Lɛɛ gbɔwɔ ɓa 25:30 - Yálá laawoo hɛɓɛ (dc)

³⁰ Ə́ gɔ́ lɛɠɛ kpinįnŋąą laa nííla a yələ kəlee, daɓalii ti ŋą.

Yálá laawoo hɛɓɛ

³⁰ Ə́ gɔ́ lɛɠɛ kpinįnŋąą laa nííla a yələ kəlee, daɓalii ti ŋą.

Bible

³⁰ Gbólo maa waai pú teƃelei ma ŋɛ́i-tuɛ a tãi kélee.”

Lɛɛ gbɔwɔ ɓa 25:30 Referans Kwoze

Maafîu 12:4

Di lɔ Yálá hee pɛlɛ́ mu, nɛɠɛ ŋɛ̨i kɛ naakwɛlanmoɔ Yálá ɓa, di ɉəɠə diɛ mį́i. Kɛlɛi gu wɔ tɔ́n yɛ: Ɉaláá laa həli nuą lɔ ɓə mąąnɛ̨ɛ̨ di yili mį́į́-e?

Lɛɛ gbɔwɔ ɓa 39:36

Nɛɠɛ laa taɓali da gwɛlɛ hɛnŋąą, ɛlɛɛ, da ɉaláá lɛɠɛ.

Malasi 1:12

Kɛlaa, ka wɛi, ka nwɔ́ kɛnɛ̨ laa hviiɓo, gɛ mɛ̨nį kaa kɛ diɛ: «Námu nwɔ haláá kulɔi ɓɛlɛ hvo mą, taatɛlɛɛ lɔpee a nɛ̨ɛ̨ nu ɓa, ya ɓə a gulɔ laa a haláá.»

Malasi 1:7

Kɔ̨nɔ̨n mąąliɓiɛ ɓə ka naa ɲə́i ɉaláá kulɔi. Ɛlɛɛ, kaa kɛ mą́ą́: ‹Kwa kɛ ɲɛ̨itɛ kulɔ pələ kɛi ləi a yɛ́?› Káá kpįnįi, káá nwɔ́ haláá kulɔi kɔ́hɔɓo.»

Kɔlɔnikɔ Veerɛi 13:11

Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Kɔlɔnikɔ Maa-ŋuŋ 23:29

Diɛ ɓə Yálá kɔ́ lɛɠɛ mɔ̨n mɛ̨nį kaa diɛ, Yálá kɔ́ lɛɠɛ hunwɔ̨, da nwɔ̨míi dɛ hɛn və ɉu, da nwɔ̨ míi huwu lɔpee. Diɛ ɓə kɛ ɉɛnŋąą kɔ́ɔn mɛ̨nį nwun na.

Kɔlɔnikɔ Maa-ŋuŋ 9:32

Levi lonnii taɠaai kɛ a Kehatə huwu hu nuą, diɛ ɓə kɛi Yálá kɔ́ lɛɠɛ mɔ̨n, yaai di kɛi naa həli a hvįįtɔɔ yələ tɛitɛi kəlee.

Samuɛlə dɔlɔɔ 21:6

Davidə yɛ ɉaláá laa həli mun ɓa: «Ee! Di nɛ̨ɛ̨nu tɔ́n dɔɔ kuɔ yɛ bələi da kɛ gɛi la a bɔlɔ-pɔlɔ, kwaa kɛi li kɔ́ ɓa. Ɉiɛ yii nwɛi, gaa a hiɛ kpɛli-kpɛli, kɛlaa, a tɛ̨ą, yii ɓaa mɛ̨nįi tii nwɛi, di mąąhəɠɛɛi ɉu.»

Lonon mo 4:7

Da Yálá kɔ́ taɓali mɛ̨i kpulu, a həɠə ɓɛla kpɔluɔ mu tɛɠiɛ, gbələ kɔ́ɔɠaa, gəgənŋąą nɔɔ pu hɛnŋąą, nɛɠɛi a kɛ daɓali tii mɛ̨i a yələ kəlee, da lɛɛ nąą.

Lɛɛ gbɔwɔ ɓa 35:13

Daɓali da gbəŋə wuluɠaa, gwɛlɛ hɛnŋąą kəlee da ɉaláá lɔpɛin.

Hebreu 9:2

Di həɠə pɛlɛ́ ta tɔɔ, yɛ ɓo ɉu hveelɛ, bələ tɔ̨nɔ̨ laa ɓa kɛ a: Gɛɛnąą mąąhəɠɛɛ. Nąą ɓə, nwulɔ nwɔ̨n ɉeɛ kɛ laa, da Yálá kɔ́ lɛɠɛ laa hɛn.

Lɛɛ gbɔwɔ ɓa 40:4

Ə́ pa a daɓali, ə́ vilɛn a vilɛn bələ, ə́ pa a nwulɔ nwɔ̨n ɉee hɛn, ə́ nwulɔ nwɔ̨n dɔɔ,

Lɛɛ gbɔwɔ ɓa 40:23

ə́ nɛɠɛɠaa laa gee kwɛlɛ, Yai-Laa lííla, yɛ bələi Yai-Laa ə dí la.

Samuɛlə dɔlɔɔ 21:4

Kɛlaa, lə ɓə ə́ yəi? Lɛɠɛ lɔɔli tɛɛ bɔ́; yii lɔpee a too ə́ yə́i, ə́ dɛɛ bɔ́.»

Tɔɔɓɛlaa dɔlɔɔ 7:48

Salomɔn ə Yai-Laa hee pɛlɛ́ mu hɛnŋąą kəlee kɛ. Ə ɉaláá kulɔi kɛ a hɛni, ə Yálá kɔ́i kɛ a hɛni, diɛ Yálá kɔ́ nɛɠɛ laa.

Kɔlɔnikɔ Veerɛi 2:4

Bɛlɛi gáá bɔ ŋį́ dɔɔ, a kɛ a pɛlɛ kɛnɛ̨; gbala ə tɔɔ, ku wɔɔ Yálái kɛnɛ̨i yálá kəlee ɓa.

Izikiɛ 41:22

haláá kulɔi, ə ɓo a wulu, mɛ̨i kwɛa yee ə ɓo a yee tɔɔɉu haaɓa, gwɛa yee ə ɓo a yee tɔɔɉu hveelɛ. Nwəli laɠaa di kɛ mą, gbonoɠaa di ɓo laa, di ɓo a wulu. Ɉulɔnui tii yɛ mą́ą́: «Ɉaláá konwolon Yai-Laa lííla, ya ka tii.»

Samuɛlə dɔlɔɔ 21:5

Ɉaláá laa həli mun yɛ Davidə ɓa: «Lɛɠɛ kpɛli-kpɛli hvo ɲəi, kɛlaa, ɉaláá lɛɠɛ ta kaa ɓɛ. Akɛ ə́ pɔ nuą di hvo ni lɛɠɛ li nɛ̨ąą diɛ.»

Kɔlɔnikɔ Veerɛi 2:3

ya ka, gáá bɔ ŋį́ pɛlɛ́ tɔɔ Yai-Laa nwɔ́ Yálái ɓa, ə kɛ a pɛlɛ mąąhəɠɛɛ, diɛ hɛn gunnɛ̨ɛ̨ɠaa kələn ɉii laa nií la, haláá hɛnŋąą di ɓo lɔ laani nií la a yələ kəlee da haláá hɛn da gəlee kələn yələwala da yələwulii, a túwɔ́ yələɠaa, ɲąnįn dɔɔ nįnɛ̨ɠaa da Yai-Laa ku wɔɔ Yálái nwɔ hɛli yələɠaa; yili kaa pai kɛi tii a yələ kəlee mɛ̨nį Israɛlə lɔi hu.