Lɛɛ gbɔwɔ ɓa 29:38 - Yálá laawoo hɛɓɛ (dc)

³⁸ «Ɉɛnŋąąi nwɔ̨nɔ̨ mąąnɛ̨ɛ̨ ə́ di kulɔ a haláá, diɛ ka: kwɛlan dɔ̨nɔ̨ ɓɛlaa lon veelɛ həɠə, hvóló tɛitɛi kəlee.

Yálá laawoo hɛɓɛ

³⁸ «Ɉɛnŋąąi nwɔ̨nɔ̨ mąąnɛ̨ɛ̨ ə́ di kulɔ a haláá, diɛ ka: kwɛlan dɔ̨nɔ̨ ɓɛlaa lon veelɛ həɠə, hvóló tɛitɛi kəlee.

Bible

³⁸ “Zâlai ŋí ƃé fɛ̂ɛ í gula ŋ̀âla-ƃelei ma. Fɛ̂ɛ í kóraŋ tɔnɔ ƃala-lonii feerɛ kúla a sâla ŋ̀âla-teƃelei ŋá a ɣele kélee.

Lɛɛ gbɔwɔ ɓa 29:38 Referans Kwoze

Kɔlɔnikɔ Maa-ŋuŋ 16:40

əgɛ, diɛ haláá kulɔ Yai-Laa ɓa kpɛla bələi hvo kɛ mą, ɓɛi ŋɛ̨i da kɛ ɉaláá hɛn da gəlee kələn nąą. Diɛ gɛ tii a yələwala da yələwulii; əgɛ, mɛ̨nįi Yai-Laa ə Israɛlə tí la, nwɔ tɔ́n ɉɛɓɛ́i hu, diɛ gɛ.

Danîa 12:11

Ə həɠə volói ŋɛ̨i di hvo kɛa pai haláá kulɔi la Yálá ɓa a hvoló kəlee, ə həli volói di kaa pai mɛ̨nį kɔ́hɔɓoɔ kaai la ɉaláá kulɔi, hvóló waa tɔ̨nɔ̨ pulu nwun veelɛ yee mɛ̨inąąn (1290) ɓə pai kulɔi ɉu.

Kɔlɔnikɔ Veerɛi 31:3

Tɔɔmun ə kɛi gbɔ-kpɔɔ wali ta lɔ ɉaláá hɛn da gəlee kələn mąą mɛ̨nį hu ɲələwala pɔ da ɲələwulii nwɛi hu, ə mą kɛ, vįitɔɔ yələ nwɛi, ɲąnįn dɔɔ nįnɛ̨ da ɉɛli yələɠaa; yɛ bələi bɛ̨ɛ̨i la Yai-Laa ŋą tɔ́n ɉɛɓɛ́i hu.

Kɔlɔnikɔ Veerɛi 13:11

Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Kɔlɔnikɔ Veerɛi 2:4

Bɛlɛi gáá bɔ ŋį́ dɔɔ, a kɛ a pɛlɛ kɛnɛ̨; gbala ə tɔɔ, ku wɔɔ Yálái kɛnɛ̨i yálá kəlee ɓa.

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Ɛsdrasə 3:3

Bələi mąn di kɛi ɲɔw la di kwɛlɛ lɔi hu nuą diɛ, ɓɛi wɔlɔ ɉaláá kulɔi tii ə kɛ laa, nąą lɔ ɓə di dɔɔ laa. Di ɉaláá kulɔ laa Yai-Laa ɓa, a haláá hɛn yii da gəlee kələn, yələwala da yələwulii.

Piɛrə dɔlɔɔ 1:19

kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Hebreu 7:27

Nwɛi hvo yɛ ɉaláá laa həli nuą kpɛa-kpɛaa tɔlɔɔ tii kɛ, a diɛi, yələ ɓɔ pələ kəlee, hvo kɛli di di kpɔwɔ mąą haláá kulɔ, di hvo tɛɠa kɛ pai nɔi nuą mąą haláá kulɔi. Nwɛi ə gbɔwɔ kulɔ lɔ a haláá tanɔ̨n gbən, gu mąą mɛ̨nį ɓa.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Danîa 9:21

Ɓɛlɔwai ŋą́ kɛi mɛ̨nįɠaai tii laa həli la, malaka Gabriɛlə tii ŋą́ gaa nwɔ́ hįi dɔlɔɔ hu, ə koon, ə lɛɠɛ mą́ą́ a mąąhulaa, ɓɛlɔwai ŋɛ̨i di kɛi yələwulii pɔ haláá kulɔ la.

Zɛnɛse 22:7

Isaakə ə nąn Abrahamə mąąnikɛ, yɛ mą: «Ną́n!» Abrahamə ə nwoo ŋąąpənə, yɛ mą: «Nón, yɛ́ lə?» Yɛ mą: «Nwɔ̨n gaa gu yəi, kwɛi yɛ ɓo gu yəi, kɛlaa, mɛlaa lon gu kaa lii gulɔi a haláá, gaa mį?»

Lɛɛ gbɔwɔ ɓa 40:29

Yili pulu, ə Yai-Laa mąąwiɛ haláá kulɔ kəhi hvilɛn gee kaa kələ laaləi, ə Yálá mąąwiɛ haláá kulɔ laa da Yálá kɔ́ halááɠaa, yɛ bələi Yai-Laa ə dí la.

Levetekɔ 3:5

Yili pulu, Aarɔn lonnii di gəlee kələn ɉaláá kulɔ kəhi mɛ̨i, ɉaláá hɛn tii a kɛ nwɔ̨n ɉu, gwɛi mɛ̨i, yili mɛ̨i pələ. Yili kaa a haláá mąą kun nɛ̨ɛ̨, yɛ Yai-Laa liilaa.

Levetekɔ 6:9

Gbəlii tii a lɛɛ, Aarɔn da nonnii da mį́i gee kaa kələ gwəli hąąi, di hva lɛɠɛ tɛ hɛn bu ɉu.

Lonon mo 29:6

Haláái da gəlee kələn ka gulɔ Yálá ɓa a ɲąnin dɔɔ pələ tɛitɛi kəlee, yili a kɛ laa a dee, da Yálá kɔ́ hɛn. Haláái da gəlee kələn ka káá pai kɛi gulɔi hvóló tɛitɛi yee mu, da ɉɛnŋąąi ka káá pai kɛi gɔ́i la, da nɔɔ, yili yaa kpɛli gulaai ɉu. Ka káá pai kɛi ɉalááɠaa tii kulɔi yɛ bələi di di kulɔ pələ mąą tɔ́nŋąą laa la. Kɔ̨nɔ̨n mąą kun nɛ̨ɛ̨li yɛ Yai-Laa liilaa.

Kɔlɔnikɔ Veerɛi 8:13

ə kɛi gulɔ yɛ bələi ɲələ tɛitɛi kəlee ŋą haláá kulɔ pələ ə kɛ la, a bələi Moisə ə mąą tɔ́n naa la. Vįitɔɔ yələɠaa nwɛi, ɲąnįn dɔɔ nįnɛ̨ɠaa, da ɉɛli yələɠaa; di kɛi gɛ gee mɛ̨i haaɓa kwɛlan dɛitɛi kəlee yee mu. Nɛɠɛi hvo tɛ li mąą hɛli, nɔwɔ mɛ̨ihveelɛ hɛli, da gələɠaa mąą hɛli.

Ɛsdrasə 3:5

Yili pulu, haláá hɛn yii da gəlee kələn, yii di kɛi gulɔ a kwɛlan gəlee, ɲąnin dɔɔ nįnɛ̨ mąą mɛ̨nį ɓa, di yili kɛ, da Yai-Laa mąąwiɛ hɛli kəlee, ə mą kɛ, a nuąi kɛi naagwəi mɛ̨inɛ̨ɛ̨ kɛ Yai-Laa ɓa.

Levetekɔ 9:17

Ə ɉaláá yii da gələn naa həli, ə da həɠə ɲee hvɛɛ, ə gələn ɉaláá kulɔi, bɛlɛɛ yələ wala pɔ haláá hɛn ma.

Kɔlɔnikɔ Veerɛi 2:3

ya ka, gáá bɔ ŋį́ pɛlɛ́ tɔɔ Yai-Laa nwɔ́ Yálái ɓa, ə kɛ a pɛlɛ mąąhəɠɛɛ, diɛ hɛn gunnɛ̨ɛ̨ɠaa kələn ɉii laa nií la, haláá hɛnŋąą di ɓo lɔ laani nií la a yələ kəlee da haláá hɛn da gəlee kələn yələwala da yələwulii, a túwɔ́ yələɠaa, ɲąnįn dɔɔ nįnɛ̨ɠaa da Yai-Laa ku wɔɔ Yálái nwɔ hɛli yələɠaa; yili kaa pai kɛi tii a yələ kəlee mɛ̨nį Israɛlə lɔi hu.

Kɔlɔnikɔ Veerɛi 29:7

Di ɲimɛ̨n mu pɛlɛ ni kəlee laa kpulu, di nabonŋąą luɠuun, di hvo kɛli kɛa lansan haláá kulɔ Yálá ɓa, ə mą kɛ haláá yii da gəlee kələn, di hvo kɛli da kulɔ ɉɛli pɛlɛ mu, Israɛlə nuą mąą mɛ̨nį ɓa.

Izikiɛ 46:13

Hvóló tɛi tɛi yeemu, yá haláá hɛn da gəlee kələn gulɔ, a kwɛlan dɔ̨nɔ̨ ɓɛlaa lon, kpɛɠii hva kɛ mą; mąąnɛ̨ɛ̨ ə gulɔ yələ wala pɔ tɛi tɛi, a Yai-Laa nwɔɔ.

Izikiɛ 46:15

Da gɔ a ɓɛlaa lon, di gɔ a wulɔ yələ wala pɔ tɛitɛi; a yələ kəlee mɛ̨nį.