Lɛɛ gbɔwɔ ɓa 29:21 - Yálá laawoo hɛɓɛ (dc)

²¹ Ɲąmąi ti a lɛɛ ɉaláá taɓali mɛ̨i, ə da həɠə, da nwulɔ mąą həɠɛɛ, ə da taɠa Aarɔn da mąą həɠəɠaa diɛ, ə mą kɛ da nonnii da di mąą həɠəɠaa, a kɛ ti, di mąą a həɠə, Aarɔn da mąą həɠəɠaa, nonnii da di mąą həɠəɠaa.

Yálá laawoo hɛɓɛ

²¹ Ɲąmąi ti a lɛɛ ɉaláá taɓali mɛ̨i, ə da həɠə, da nwulɔ mąą həɠɛɛ, ə da taɠa Aarɔn da mąą həɠəɠaa diɛ, ə mą kɛ da nonnii da di mąą həɠəɠaa, a kɛ ti, di mąą a həɠə, Aarɔn da mąą həɠəɠaa, nonnii da di mąą həɠəɠaa.

Bible

²¹ Ŋãai gáa ŋ̀âla-teƃelei mai da siɣe í bù-ŋua ŋulɔi da siɣe í gbɛ́mɛŋ Eelɔŋ ma da ŋɔseɣei. Í da kpɛ́mɛŋ Eelɔŋ ǹônii dîa da díseɣe-ŋai. Bere sii ŋí ƃé ǹyaa da ǹônii é pɛ́lɛ díseɣe-ŋai dîa dímaa a pâi kɛ̂i la a ŋwaa.

Lɛɛ gbɔwɔ ɓa 29:21 Referans Kwoze

Hebreu 9:22

ɛlɛɛ, yɛ bələi dɔn ə mo la, ɲąmą ɓə da ɉɛn gəlee mąąhəɠə la, ɛlɛɛ akɛ ɲąmą a wala pu, nɛ̨ŋɛ̨n mąąhvaa hva lɛɛ.

Levetekɔ 8:30

Moisə ə nwulɔ mąąhəɠɛɛ ta həɠə, da ɲąmąi tii ɉaláá kulɔi, ə da taɠa Aarɔn ɓa da mąą həɠə, ə gɛ lɔ tii a nonnii diɛ kpɛli; bələ ɓə di Aarɔn da nonnii, da di mąą həɠəɠaa laakwɛlanmo la Yálá nwɔ kólói ɓa.

Lɛɛ gbɔwɔ ɓa 29:7

Ə́ nwulɔ mąąhəɠɛɛ həɠə, ə́ bu nwuɔ̨, ə́ mąątí a da.

Lɛɛ gbɔwɔ ɓa 29:1

«Bələi ə́ kaa pai gɛi la yɛ́ Aarɔn da nonnii di hee a nwɔ́ haláá laa həli nuą ə gɛ di lɛɛ lɔ kɛa nwɔ́ kólói hu, bələ ka: Nįŋɛ̨ hilɛ tɔ̨nɔ̨ həɠə da ɓɛlaa hilɛ hveelɛ, yii kpɛɠii hva kɛ diɛ.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Ɉaan 17:19

Di mąą mɛ̨nį ɓa, ŋą́ą́ gbɔ́wɔ́ mąąhəɠə, əgɛ, diɛ kpɛli di mąą ə həɠə tɛ̨ą hu.

Mąątɛ̨nɛ̨ 133:2

Gaa lɔ yɛ, mąątí wulɔ kun nɛ̨ɛ̨ a kɛ nu nwuɔ̨! Yɛ yɛɛ gbɛlɛ hu, yɛ yɛɛ Aarɔn kpɛlɛ hu, yɛ yɛɛ, nwɔ həɠəi kɔn bɔ.

Levetekɔ 14:29

Nwulɔ kpəlii a lɛɛ ɉaláá laa həli mun ɲee ɲą, a ɉiɛ nui di kaa mąą haláá kulɔi nwun ma, ə nɛ̨ŋɛ̨n mąąhvaalɛɛ kóló kɛ mą Yai-Laa lííla,

Lɛɛ gbɔwɔ ɓa 29:20

ə́ mɛlaa hilɛi ti nwun dee, ə ŋąmą ta həɠə, ə da hiɛ Aarɔn ɓa-mįi-yee wəli kpɛlɛ ɓa, ə mą kɛ nonnii wəli kpɛlɛ ɓa, da di ɓa-mįi-yee kpiɛ-ɉɛnɛ̨ ɓa, da di ɓa-mįi-yee kɔ́wɔ kpiɛ-ɉɛnɛ̨ ɓa; ə ŋąmą taɠa ɉaláá kulɔ taɓali ɓa nąą kəlee.

Lɛɛ gbɔwɔ ɓa 29:22

Mɛlaa huwɔ wulɔɠaa həɠə, nwon, nwulɔi ti a kɛ gwəi hɛnŋąą diɛ, ə́ ɲɛlɛ da gwəi kwɛni kɔ́w hveelɛi həɠə da nwulɔi a kɛ diɛ, da mamįiyee wɛlɛ, yili kaa a ɉaláá kulɔ nuą hee ɓɛlaa hilɛ.

Levetekɔ 8:23

Moisə ə nwun dee, ə ɲąmą həɠə, ə da hiɛ Aarɔn ɓa-mįi-yee wəli ɓa, ə mą kɛ mamįiyee kpiɛɉinɛ̨ ɓa, da mamįiyee kɔ́wɔ kpiɛɉinɛ̨ ɓa.

Levetekɔ 7:35

Aarɔn da nonnii di wɛi ka tii Yai-Laa nwɔ haláá kɔ̨nɔ̨nŋąąi hu, ə həɠə kpɔ ɲələi da di tɔɔ la Yai-Laa nwɔ kólói ɓa, ɉaláá kulɔ mɛ̨nį ɓa.