Lɛɛ gbɔwɔ ɓa 29:7 - Yálá laawoo hɛɓɛ (dc)

⁷ Ə́ nwulɔ mąąhəɠɛɛ həɠə, ə́ bu nwuɔ̨, ə́ mąątí a da.

Yálá laawoo hɛɓɛ

⁷ Ə́ nwulɔ mąąhəɠɛɛ həɠə, ə́ bu nwuɔ̨, ə́ mąątí a da.

Bible

⁷ Nàa pôlu ma í ŋ̀úlɔi síɣe í bú ŋ̀ûa.

Lɛɛ gbɔwɔ ɓa 29:7 Referans Kwoze

Lonon mo 35:25

Mąąnɛ̨ɛ̨ galanɉonŋąą di nu paamun gulɔ nwąną kulɔ kɛ mun ɲəi, di pənə di li la mąąkilɛ taa hu, ɓɛi ə gbɛa mąąkilɛ laa. «A lɛɛ laa, ə lɛɛ ɉu, ɉaláá laa həli mun gɛnɛ̨ɛ di ɉee, a nwulɔ mąąhəɠɛɛ, ə haa.

Levetekɔ 21:10

«Ɉaláá laa həli mun gɛnɛ̨mun nąn nonnii ɲɛ̨i tɔwɔi, yai tii di nwulɔ mąąhəɠɛɛ pu nwuɔ̨, diɛ ɉee, yɛ ɉəɠəɠaa too gwąną, mąą hvo nɛ̨ɛ̨li hvo nwuɔ̨ kɛ yai-yai, hvo mąąhəɠəɠaa huɓɛla,

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Mąątɛ̨nɛ̨ 133:2

Gaa lɔ yɛ, mąątí wulɔ kun nɛ̨ɛ̨ a kɛ nu nwuɔ̨! Yɛ yɛɛ gbɛlɛ hu, yɛ yɛɛ Aarɔn kpɛlɛ hu, yɛ yɛɛ, nwɔ həɠəi kɔn bɔ.

Mąątɛ̨nɛ̨ 89:20

Ə́i kpɔwɔ lɛ a yələ ta, ə́ pələ ɓo ə́ liiɓa nuą diɛ, yɛ diɛ: Ŋą́ą́ kpɔnmąą tɛɛ kulaa ta pɔ, ŋą́ą́ nwɔ́ lɔi hu laŋąlon da hvaŋą tɛ.

Levetekɔ 10:7

Ka wɛi, mąą hvo nɛ̨ɛ̨li ka hvo həɠə gee kaa kələ laaləi; ə gɛ ka hvo pa haa, mąąhɔlɔɓo, daa Yai-Laa nwɔ wulɔ mąąhəɠɛɛi hiɛ kaa.» Bələi tii Moisə ə mo la, di gɛ tii.

Lɛɛ gbɔwɔ ɓa 28:41

Ə́ ɉəɠəɠaa tii kɛ ə́ liɛ Aarɔn da lonnii diɛ, ə́ nwulɔ mąą həɠɛɛ hiɛ diɛ, ə́ ɉaláá kulaa mąą laa tɛɛ di pɔ, ə́ di hee a nwɔ́ haláá laa həli nuą.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Levetekɔ 21:12

Hvo mąą kwɛa gɛɛnąą mąąhəɠɛɛ ɓa, hvo pa nəi nwɔ Yálái nwɔ kɛɛnąą mąąhəɠɛɛi laapu; Mąąhɔlɔɓo, Yálá nwɔ wulɔ mąąhəɠɛɛ ɓə di ɉiɛ mą; Ɲą́ą́ gáá a Yai-Laa.

Zakari 4:14

Yɛ mą́ą́: «Nu hveelɛi nwulɔ mɛ̨nį nwun na, di ɓo tɔɔni lɔi pilɛɛ gee mɛ̨i Nąmu lííla, diɛ li.»

Lɛɛ gbɔwɔ ɓa 40:13

Ə́ ɉaláá kulɔ həɠəɠaa too Aarɔn kwąną, ə́ nwulɔ ta hiɛ mą, ə́ naakwɛlanmo, ə kɛ nwɔ́ kólói ɓa.

Levetekɔ 7:35

Aarɔn da nonnii di wɛi ka tii Yai-Laa nwɔ haláá kɔ̨nɔ̨nŋąąi hu, ə həɠə kpɔ ɲələi da di tɔɔ la Yai-Laa nwɔ kólói ɓa, ɉaláá kulɔ mɛ̨nį ɓa.