Lɛɛ gbɔwɔ ɓa 25:37 - Yálá laawoo hɛɓɛ (dc)

³⁷ Ə́ wulɔ nwɔ̨n gbowo mɛ̨ihveelɛ pɛli, ə́ ɉee nwulɔ nwɔ̨n ɉee hɛn gɔn mɛ̨ihveelɛi tii nwuɔ̨, da kɛi lən, diɛ di tɔwɔ pələ pɔ̨nɔ̨.

Yálá laawoo hɛɓɛ

³⁷ Ə́ wulɔ nwɔ̨n gbowo mɛ̨ihveelɛ pɛli, ə́ ɉee nwulɔ nwɔ̨n ɉee hɛn gɔn mɛ̨ihveelɛi tii nwuɔ̨, da kɛi lən, diɛ di tɔwɔ pələ pɔ̨nɔ̨.

Bible

³⁷ Laŋpo lɔ́ɔlu mɛi feerɛ kpɛtɛ laŋpo see-wurii mɛni ma. Dísee ŋ̀á a gɛɛ dísoŋ a pɔ̂ri dúɛ-pere ponôi.

Lɛɛ gbɔwɔ ɓa 25:37 Referans Kwoze

Lonon mo 8:2

«'Mo Aarɔn ɓa, yɛ́ mą: Yá kɛi pa nwɔ̨n ɉee hɛnŋąą heei, di hee pələ ka: Nwɔ̨n ɉee hɛn mɛ̨ihveelɛi mąąnɛ̨ɛ̨ diɛ lən, di lən yɛ di tɔwɔ pɔ̨nɔ̨.»

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

M̀ɛni-lɛɛi 1:12

Ŋą́ tínɛ̨n, ə gɛ, nwooi tii kɛli bələ ɓo mą́ą́, ŋą́ gaa, ɛlɛɛ, tínɛ̨n ŋį́ mo, ŋą́ wulɔ nwɔ̨n ɉee hɛn mɛ̨ihveelɛ kaa, ə ɓo a hɛni;

Zakari 4:2

Ə mą́ą́ni kɛ, yɛ mą́ą́: «Lə ɓə ə́ kaa gaai?» Gɛ́ mą: «Gáá hɛn da kaai, nwɔ̨n ɉee hɛn da li, nąą kəlee kaa a hɛni; nwulɔ pui kaa ɲələi pələ. Nwɔ̨n gbowo mɛ̨ihveelɛ ə ɓo mɛ̨i, da ɉaláá mɛ̨ihveelɛ.

Kɔlɔnikɔ Veerɛi 13:11

Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Lɛɛ gbɔwɔ ɓa 27:21

Ɓɛi gu kaa pai kɛi gu kee kaai laa, ɉəɠə ɓɛla ŋɛ̨i hɛlɛn ni mįnɛ̨ kəhi lííla, mo Aarɔn da nonnii diɛ, di nwulɔ nwɔ̨n ɉee nííla yɛ lən, a yələwulii da yələwala, Yai-Laa lííla. Yili ɓə pai kɛi a Israɛlə lonnii di wɔ kóló, mąą hva hvalin, yɛ ɓo a yələ kəlee mɛ̨nį.

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Ɉaan 12:5

«Lə mɛ̨nį ɓa, yai di hvo kɛ nwulɔi ŋɛ̨i lɔwɔ́tɔɔ li a wali kwələ nwun ɉaaɓa, di dɛɛ yee hvowolo nuą pɔ?»

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Ɉaan 1:9

Nwoo tii, ə kɛ a kɛɛ pono kpɔ-kpɔɔ, yii pa yɛnɛ̨ɛ̨, ə gɛ, ə nu kəlee mąą pono.

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Maafîu 5:14

«Ka káá a yɛnɛ̨ɛ̨ kɛɛpono. Taa yii gaa tɔɔni yee tona, hva loo.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Hanwon 6:23

Mąąhɔlɔɓo, liɛwoo kaa yɛ labon, mɛ̨nįi da nu kalan na, gaa a kɛɛ pɔ̨nɔ̨. Kili nwɔ hutɔɔ wooɠaa kaa a yɛnɛ̨ɛ̨ kɛ hɛn.

Mąątɛ̨nɛ̨ 119:105

Ə́ laawoo kaa a nwɔ̨n nən, gɔ́wɔ mu, yɛ ɓo a kɛɛpono dɛ́ɛ́ pələ hu.

Lɛɛ gbɔwɔ ɓa 40:24

Ə́ nwulɔ nwɔ̨n ɉee hɛn vilɛn gee kaa kələ mu daɓali lííla, bɛlɛ́ ɉɛɠɛɛ pələ.

Lɛɛ gbɔwɔ ɓa 37:23

Di nwɔ̨n ɉee hɛn mɛ̨ihveelɛ pɛli da nwɔ̨n ɉəɠə hɛnŋąą, ə mą kɛ nuwu kələ hɛnŋąą; gəlee ə ɓo a hɛni huwaa hva-hva.

Lɛɛ gbɔwɔ ɓa 30:8

Aarɔn a pa nwulɔ nwɔ̨nŋąą təŋa yalii, yələwulii pɔ, a lansan kələn; gaa pai kɛi a hɛn gun nɛ̨ɛ̨ yii a kɛ a yələ kəlee mɛ̨nį Yai-Laa lííla.

Lɛɛ gbɔwɔ ɓa 25:38

Nwɔ̨n dəŋą yali hɛnŋąą da nwɔ̨n dəŋą pu hɛnŋąą, di kɛ a hɛni hu waa.

Lɛɛ gbɔwɔ ɓa 40:25

Ə́ nwulɔ nwɔ̨nŋąą tɔɔ, Yai-Laa lííla, yɛ bələi Yai-Laa ə dí la.

Lonon mo 4:9

Di bənə di həɠə ɓɛla kpɔluɔ mu tɛɠiɛ pɛlɛ nwulɔ nwɔ̨n ɉee hɛn mɛ̨i, yai a kɛ nąą pɔ̨nɔ̨i, nwɔ gbɛ̨ą pɛlɛɛɠaa da nuwu kələ hɛnŋąą, da nwulɔ pu hɛnɲaŋą, yii nuą da kɛ kóló kɛi la laa.

Kɔlɔnikɔ Veerɛi 4:20

nabon ɉee hɛnŋąą da nabonŋąą, diɛ lən bɛlɛ mąąhəɠɛɛ laaləi, yɛ bələi mąąnɛ̨ɛ̨ ə kɛ la; ə bɛli a hɛni huwaa.