Lɛɛ gbɔwɔ ɓa 29:27 - Yálá laawoo hɛɓɛ (dc)

²⁷ «Mɛlaa kəŋəi ti ə́ naa həli, da mɛlaa wɛlɛi ti ə́ naa a dee, yá di laa a dee, gɔnwɔ̨nai ti di naa həli, nwɛlɛi di naa a dee, ɉee hɛn mɛ̨ni ɓa, ya ɓə a Aarɔn da nonnii di wɛi.

Yálá laawoo hɛɓɛ

²⁷ «Mɛlaa kəŋəi ti ə́ naa həli, da mɛlaa wɛlɛi ti ə́ naa a dee, yá di laa a dee, gɔnwɔ̨nai ti di naa həli, nwɛlɛi di naa a dee, ɉee hɛn mɛ̨ni ɓa, ya ɓə a Aarɔn da nonnii di wɛi.

Bible

²⁷ “Eelɔŋ da ǹônii see ƃalai keŋe lá sóŋ íyee ŋá a soŋ-yee-ŋa sala, da ŋ̀wɛ́rɛ nyii gáa zâla láa soŋ-ƃelai mɛni mai.

Lɛɛ gbɔwɔ ɓa 29:27 Referans Kwoze

Lonon mo 18:11

Mɛ̨inɛ̨ɛ̨ yii lɔpee Israɛlə lonnii da paa la, da yii lɔpee da gulɔ ɉaláá hɛnŋąą hu a nwɔ́ɔ́i, ə́ wɔɔ li nwɔ̨nɔ̨, gáá di tɛɛi ə́ pɔ ka ə́ lon ɉinąą, da ə́ lonnii nɛ̨ąą, a mɛ̨nį hva pɛli ɉəɠəi mą. Nui lɔpee a kɛ ə́ yəi bɛlɛ́n mąąhəɠɛɛ tɔ́n ɲəi, a pɛli mą ə da mįi.

Levetekɔ 10:15

Ɉuwɔ wəlai tii di gulɔ ɉu da gəŋən tii, nuąi tii ɉaláá hu hvɛli da pa a diɛ, da ɉuwɔ wulɔɠaai mąąnɛ̨ɛ̨ ə kələn, diɛ di laa həli a naa həli pələ Yai-Laa ɓa. Yili pulu, a lɛɛ a yɛ́ ka ə́ lonnii ka wɔɔ, a yii mąąnɛ̨ɛ̨ ə tɛɛ ka pɔ. Yələ kəlee mɛ̨nį li, Yai-Laa ɓə mo tii.»

Dutɛrɔnome 18:3

Hɛn pai kɛi a di wɔɔ, ya ɓaa pai kɛi a: Nįŋɛ̨ɠaa da mɛlaaɠaai Israɛlə lonnii da paa la a kɔ́ɓo hɛn, da da paai, ɲee, naakpaɠa, da gwəi hɛnŋąą; yili ɓə a di wɛi.

Hebreu 7:28

Dɔ́n nwɛi, ə kɛli, nu kanŋaai di mąą mɛ̨nį laa hvo kulɔ li, di hee a haláá laa həli mun gɛnɛ̨; Yálá kwɛla wooi lɛɛ dɔn nwoo pulu, ə Non ɉulɔnu kɛ a ɉaláá laa həli mun gɛnɛ̨ɛ̨ a yələ kəlee mɛ̨nį, ya ɓə mɛ̨nį kəlee pɔ mɛ̨nį kɛ, ə naa kulɔ kpɔ hva-hva.

Lonon mo 6:20

Ɉaláá laa həli mun a di laa həli Yai-Laa ɓa, a di laa həli pələ. Ɉaláá laa həli mun nwɔɔ li, bɛlɛɛ gəŋə ɓa, da ɉuwɔ nwɛlɛ yii gaa a nwɔɔ a bɔlɔ. Ə həɠə nąą lɔwai ɓa, ɉulɔnui tii a pɛli kɛa ə lɔɔ kpələ.

Levetekɔ 9:21

Aarɔn ə gəŋə hveelɛi da mamįiyee wəla həɠə ə nɛ Yai-Laa ɓa a naa həli pələ yɛ bələi Moisə ə mo la.

Levetekɔ 7:37

Haláá yii da kwɛli hvilɛn na Yálá ɓa, haláá yii da gəlee kələn, nɛ̨ŋɛ̨n mąą hvaalɛɛ haláá, nu pɔɔŋą pɛli haláá, ɉaláá kulɔ nuą hee haláá da liilaa haláá, di kulɔ pələ ka tii.

Lɛɛ gbɔwɔ ɓa 29:26

Ɉaláá kulɔ nuą hee ɓɛlaa hilɛi ti, yai ti a Aarɔn nwɔɔ, ə́ gəŋə həɠə, ə́ naa həli Yai-Laa ɓa, a haláá hɛn naa həli pələ. Yili a kɛ a ə́ wɛi.

Lɛɛ gbɔwɔ ɓa 29:28

A kɛ a Aarɔn da nonnii di wɔɔ, yili kaa a tɔ́n yii hva ɉəɠə mą a yələ kəlee, da ɉɔlɔɓo ti Israɛlə lonnii yəi, yili ɓə gaa a di wɔɔ, ɉaláá kulɔ pələ tɛitɛi kəlee hu. Aarɔn da nonnii di tɔɔi li, niilaa haláái da kɛ gulɔi Yai-Laa ɓa ɉu.

Levetekɔ 7:30

Yaa kpinįi ə pa a ɉaláá kɔ̨nɔ̨n, a Yai-Laa nwɔɔ. Ya ɓaa ɉuwɔ wulɔɠaai a pa a diɛ, ə bɛlɛ gəŋə ɓa; yɛ naa həli, yɛ bələi da naa həli la Yai-Laa ɓa.

Samuɛlə dɔlɔɔ 9:24

Nəɠi yili mun ə pa a ɉuwɔ wələ da nwon, ə naa Samuɛlə lííla, yɛ mą: «Yii di naa ə́ tɔwɔ, ya ka daa ɉee ə́ lííla, mįi, mąąhɔlɔɓo, di ɉee ə́ tɔwɔ kpɔlɔ yili mąą mɛ̨nį ɓa; ɓɛlɔwai di kɛ la mą́ą́: ‹Gáá galanɉonŋaa təlii.›» Samuɛlə da Saulə di di laa mįi gee ɓa a mąą yələ.