Lɛɛ gbɔwɔ ɓa 24:7 - Yálá laawoo hɛɓɛ (dc)

⁷ Ə mįnɛ̨ hɛɓɛ́ həɠə, ə ɉu woo ɓo nɔi lonnii diɛ. Yiliɠaai diɛ mą: «Mɛ̨nįɠaai kpɔ Yai-Laa ə mo, kwa gəlee kɛ, ku lɛɛ gəlee pulu.»

Yálá laawoo hɛɓɛ

⁷ Ə mįnɛ̨ hɛɓɛ́ həɠə, ə ɉu woo ɓo nɔi lonnii diɛ. Yiliɠaai diɛ mą: «Mɛ̨nįɠaai kpɔ Yai-Laa ə mo, kwa gəlee kɛ, ku lɛɛ gəlee pulu.»

Bible

⁷ È Gbanaŋ-wooi maa kɔlɔi sìɣe é ǹóno ǹûai kélee dí mɛni. Nya ƃe dí mò dîyɛɛi, “Mɛni-ŋai kélee Yâwɛɛ è mòi kwa pâi gɛ̂i kú ŋ̀óo mɛni.”

Lɛɛ gbɔwɔ ɓa 24:7 Referans Kwoze

Tɛsalonikə dɔlɔɔ 5:27

Gáá ɉuhvɛlii káá gu Ną́mu nwɛi hu, gɛ́: di ɉɛɓɛ́i ŋɛ̨i hu woo ɓo nąn nonnii kəlee diɛ.

Kolosə 4:16

Ɓɛlɔwai ká ɉɛɓɛ́i ŋɛ̨i hɔlɔɓo la, ka galan, ka dɛɛ Laodise nuą pɔ di galan. Kaa kpɛli mąn, ɉɛɓɛ́ yii a həɠə Laodise pələ a pa ka pɔ, ka galan.

Gɛlaɠaa 13:15

Dɔ́n ɉɛɓɛ́ da Yálá kwəi mɛ̨nį hukulɔ nuą di wɔ hɛɓɛ́i ɓoɔ pulu, Yálá hvɛli pɛlɛ́ nwun nąmįną di nu tɔɔ di pɔ, diɛ kɛ diɛ: «Ku nąn nonnii, liɛwoo a kɛ ka la, káá kɛ ká mo nuą diɛ, bələ kaa ká yəi.»

Lɛɛ gbɔwɔ ɓa 19:8

Nu kpɔn gəlee ə nwoo mu hon a gee, diɛ mą: «Mɛ̨nįɠaai kpɔ Yai-Laa ə mo, ku kaa pai gəlee kɛi.» Moisə ə nuą woo laa həli Yai-Laa ɓa.

Zasua 24:24

Nuą diɛ Ɉosue ɓa: «Ku kaa pai tíi Yai-Laa ɓa, Yaai gaa a ku wɔ Yálá, ku lɛɛ nwoo mu.»

Tɔɔɓɛlaa dɔlɔɔ 8:9

Hɛn dakpɛli hvo kɛ mįnɛ̨ kəhi hu, hvo kɛ li lɔ gwɛni ɓɛla hveelɛi Moisə ə naa ɉu Horɛbə yee ɓa, ɓɛlɔwai Yálá da Israɛlə nu di mįnɛ̨ həɠə la di kulaa Eziptə lɔi hu.

Mąątɛ̨nɛ̨ 50:5

'Ka nwɔ́ tələnmo nuąi ɲąąkpɔn, a diɛi tii kwa diɛni ku ɲąmą mįnɛ̨ həɠəi.

Mąątɛ̨nɛ̨ 78:36

Kɛlaa, di kɛi mowo a di laaləi, di nɛ̨n yɛ lɛɛ kɛ mą.

Ɉeremi 34:13

«Yai-Laa Israɛlə nwɔ Yálái woo ka: Kwa ka nąnni ku woo ə laa mą, ku ɲąą yili, ɓɛlɔwai ŋį́ di kulɔ la Eziptə lɔi hu, nuwɔ pɛlɛ́ mu.

Ɉeremi 42:6

Ə lɛlɛ, ə ɲɔ̨nwɔ, kwa tí Yai-Laa woo ɓa, hvo gaai, kuɔ ɓə ə́ tɔɔ bɔ ku mąą mɛ̨nį ɓa. Bulu a lɛlɛ kuɔ, mąąhɔlɔɓo, ku kaa pai lɛɛi Yai-Laa ku wɔ Yálái woo mu.»

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Malasi 2:10

Akɛtii, ku kəlee ku nąn hvə mɔ̨ɔ̨ tanɔ̨n? Kɛlɛi ku pɛli Yálá kaa lɔ tanɔ̨n-ee? Akɛtii, lə mɛ̨nį ɓa, ku kwəi hvo kwələ li ku kee ɓa, ɛlɛɛ, mįnɛ̨i wɔlɔ Yálá da ku kalaɓɔlɔni di ɉəɠə, kuɔ gala?

Kɔlɔnikɔ Veerɛi 15:14

Di di woo kwɛlɛ Yai-Laa ɓa a di woo kɛnɛ̨ɛ̨, diɛ tulu hvɛɛ da nįŋɛ̨ mįnɛ̨ɠaa.