Lɛɛ gbɔwɔ ɓa 25:22 - Yálá laawoo hɛɓɛ (dc)

²² Nąą ɓə gu kaa pai kɛi gu kee kaai laa, ŋą́ kɛ gəhi laa kalan mɛ̨i, malaka hveelɛi tii mįnɛ̨ kəhi mɛ̨i di lɔwai. Mɛ̨nįɠaai gáá pai kɛi ə́ tí la, a Israɛlə lonnii mąą mɛ̨nį, gɛ́ di ɓo laa yɛ́.

Yálá laawoo hɛɓɛ

²² Nąą ɓə gu kaa pai kɛi gu kee kaai laa, ŋą́ kɛ gəhi laa kalan mɛ̨i, malaka hveelɛi tii mįnɛ̨ kəhi mɛ̨i di lɔwai. Mɛ̨nįɠaai gáá pai kɛi ə́ tí la, a Israɛlə lonnii mąą mɛ̨nį, gɛ́ di ɓo laa yɛ́.

Bible

²² Ŋa pâi ŋ́gbîŋ lɛ̂i naa yâ. Ŋa pâi lônoi ípɔ gãlai lá tɛ́-sɛŋ mɛi ŋ̀âla-taa kooŋ-sɛŋ pɔkɔɔŋ-ŋai loai é pîlaŋ ŋátɔ̂ŋ-ŋai kélee dîa ŋa pâi dɛɛ̂i ípɔ Eezuɛ-ŋai mɛni mai.”

Lɛɛ gbɔwɔ ɓa 25:22 Referans Kwoze

Lonon mo 7:89

Moisə ə lɔ kɛa gee kaa kələ mu, əgɛ da Yai-Laa di lono kɛ. Moisə ə kɛi nwoo mɛ̨n gəhi laa kalan mɛ̨i, mąąkpɛ malaka hveelɛ lɔwai. Gəhi laa kalan ə kɛ mįnɛ̨ kəhi mɛ̨i, ɛlɛɛ, Yai-Laa yɛ pələ ɓo Moisə ɓa.

Azaya 37:16

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ́i heenin mąąkpɛ malakaɠaa lɔwai, yɛ́ tanɔ̨n gbən ɓə ɓaa a yɛnɛ̨ɛ̨ tɔɔlaaɠaa kəlee di wɔ Yálá, yɛ́ ɓə yələ kɔ́lɔn da lɔi di pəli.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Tɔɔɓɛlaa veelɛ 19:15

Ə nwoo tɛ Yai-Laa ɓa, yɛ mą: «Yai-Laa, Israɛlə nwɔ Yálá, yɛ́i ə́ kaa heeni mąąkpɛ malakaɠaa nwun mɛ̨i, yɛ́ ɓə a lɔi kəlee nwɔ Yálá tɔ̨nɔ̨, yɛ́ ɓə yələkɔlɔn da lɔi di pɛli.

Samuɛlə dɔlɔɔ 4:4

Nɔi lonnii di nuą tɔɔ Silo də li di pa a Yai-Laa Mɛ̨nį Kəlee ŋą Hééɓomun nwɔ mįnɛ̨ kəhi, ə ɓo heeni, mąąkpɛ malakaɠaa nwun mɛ̨i, nwɔ mįnɛ̨ kəhii kwɛlɛ, Eli lonnii hveelɛi: Hɔfni da Pinasə di kɛ Yálá nwɔ mįnɛ̨ kəhii kwɛlɛ.

Lonon mo 17:4

Lansan kpowoɠaai tii pɛliɛi kɛ a kwɛli kpɔlu, diɛi kɛ nuąi kələn di yəi. Eleazarə ə di həɠə, di di yɔw a kwɛli ɓɛlaɠaa, di di pɛlɛ ɉaláá kulɔ kəhi ɓa.

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Samia Veerɛi 6:2

Davidə ə muhəɠə, ə hvilɛn bələ ɓa yɛ li, da nu kpului tii kɛ bɔi, di li Baale-Yehuda; ə gɛ di Yálá nwɔ mįnɛ̨ kəhii həɠə di paa la, yai Yai-Laa Mɛ̨nį Kəlee ŋą Hééɓomun laa kaa mą, yɛ ɓo heeni mąąkpɛ malakaɠaa nwun mɛ̨i.

Lɛɛ gbɔwɔ ɓa 30:36

Ya mɛla ɓo ɉu, ə́ bələ tɔ̨nɔ̨ hunwɔ̨ kpɔ kpə-kpə, ə́ da wolo kpɛŋɛ̨n mįnɛ̨ kəhi lííla, gee kaa kələ mu, da ɓɛi gu kaa pai kɛi gu kee kaai laa. A kɛ ka yəi a hɛn mąąhəɠɛɛ kpɔ hva-hva.

Lɛɛ gbɔwɔ ɓa 30:6

Ɉəɠə ɓɛlai ti a kɛ pɛlɛ ni mįnɛ̨ kəhi mɛ̨i, ɲɛ̨itɔwɔ ɓə ya vilɛn nąą, gəhi laakalan ɲɛ̨i tɔwɔ, ɓɛi ti ɲą́ą́ gwa yɛ́ gwa gu kee kaa laai.

Nwun mąąɓo 20:27

Di pənə di Yai-Laa mąąni kɛ, mąąhɔlɔɓo, Betɛlə ɓə Yálá nwɔ mįnɛ̨ kəhi ə kɛ laa,

Mąątɛ̨nɛ̨ 90:1

Yálá nwɔ nu Moisə nwɔ hvɛli woo. Nwɔ́ mɛ̨nį Nąmu Yálá, kwɛlan-nwoo kwɛlan, Yɛ́ lɔ ɓə a ku mąąkilɛi.

Levetekɔ 1:1

Yai-Laa ə lɛɛ gee kaa kələ mu yɛ Moisə ɓa:

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Lɛɛ gbɔwɔ ɓa 31:6

Ŋą́ą́ Ahisamakə lon Oholiavə hvilɛn bɔ a mąąkpɔn mąą ɓomun; gaa a Dan huwuhu mun da. Ɛlɛɛ ŋą́ą́ mɛ̨nį hu kpɛ kili tɛɛ gilimąą nuą tii dɛitɛi pɔ; Mɛ̨nįɠaa kpɔ tii ŋį́ ə́ tí la, diɛ pɛli gəlee kɛi. Mɛ̨nįɠaa tii ɓaa:

Lɛɛ gbɔwɔ ɓa 20:24

Ka nwɔ́ haláá kulɔi pɛli a pɔlɔ, kaa haláá kulɔ laa mą́ą́, a haláái da gəlee kələn, da ponaa kulɔ haláá, a ka wɔ taatɛlɛɛɠaai bɛlɛ-pɛlɛɛɠaa da gbɛa-kpɛaɠaa, ɓɛi lɔpee gáá pai hvaai mą, diɛ náá mąąwiɛ laa. Ŋą́ pa ka pɔ, gɛ́ lúwɔ́ too kaa.

Zɛnɛse 18:33

Ɓɛlɔwai Yai-Laa ə kpɛɛ la a nwooɠaai tii ɓoɔ Abrahamə ɓa, di di ɓɛlaɓo, Abrahamə yɛ pa ɲəi bɛlɛ́ laaləi.

Lɛɛ gbɔwɔ ɓa 27:21

Ɓɛi gu kaa pai kɛi gu kee kaai laa, ɉəɠə ɓɛla ŋɛ̨i hɛlɛn ni mįnɛ̨ kəhi lííla, mo Aarɔn da nonnii diɛ, di nwulɔ nwɔ̨n ɉee nííla yɛ lən, a yələwulii da yələwala, Yai-Laa lííla. Yili ɓə pai kɛi a Israɛlə lonnii di wɔ kóló, mąą hva hvalin, yɛ ɓo a yələ kəlee mɛ̨nį.

Kɔlɔnikɔ Maa-ŋuŋ 13:6

Davidə da Israɛlə nuą kəlee, di tɛ Baala Kiriatə-Yearimə yai kɛ Ɉuda lɔi hu; əgɛ, di Yálá nwɔ mįnɛ̨ kəhii həɠə, a gəhii Yai-Laa ə kɛ heeni mɛ̨i mąąkpɛ malakaɠaa pulu, ɓɛi di kɛi dəli laa a naa.

Mąątɛ̨nɛ̨ 80:2

Israɛlə mɛ̨i kaa mun, ə́ wəli tɔɔ, yɛ́i yá tɔɔ Ɉosɛfə huwu tənən dɔɔi yɛ taatɛlɛɛ mɛ̨ikaamun, yɛ́i heeni mąąkpɛ malakaɠaa mɛ̨i, ə́ kpɔwɔ lɛ.

Izikiɛ 43:6

Ɛlɛɛ ŋą́ nu woo mąn, yɛ hvaa bɔ́, nwoo yɛ kulɔ bɛlɛ́n bələ, nąąlɔwai, nui tii tɔɔ kɛ gwɛ́lɛ.