Lɛɛ gbɔwɔ ɓa 24:14 - Yálá laawoo hɛɓɛ (dc)

¹⁴ Yɛ galanɉonŋaa diɛ: «Ka ku mąąkpɔn ɓɛ, ə lɛɛ ɉu ku pənə ku pa. Aarɔn da Hurə di kaa ka pɔ, nui mɛ̨nį a gaa, ə mo diɛ.»

Yálá laawoo hɛɓɛ

¹⁴ Yɛ galanɉonŋaa diɛ: «Ka ku mąąkpɔn ɓɛ, ə lɛɛ ɉu ku pənə ku pa. Aarɔn da Hurə di kaa ka pɔ, nui mɛ̨nį a gaa, ə mo diɛ.»

Bible

¹⁴ Mose è mò ǹúu pɔlɔ-ŋai dîa ǹyɛɛi, “Ka kúmaa kpɛ́ŋ ƃɛ́ é lɛ́ɛ la zu kú pá pôlu. Eelɔŋ da Ɔ̂ɔ díkaa kákɔlɛ. Laa-saa à tèe kásama ka lí dípɔ.”

Lɛɛ gbɔwɔ ɓa 24:14 Referans Kwoze

Lɛɛ gbɔwɔ ɓa 17:12

Yii kɛa Moisə yeeɠaa hu ə haa kpɔ kɛnɛ̨, di kwɛni kpuwulu ta həɠə, di nɔ mu, ə hee mɛ̨i. Aarɔn da Hurə di di yee hee Moisə yeeɠaa mu, nu tɔ̨nɔ̨ ə lɛɛ ɓɛ pələ, dɔ̨nɔ̨ ə lɛɛ ɓɛ pələ. Bələ ɓə Moisə yeeɠaa di lɛɛ la a dɛɛ ɲələi, ə lɛɛ ɉu, hvóló kɔ́w ə too.

Lɛɛ gbɔwɔ ɓa 17:10

Ɉosue ə gɛ, yɛ bələi Moisə ə mo la mą, ə kulɔ yɛ li kɔ́ pɛlɛi Amalɛkə nuą diɛ. Moisə, da Aarɔn, da Hurə di tɛ ɲee tɔ́na.

Zɛnɛse 22:5

Ə mo nwɔ luwɔ hveelɛi tii diɛ, yɛ diɛ: «Ka lɛɛ ɓɛ ɲee kɔ́wɔ la, ɉoohvaalən gwɛlɛ, kwa nokoloi ŋɛ̨i ku kaa li ku kwɛli hvilɛn Yálá ɓa, ku pənə ku pa.»

Samuɛlə dɔlɔɔ 10:8

Ə́ kaa pai lii Gilgalə dɔ́wɔ, nwɛ́i, gáá pai pai, ə gɛ, ŋą́ liilaa haláá kulɔ Yálá ɓa, da haláá yii da gəlee kələn. Mą́ą́kpɔn naa hvóló mɛ̨ihveelɛ yee mu, ə lɛɛ la ɉu, ŋą́ pa ŋą́ ə́ kaa laa. Mɛ̨nįi mąąnɛ̨ɛ̨ ə́ gɛ, nąąlɔwai ɓə ŋą́ nɛ la yɛ́.»

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Lɛɛ gbɔwɔ ɓa 18:16

Mɛ̨nį ta a həli diɛ, da pa bɔ́, gɛ́ di lɔwai mɛ̨nį ɓo, ɛlɛɛ, gɛ́ Yálá lííɓa mɛ̨nį da nwɔ tɔ́n nwooɠaa lɛ diɛ.»