Lɛɛ gbɔwɔ ɓa 27:9 - Yálá laawoo hɛɓɛ (dc)

⁹ «Həɠə ɓɛla ta pɛli, ə́ bɛlɛ gala ɓa, ə yɛɛ nąą kəlee, ə gwəli ɲɛn dɔɔ. Da bala a yeekali walawala, ɉɛɠɛɛ pələ həɠə ɓɛla kwɛa yee a kɛ a yee laa mą nwun dɔ̨nɔ̨.

Yálá laawoo hɛɓɛ

⁹ «Həɠə ɓɛla ta pɛli, ə́ bɛlɛ gala ɓa, ə yɛɛ nąą kəlee, ə gwəli ɲɛn dɔɔ. Da bala a yeekali walawala, ɉɛɠɛɛ pələ həɠə ɓɛla kwɛa yee a kɛ a yee laa mą nwun dɔ̨nɔ̨.

Bible

⁹ “Siɣãŋ tínaŋ Bɛ́rɛi ma a seɣe. Zeɣei é kɛ́ a balaa a seɣe kole nɛnɛ-fɛfɛɛ lɛ́lɛɛ. Ŋɔkôya é kɛ́ a kɔ́ɔ-ƃɔlɔni buu lɔ́ɔlu bɛ́rɛ-ƃelai ŋɔseɣai perei ƃelai mâ.

Lɛɛ gbɔwɔ ɓa 27:9 Referans Kwoze

Izikiɛ 42:3

Ɓɛi nuą di kɛi tɔɔ laa, nąą nwɔ yee tɔɔɉu pow hveelɛi ɲɛ̨i tɔwɔ, ɛlɛɛ nuą tɔɔi yii ŋɛ̨i kɛ ɲɛnɛ̨ɛ̨ pələ mɛ̨i kɛɛ a pɔlɔ; gəlee nwolo ə kɛ ɉu gee mɛ̨i, ɉeɛ gee mɛ̨i haaɓa.

Izikiɛ 40:44

Gwɛlɛ pələ, bɛlɛ́ laaləi pulu, nwələ too nuą di wɔ pɛlɛ́ɠaai di kɛ laa; ɓɛi nuą di kɛi tɔɔ laa, gwəlii pələ. Bɛlɛɛ́ tɔ̨nɔ̨ ə kɛ ɲələi pələ kpon tənən ma, naa heɛ ɉɛɠɛɛ pələ; dɔ̨nɔ̨ ə ɓo ɉɛɠɛɛ pələ kpon tənən ma, naa heɛ ɲələi pələ.

Izikiɛ 40:32

Ɓɛi nuą da tɔɔ laa bɛlɛ́n bələ, kwa yaa ku lɔ laa, ku tɛɛ a voló ɓɛlai pələ pɛlɛ́ laaləi; ə bɛlɛ́ laaləi kɔ́ɔn, ə ɓo lɔ yɛ yiiɠaai tii.

Izikiɛ 40:28

Ɓɛi nuą da tɔɔ laa, bɛlɛ́n bələ, ə li laa a ɲą́ą́, ku tɛɛ a bɛlɛ́ laaləi tii kɛ ɉɛɠɛi pələ, ə nąą kɔ́ɔn, ə kɛ lɔ yɛ yiiɠaai tii.

Izikiɛ 40:23

Ɓɛi nuą da tɔɔ laa, kpon ə kɛ laa, ɲɛ̨i həɛ ɲánwuɔ̨ pələ pɛlɛ laaləi ɓa, lɔ yɛ voló ɓɛlai pələ nwɛi, ə həɠə bɛlɛ́ laaləi yii ɓa ə həli yii tii ɓa, ɉulɔnui tii ə nąą kɔ́ɔn, ə ɓo a yee tɔɔɉu nwun dɔ̨nɔ̨.

Izikiɛ 40:20

Bɛlɛ́ laaləi ɲɛ̨i həɛ ɲanwuɔ̨ pələ, ə yili kwəa yee da ɲąą kɛnɛ̨ yee di kɔ́ɔn, ɓɛi nuą da tɔɔ laa ɲɛ̨nɛ̨ɛ̨ pələ.

Izikiɛ 40:14

Ə ɲiman mu kɔ́ɔn, ə ɓo a yee tɔɔɉu pow mɛ̨ida, ɲiman ə kɛi nąą mąątinɛ̨n.

Mąątɛ̨nɛ̨ 116:19

Yai-Laa nwɔ pɛlɛ́i, gwəli hɛ̨ąɠaa, Ɉerusalɛmə taa, ə́ kwəi kpɔ kpɔɔ. 'Kánikookwəi!

Mąątɛ̨nɛ̨ 100:4

'Ka lɔ ɲəi bɛlɛ́ laaləi a ɉɛɠɛɛɓo wələɠaa, 'ka lɔ ɲəi gwəlii a mąątɛ̨nɛ̨ wələ nɛ̨ɛ̨ɠaa, 'ka ɉɛɠɛɛɓo, 'ka Naa tɛ!

Mąątɛ̨nɛ̨ 92:13

Tələnmomun a ɓɔn yɛ tow, a kɛnɛ̨ ɲeekɔ̨nwɔ̨n ɉu yɛ ɓɛlɛ yɛ Liban kpitili.

Mąątɛ̨nɛ̨ 84:10

Ee kə Yálá! 'Ə́ ɲɛ̨i kɛ ku mąą kɔ̨nwɔ̨ gbalai ɓa, Nui ŋɛ̨i Ə́ ɉəɠə ɉu ə́ dɔɔ wulɔ lɔ mą, Ə́ ɲɛ̨i lɛlɛɛ hee mą.

Kɔlɔnikɔ Veerɛi 33:5

Manase ə yələ kɔ́lɔn ɉu pɛmɛ̨lɛ̨n-gɔwɠaa kɔ́i pɛli Yai-Laa nwɔ pɛlɛ́i gwəli hɛ̨ąi hveelɛi ɓa.

Tɔɔɓɛlaa dɔlɔɔ 8:64

Mąą yələ, gwəli hąąi tii Yai-Laa nwɔ pɛlɛ́i lííla, tɔɔmun ə nąą mąąhəɠə, mąąhɔlɔɓo, nąą ɓə di ɉaláá hɛn da gəlee kələn da bɔnaa kulɔ halááɠaa kulɔ laa, ə mą kɛ, ɉuwɔ wulɔɠaa. Ɉaláá kulɔi tii kɛ Yai-Laa lííla a mala kwɛli, diikpɛi kɛ ɉalááɠaa tii mąą mɛ̨nį ɓa.

Tɔɔɓɛlaa dɔlɔɔ 6:36

Yili pulu, ə gala tɔɔ bɛlɛ́ ɓa a kwɛni mąąhaɠaa yɛli haaɓa, ə nwəli la laa a kpitili wulu ɓɛla.

Lɛɛ gbɔwɔ ɓa 40:8

Ə́ gwəli ɲɛn naa, ə́ həɠə ɓɛla hɛlɛn gwəli laaləi.

Lɛɛ gbɔwɔ ɓa 39:40

Gwəli mąą kpɛlaan ɉəɠə ɓɛlaɠaa, Nɔ̨nwɔ̨ɠaa, da di kɔ́wɔ hvilɛn ɉi, gwəli laaləi həɠə ɓɛla, da ɉɛlɛn ɉɛnŋąą, gbɔn nwuluɠaa, da góló kɛ hɛnŋąąi kɛ laa gee kaa kələ mu.

Lɛɛ gbɔwɔ ɓa 36:17

Di yɛli pow lɔɔli hɛlɛn ɉəɠə ɓɛla gbəliɠaa wəlila a ɲɛli pow lɔɔli, di veelɛnąą nwɛi kɛ ti nwɔ̨nɔ̨ pow lɔɔli.

Lɛɛ gbɔwɔ ɓa 27:10

Bələ tɔ̨nɔ̨ nwɔ wulu hɔlɔɔn bow hveelɛ da di hvilɛn ɉɛn bow hveelɛ, gəlee diɛ ɓo a ɓala kwɛli, gbonoɠaa da ɉəɠə ɓɛla lɔ kwɛli hɔlɔɔnŋąą diɛ ɓo a wali kwɛli.

Lɛɛ gbɔwɔ ɓa 35:17

ɉəɠə ɓɛlaɠaa da ɉɛlɛn ɉaláá kulɔi ɲɛ̨i tɔwɔ, nwulu, da ɉu hon nwuluɠaa, da ɉəɠə ɓɛlai a kɛ gala laaləi;

Lɛɛ gbɔwɔ ɓa 40:33

Ə gala tɔɔ bɛlɛ́ da ɉaláá kulɔi diɛ, ə doo gee hu, ə gala laaləi həɠə ɓɛlai hɛlɛn. Bələ ɓə Moisə ə ɲee laa kulɔ la.

Lonon mo 3:26

Gee kaa kələ mąą kwəli gala laaləi həɠə ɓɛla, da ɉəɠəi a ɉaláá kulɔi mąątinɛ̨n da ɲɛliɠaa kpɔ mąąnɛ̨ɛ̨ ə kɛ mą diɛ góló kɛ la.

Lonon mo 4:26

Ɉəɠə ɓɛlaɠaa tii da gwəli hąmąi pɛli la, da ɉəɠə ɓɛlai tii gwəli laaləi, yɛ bɛlɛ da gəhi di mɛ̨i, yɛ mąątinɛ̨n na, yɛ doo gee hu, da gbulɔn ɲɛliɠaa, da góló kɛ hɛnŋąą kəlee.

Lonon mo 4:32

Nwulu hɔlɔɔnŋąąi da gwəli tɔɔ la, da di kɔ́wɔ hvilɛn ɉɛnŋąą, da nwulu kpiɛɠaa, da gbulɔn ɲɛliɠaa, da góló kɛ hɛnŋąą kəlee. Ɉɛn mąąnɛ̨ɛ̨ nu tɛitɛi ə ɉəɠə, ka nɛ mą.

Kɔlɔnikɔ Veerɛi 4:9

Ə ɉaláá laa həli nuą yəi gwəlii kulɔ, ə kwəli hɛ̨ąi kɛnɛ̨ pɛli, da gwəli laa kpulu kponŋąą. Ə kwɛli kpɔlu hiɛ gbonŋąąi tii ɓa.

Izikiɛ 40:17

Ɓɛi nuą da tɔɔ laa ɲɛnɛ̨ɛ̨ pələ, ə li laa a ɲą́ą́, pɛlɛ́ɠaa di kɛ laa; mu laa, ɓɛi nuą da tɔɔ laa, di kɛ kpɔ nąą kwɛlɛ kəlee, di doo gee hu. Pɛlɛ́ pow haaɓa ə kɛ gɛɛnąąi tii ɓa.