Lɛɛ gbɔwɔ ɓa 24:12 - Yálá laawoo hɛɓɛ (dc)

¹² Yai-Laa yɛ Moisə ɓa: «'Tɛ́ bɔ́ pələ, ɲee nwuɔ̨, ə́ lɛɛ laa ŋį́ gwɛni ɓɛlaɠaa tɛɛ ə́ pɔ. Diɛ ɓaa Dɔ́n nwoo da díɓoɠaai ŋį́ di pɛ̨ɛ̨, yɛ́ pɛli nuą mąąkwɛlii mą.»

Yálá laawoo hɛɓɛ

¹² Yai-Laa yɛ Moisə ɓa: «'Tɛ́ bɔ́ pələ, ɲee nwuɔ̨, ə́ lɛɛ laa ŋį́ gwɛni ɓɛlaɠaa tɛɛ ə́ pɔ. Diɛ ɓaa Dɔ́n nwoo da díɓoɠaai ŋį́ di pɛ̨ɛ̨, yɛ́ pɛli nuą mąąkwɛlii mą.»

Bible

¹² Yâwɛɛ è mò Mose ma ǹyɛɛi, “Tɛ́ ḿbɔ naa ǹyéei ma í maa kpɛ́ŋ naa. Ŋa pâi kɔni-ƃela-ŋa tɛɛ̂i ípɔ nyii-ŋai ŋá dɔ̂ŋ-ŋai pɔ̃yɛ dîa ǹûai téniŋ tɔɔ-mɛni mai.”

Lɛɛ gbɔwɔ ɓa 24:12 Referans Kwoze

Dutɛrɔnome 5:22

Yai-Laa ə mɛ̨nįɠaai ŋɛ̨i ɓo ka kəlee kaa, ka ɲąąkpɔnŋąą, ə kɛ ɲee nwuɔ̨ nwɔ̨n ɉąą nwɔ̨n nulu da tulɔ kpinįn ɉuwia hu, a nwoo kɛnɛ̨, ɛlɛɛ, hvo mɛ̨nį ta pɛlɛ mą. Ə di pɛ̨ɛ̨ kwɛni ɓɛla hveelɛ mɛ̨i, ə gwɛni ɓɛlaɠaai tii tɛɛ bɔ́.

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.

Korɛntə veelɛ 3:3

Gəlee ə mą kɛ, ka káá a hɛɓɛ́i Kristə ə bɛ̨ɛ̨, galihvaɓoɔ kuɔ, kuɔ naa həli; hvo pɛ̨ɛ̨ li a hɛɓɛ́-yá, kɛlaa, bɛ̨ɛ̨i a Yálá hvulúmąą ŋą Kilii yee pɔɔ, hvo pɛ̨ɛ̨ li kwɛni ɓɛla mɛ̨i, kɛlaa, bɛ̨ɛ̨i nuą kili pɔ.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Korɛntə veelɛ 3:7

Dɔ́n nwooɠaa tii pɛ̨ɛ̨i kɛ kwɛnį ɓɛla mɛ̨i, dɔn tii a nu paa, Moisə ɓə kɛ a ŋą tímun. Bələi mąn ə kɛ la tii, ə kɛli mąąwiɛlaa kɛnɛ̨ hɔlɔɓo ɲəi, mąąwiɛlaa tii ɓə kɛli Moisə ɲɛ̨ilai lən, Israɛlə lonnii di hvo kɛli pɛli di ɲai heei ɲɛ̨ilai, yá pa, hvo lamun mą,

Dutɛrɔnome 4:14

Ɛlɛɛ, Yai-Laa ə mo mą́ą́ nąąlɔwai, yɛ ŋį́ ka mąąkwɛli dɔ́nŋąą da díɓoɠaa diɛ, nɔi tii ka káá lii heei ɉu, kaa pɛli di hon ɉii laa.

Lɛɛ gbɔwɔ ɓa 24:18

Moisə ə lɔ dulɔ kpinįn ɉu, ə tɛ ɲee ɓa. Moisə ə lɛɛ ɲee hu hvóló pow nąąn da kpinį pow nąąn.

Lɛɛ gbɔwɔ ɓa 24:15

Moisə ə tɛ ɲee nwuɔ̨, dulɔ kpinįn ə pɛlɛ kɛa ɲee mɛ̨i.

Lɛɛ gbɔwɔ ɓa 24:2

Kɛlaa, Moisə yɛ́ tɔ̨nɔ̨ ɓə pai lɛɠɛi Yai-Laa ɓa. Yiiɠaai tii di hva lɛɠɛ laa, ɛlɛɛ, nu kpulu hvo lɛɛ ə́ pulu ka hvo tɛ.»

Maafîu 5:19

Yili ɓə gaa mą, nui a dɔ́n ŋɛ̨i nogolo kpɛli kala, əlɛɛ, yɛ nu takpɛliɠaa kalan a tɔ́n gala mɛ̨nį yɛ yaa, mąą nui tii ɓə di kaa pai kɛi mą: lokolo Yálá-taa tɔɔlaa hu. Kɛlaa, nui a dɔ́n ɉɔn, əlɛɛ, ya nu takpɛliɠaa kalan a dɔ́n ɉɔn mɛ̨nį yɛ yaa, ya ɓə di kaa pai kɛi mą: nu kɛnɛ̨ Yálá-taa tɔɔlaa hu.

Nehemi 9:13

Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Ɛsdrasə 7:10

Mąąhɔlɔɓo, Ɛsdrasə ə vaŋą lɔ Yai-Laa nwɔ tɔ́n kalan ŋąą ɓa, yɛ bɔ mɛ̨nį kɛ, ɛlɛɛ, yɛ ɉon bələ kalan Israɛlə lonnii diɛ.

Lɛɛ gbɔwɔ ɓa 34:1

Yai-Laa yɛ Moisə ɓa: «Kwɛni ɓɛla hveelɛ mąą haɠa yɛ́ kpinįi, yɛ bələi dɔlɔɔɠaa di kɛ la, nwooi lɔ tii kɛ dɔlɔɔ ɓa, diɛi tii ə́ di wolo, ŋį́ pənə ŋį́ bɛ̨ɛ̨.

Dutɛrɔnome 5:31

Ə́ wɛi, gwa yɛ́ gu lɛɛ ɓɛ, gáá díɓo kəlee lɛi yɛ́, dɔ́n nwooɠaa da nɔi hu yíi ɓo pələɠaa. Yá pənə yá li, yɛ́ nɛ diɛ; diɛ pɛli bɔ túwɔ́ ɓoi nɔi gáá dɛɛi di pɔ ɉu. Yai di kaa lii heei ɉu.»

Tɔɔɓɛlaa dɔlɔɔ 19:11

Yai-Laa nwɔ malaka yɛ Eli ɓa: «'Kulɔ ə́ li ə́ tɔɔ ɲee mɛ̨i, ə́ ə́ ɲɛ̨i kɛ Yai-Laa tɔwɔ, ə́ ə́ ɲɛ̨i hee Yai-Laa kaa pai tɛɛi.» Ɲąąɓa, tulɔ hvaŋą kɛnɛ̨ ta ə tɛɛ, vaŋa kɛnɛ̨ pələ, yɛ yee ɓɛla, yɛ kwɛniɠaa ɓɛla. Kɛlaa, Yai-Laa hvo kɛ vaŋąi tii hu. Vaŋąi tii tɛɛ pulu, lɔi ə kpɛlin kpɔ kɛnɛ̨, Yai-Laa hvo kɛ nɔi kpɛlin ŋąą tii hu.

Lɛɛ gbɔwɔ ɓa 19:3

Moisə nwɛi, ə tɛ, Yálá pɔ pələ da yaa di di kee kaa. Yai-Laa ə lɛɛ ɲee hu, ə Moisə təli, yɛ mą: «Mɛ̨nįɠaai ŋɛ̨i hukulɔ Ɉakɔbə yəi bɛlɛ́n nuą diɛ, ə́ díɓoi ŋɛ̨i laa həli Israɛlə lonnii diɛ, yɛ́ diɛ:

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Nehemi 9:14

Ə́i wɔ hvįįtɔɔ yələ mąąhəɠɛɛ lɛ diɛ, ə́ di hiɛ pələ lɛ diɛ da yɛnɛ̨ɛ̨ kɛ pələ, da ə́ wɔ tɔ́n. Ə́ wɔ kɛla Moisə pɔ pələ.

Mąątɛ̨nɛ̨ 19:12

Ə́ wɔ tímun yaa kpinįį a kili hɔlɔɓo ɉu, a ɲee kanąn a mo mą, a tɔ̨nɔ̨ hɔlɔɓo ɉu.