Lɛɛ gbɔwɔ ɓa 25:20 - Yálá laawoo hɛɓɛ (dc)

²⁰ Malakaɠaa koon ə kɛ a ɉaŋąą dɔɔ di mɛ̨i, diɛ di koonŋąą pɛlɛ gəhi laa kalan mɛ̨i; da kɛ a di tɔɔ di kee tənən ma, di ɲɛ̨i heɛ gəhi laa kalan mɛ̨i.

Yálá laawoo hɛɓɛ

²⁰ Malakaɠaa koon ə kɛ a ɉaŋąą dɔɔ di mɛ̨i, diɛ di koonŋąą pɛlɛ gəhi laa kalan mɛ̨i; da kɛ a di tɔɔ di kee tənən ma, di ɲɛ̨i heɛ gəhi laa kalan mɛ̨i.

Bible

²⁰ Bɔkɔɔŋ-ŋai koôŋ é sâla gãlai lá tɛ́-sɛŋ mɛi a gɛɛ dí mɛi pɛ́lɛ a díkoôŋ, díŋɛi páa díkîe-ni pɔ́-pere díkɛ gãlai lá tɛ́-sɛŋ kâa.

Lɛɛ gbɔwɔ ɓa 25:20 Referans Kwoze

Kɔlɔnikɔ Maa-ŋuŋ 28:18

Lencen kələn ɉii, ə kɛ a hɛni tee-tee da muwiɛ pələ, ə mą kɛ wotolo pɛli pələ, da mąąkpɛ malakaɠaai kɛ a hɛni, di koon ɉuhvoloon ŋąą, bɛlɛɛ Yai-Laa nwɔ mįnɛ̨ kəhii mɛ̨i.

Tɔɔɓɛlaa dɔlɔɔ 8:7

Mąąhɔlɔɓo, malakaɠaa koon ɉaŋąą kɛ ɓɛi mįnɛ̨ kəhi ə kɛ laa, diɛ mɛ̨i kpulu; ə mą kɛ da gwɛlɛ hɛnŋąą.

Hebreu 9:5

Mįnɛ̨-kon ti mɛ̨i, mąąkpɛ malaka mąą nįnįnŋaa di kɛ laa, yɛ Yálá mąąwiɛ pələ lɛ, di koon ɉɛlɛnŋąąi ɓɛi da kɛ nɛ̨ŋɛ̨n mąąhvaalɛɛ haláá kulɔi laa. Kɛlaa, mɛ̨nįɠaa ti hukulɔi lɔwai hvəə ni.

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Kolosə 2:10

Ɛlɛɛ, nui ŋɛ̨i a, hééɓolaa kəlee da huwalawalalaa kəlee, nąmu, ɉu ɓə kɛa, ká mąą mɛ̨nį kəlee ɲąą a pɛli laa.

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Korɛntə dɔlɔɔ 11:10

Malakaɠaa mąą mɛ̨nį ɓa, mąąnɛ̨ɛ̨ Nɛ̨ɛ̨nu ə ɓɔlɔ yili nwun ma, ə gɛ, ə nɛ yɛ diɛ gaa ɉilɛ woo mu.

Korɛntə dɔlɔɔ 4:9

Gbala ə tɔɔ, gíliŋąhiɛ pələ, Yálá aa ku too nuą kanŋaa ɲɛ̨i ɓa, a kuɔi ŋɛ̨i a ŋą tínuą, aa ku lɛɛ a nu gbəli, yɛ nuąi da di kiti tee, a di paa mɛ̨nį. Aa ku kɛ a yɛlɛkulɔ ɉu hɛn, yɛnɛ̨ɛ̨ ɲɛ̨i ɓa, malakaɠaa ɲɛ̨i ɓa da nu kanŋaa.

Ɉaan 1:51

Jesus ə pənə ə mo yɛ mą: «A tɛ̨ą kpɔ-kpɔ gáá moi kaa, ka káá pai kɛi yələkɔlɔn gaai naa ɓoɔ, Yálá nwɔ malakaɠaa diɛ tɛ diɛ yɛɛ Nu Lon mɛ̨i.»

Maafîu 24:31

Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Izikiɛ 28:14

Ə́ kɛ a mąąkpɛ malaka, yɛ́ lən; ŋą́ ə́ kɛ a nuą mąąkpɛ mun, ə́ kɛ Yálá nwɔ yéé mąąhəɠɛɛ nwuɔ̨, yɛ́ li, yɛ́ pa nwɔ̨n nən ɉąą.

Izikiɛ 1:20

Di kɛi ɉaŋa a pələi kili a kɛ kɛ bɔ ə di tənən dɔɔ la. Ɛlɛɛ, gɔwɔ kiliɠilin gɛɛɠaa tii di kɛi tɛ a gee. Mąąhɔlɔɓo, ɉɛn vulúmąąɠaai tii kili ə kɛ ɉɛn giliɠilin gɛɛɠaa hu.

Kɔlɔnikɔ Veerɛi 3:10

Ə malaka hveelɛ mąą nįnįn bɛli a kwɛli, yii ə bu, ə dɔɔ gɛɛnąą mąąhəɠɛɛ ɓa bɛlɛ́n bələ, ə hɛni hiɛ mą.

Lɛɛ gbɔwɔ ɓa 25:18

Ə́ mąąkpɛ malaka hveelɛ mąą nįnįn bɛli a hɛni, ə́ di hee gəhi laa kalan mɛ̨i bələ hveelɛi.

Zɛnɛse 28:12

Ə heen mo, ə goto ta kaa heen bələ, dɔɔ nɔi ɓa, gwɛa kpɔ, yɛ tɛ yələkɔlɔn ma. Ə Yálá nwɔ malakaɠaa kaa diɛ tɛ, diɛ yɛɛ gotoi tii ɓa.

Lɛɛ gbɔwɔ ɓa 25:19

Ə́ malaka tɔ̨nɔ̨ kɛ gəhi bələ tɔ̨nɔ̨, ə́ dɔ̨nɔ̨ kɛ bələ tɔ̨nɔ̨, ə́ di kanąn naa kalan ma.

Tɔɔɓɛlaa dɔlɔɔ 6:27

Salomɔn ə mąąkpɛ malaka hveelɛ tii tɔɔ bɛlɛ́ hąąi. Mąąkpɛ malaka hveelɛi tii koon ɉu haŋąą kɛ, di tɔɔ di kee tənən ma, di koon yɛ gee kaa bɛlɛ́ hąąi, gəlee hveelɛi nwɔ tɛitɛi yɛ hee bɛlɛ́ ɓa, ɓɛ pələ da ɓɛ pələ.

Tɔɔɓɛlaa dɔlɔɔ 6:23

Ə mąąkpɛ malaka hveelɛ pɛli a olivə wulu, di tɔɔmɛ̨i ə ɓo a yee laa mą pow.