɛ̨ hu, nɔi pun ɉu, Sinai yee nwuɔ̨ wulu lon da ɓa.

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Lɛɛ gbɔwɔ ɓa 4:18

Moisə ə bulu pənə ə li mɔlɔ́ Ɉetro pɔ yɛ mą: «Hvo kɛ li ŋį́ bulu pənə ŋį́ li gááyɔwɔɠaa pɔ, diɛi di kaa Eziptə lɔi hu, ə gɛ, ŋį́ di mɛ̨i kaa, akɛ di kaa ni a di hvulú.» Ɉetro yɛ Moisə ɓa: «'Li, ə́ hiɛ ə nɛ̨ɛ̨.»

Lɛɛ gbɔwɔ ɓa 18:12

Moisə mɔlɔ́ Ɉetro ə haláá kulɔ Yálá ɓa a haláái da gəlee kələn, da haláá takpɛliɠaa. Aarɔn da Israɛlə kalanɉonŋąą kəlee di pa da Moisə mɔlɔ́ Ɉetro ni di ɉaláá kɔ̨nɔ̨n mįi.

Lɛɛ gbɔwɔ ɓa 19:2

Di həɠə Refidimə, diɛ li Sinai nɔi pun ɉu, Israɛlə lonnii di di wɔ ɓuwui pɛlɛ nɔi pun ɉu, ɲee tənən ma.

Lɛɛ gbɔwɔ ɓa 33:6

Israɛlə lonnii di ɉɛli həɠəɠaa kulɔ di kwąną, di həɠə Horɛbə.

Dutɛrɔnome 1:2

hvóló pow kɔ́w tɔ̨nɔ̨ ɓə nu ya gɛ hiɛ hu, ə həɠə Horɛbə yee ɓa yɛ li Kadɛsə-Barnea Seirə yee pɔ pələ.

Lonon mo 10:33

Da diɛni di həɠə Yai-Laa nwɔ yeei ɓa, di hvóló haaɓa hiɛ kɛ. Yai-Laa nwɔ mįnɛ̨ kəhii ə kɛ di tɔwɔ diɛ li voló haaɓa hiɛi tii hu, ə gɛ ɓɛi mąąnɛ̨ɛ̨ diɛ daa pu laa, yɛ nąą lɛ diɛ.

Samuɛlə dɔlɔɔ 16:11

Samuɛlə yɛ Ɉɛse ɓa: «Ə́ lon ɉinąą kəlee ɓəi?» Ɉɛse yɛ mą: «Ɉulɔnon naa mun gaa daatɛlɛɛɠaa mɛ̨i kaai.» Samuɛlə yɛ Ɉɛse ɓa: «Nu ta tɔɔ, ə li di dəli, mąąhɔlɔɓo, gu hvo pai kɔ̨nɔ̨n mįi akɛ yaai tii hvo ni pa li.»

Tɔɔɓɛlaa dɔlɔɔ 19:19

Eli həɠɛɛ laa, ə li ə Safatə lon Elise kaa yɛ kɛɛhin, aa kpinįn bow kɔ́w tɔ̨nɔ̨ kulɔ, ə ɓo gɔw hveelɛnąą ɓa a gbəli. Eli ə nwɔ biliɉui pu Elise kalan ŋą.