Lɛɛ gbɔwɔ ɓa 29:33 - Yálá laawoo hɛɓɛ (dc)

³³ Yii di gɛ a nɛ̨nŋɛ̨n gbɛɛ haláái, ɓɛlɔwai da kɛ ɉaláá kulaa mąą laa tɛɛ la di pɔ, diɛ di hee a ɉaláá kulɔ nuą, da yili mįi. Nu takpɛli lɔpee hva da mįi, mąąhɔlɔɓo, hɛn mąąhəɠɛɛ li.

Yálá laawoo hɛɓɛ

³³ Yii di gɛ a nɛ̨nŋɛ̨n gbɛɛ haláái, ɓɛlɔwai da kɛ ɉaláá kulaa mąą laa tɛɛ la di pɔ, diɛ di hee a ɉaláá kulɔ nuą, da yili mįi. Nu takpɛli lɔpee hva da mįi, mąąhɔlɔɓo, hɛn mąąhəɠɛɛ li.

Bible

³³ Fɛ̂ɛ dí zãai míi nyii-ŋai dí tíi kɛ̀ a dîa dísɔnyɔ̂ŋ-ŋai su-mɛni lɛ́ɛ mɛni ma a dílɛ tãi da dísee tãi. Sâla láa-soŋ-ƃela nɔ́ ƃa mii-sɛŋ ŋí da m̀ii. Kpɛ́ni fêi, maa waâi.

Lɛɛ gbɔwɔ ɓa 29:33 Referans Kwoze

Lonon mo 18:4

Di kaa pai kɛi ə́ mąą kpɔnmąą ɓoi, diɛ gee kaa kələ mąą mɛ̨nį ɲɛ̨i kulɔ, a gələ́ mąą mɛ̨nįɠaa kəlee, nu takpɛli hva pɛlɛ kaa.

Korɛntə dɔlɔɔ 11:26

Hvo gaai, yələi lɔpee ka kɛli nɛɠɛ ŋɛ̨i mįi la, káá ka kpələ a gbələ kɔwɔi ŋɛ̨i, 'ká gu Nąmu haa mɛ̨nį laa həli, ə lɛɛ ɉu ə pənə ə pa.

Korɛntə dɔlɔɔ 11:24

ɛlɛɛ, gbɛɛ a Yálá hɛɠɛɛɓoɔ, ə ɉu yali, yɛ diɛ: «Yii kaa a gɔ́lɔ, yai a ká wɔɔ, 'ká yii kɛ káá ną́ą́ kili too la ká ɲą.»

Mąątɛ̨nɛ̨ 22:26

Yɛ́ ɓə ŋą́ ə́ tɛ̨nɛ̨, ɲąąkpɔn gbɛa-kpɛa hu! Mɛ̨nįɠaai ŋą́ di laakwɛlanmo, ŋą́ di kɛ ə́ ɲɔwmąą nuą ɲɛ̨i ɓa.

Lonon mo 18:7

Yɛ́ ka ə́ lonnii ɓə pai kɛi ɉaláá kulɔ kəhi ɓa, da ɉəɠə pɛlɛ́, gɛɛnąą mąąhəɠɛɛ mąą mɛ̨nį; ka nwuɔ̨ tiɛ̨ li. Ŋą́ą́ ɉaláá kulɔ mɛ̨nį mąą laa tɛɛ tii ka pɔ. Nui yili mąą laa hvo ɲəi, a lɛɠɛ laa a haa.»

Lonon mo 16:5

Yili pulu, yɛ Kore da bulu nuą kəlee diɛ: «Tínąą yələ wala pɔ, nui gaa a Yai-Laa nwɔ nu, yai mąąhəɠɛɛ yɛ pɛli lɛɠɛi mą, Yai-Laa a tinąą nɛ. Nui a nɛɛ laa yɛ lɛɠɛ mą, mąą nu ɓə a niiɓamun.

Lonon mo 3:38

Nuąi kɛ heeni gee kaa kələ voló həɠəi pələ, diɛ ɓaa kɛ a Moisə da Aarɔn lonnii, diɛ ɓə kɛi ɉaláá mɛ̨nįɠaa ɲɛ̨i kulɔ, Israɛlə lonnii kəlee mąą mɛ̨nį ɓa. Nui hvo kɛ a di ta, a lɛɠɛ laa da baa.

Lonon mo 3:10

'Gɛ a nɛlɛɛ, Aarɔn da nonnii diɛ tɔ̨nɔ̨ di kɛ lɔ a ɉaláá laa həli nuą; Nui lɔpee hvo a di ta, a lɛɠɛ laa, da baa.»

Lonon mo 1:51

Da kɛi li a gee kaa kələ, Levi lonnii ɓə da gboloon diɛ li la, da kɛi dɔɔ, diɛ ɓə da ɉee gee la. Nu takpɛli a lɛɠɛ mą, mąą nu a haa.

Lɛɛ gbɔwɔ ɓa 29:32

Aarɔn da nonnii di mɛlaa huwɔ mįi, da nɛɠɛ ti a kɛ gbɔlɔ hu ɉaláá kulɔi, da mįi gee kaa pɛlɛ laaləi.

Levetekɔ 1:4

Yai-Laa a ɲee hee mu, ə ɲee pɛlɛ daatɛlɛɛ nwuɔ̨, ə ɉɛatɔɔ mą, nwɔ nɛ̨ŋɛ̨n mąąhvaalɛɛ mɛ̨nį ɓa.

Levetekɔ 10:12

Moisə yɛ Aarɔn da nonnii yiiɠaai tii lɛɛ ɲəi, Eleazarə da Itamarə diɛ: «Ka Yai-Laa nwɔ haláá kɔ̨nɔ̨n kulɔ kɛa ɉaláá hɛn ɉui, gbəlii tii a lɛɛ, ka ɉəɠə, ka mįi a lɛɠɛi dɛ hɛn va kɛ ɉu, ɉaláá kulɔi kwɛlɛ; mąąhɔlɔɓo, mąąhəɠɛɛi kpɔ kpąą;