Lɛɛ gbɔwɔ ɓa 23:27 - Yálá laawoo hɛɓɛ (dc)

²⁷ «‹Gáá ka mąą tin dooi, nɔi ŋɛ̨i ka káá pai lii ɉu, nąą nuą hu ə pu diɛ, ka yowoɠaa da pu ka tɔwɔ.

Yálá laawoo hɛɓɛ

²⁷ «‹Gáá ka mąą tin dooi, nɔi ŋɛ̨i ka káá pai lii ɉu, nąą nuą hu ə pu diɛ, ka yowoɠaa da pu ka tɔwɔ.

Bible

²⁷ “Diai kélee da tɔ̂ɔ kâai ŋa pâi díkɛ̂i dí yao ḿâ. Diai kélee ka kɔ́ dípɔi, ŋa pâi díkili ŋá tɛ̂i. Ŋá kákpɔara-ƃelai kɛ́ dí pú ká tuɛ.

Lɛɛ gbɔwɔ ɓa 23:27 Referans Kwoze

Dutɛrɔnome 2:25

Ə həɠə háákələi ɓa, nu huwui kpɔ yələkɔlɔn mu, gáá ɲɔw lɔi di hu, di mąą yɛ kpɛlin ka ɲɛ̨itɔwɔ. Da kɛi pa ə́ laa pələ mɛ̨n ɉii, di kaa pai kɛi kpɛlin ɉi, di lii yɛ kpɛlin di kwəi.»

Zɛnɛse 35:5

Ɓɛlɔwai Ɉakɔbə da nwɔ nuąi di di tiɛ̨ həɠə la, diɛ li, Yálá ə ɲɔw kɛnɛ̨ too nɔi tii hu nuą hu, nu tɔ̨nɔ̨ kpɛli hvo hvilɛn di pulu.

Dutɛrɔnome 7:23

Ə mą kɛ tii Yai-Laa ka wɔ Yálái kaa pai nu huwuɠaa tii lɔi ka yee ŋą; ə ɲɔw kɛnɛ̨ too di hu, ə lɛɛ ɉu di kpɛɛ kpɔ tɛ̨ɛ̨tɛ̨ɛ̨.

Dutɛrɔnome 11:25

Nui lɔpee ta hvo pai tɔɔi ka la. Mąąhɔlɔɓo, Yai-Laa kaa pai gɛi nuą diɛ ɲɔw kaa kɛɛnąą kəlee ɓa, di mąą yɛ kpɛlin ka tɔwɔ yɛ bələi ə naakwɛlanmo la kaa.

Mąątɛ̨nɛ̨ 18:40

Yá ɉú wala wala, ə́ hvąŋą kɛ̨nɛ̨, kɔ́ kɔ́ mɛ̨nį ɓa, yá gɛ ɲówóɠaa diɛ pɛlɛ gɔ́wɔ mu.

Kɔlɔnikɔ Veerɛi 14:14

Ə mą kɛ, daatɛlɛɛ kumunŋąąi di gəlee hon, di taatɛlɛɛ pɛlɛɛɠaa hon gbɔ kɛnɛ̨ da Ɲɔ̨nwɔ̨mɛ̨ɛ̨ɠaa. Yili pulu, di pənə di pa Ɉerusalɛmə.

Tɔɔɓɛlaa veelɛ 7:6

Yai-Laa ə kɔ́ kɔ́ wotoloɠaa da hooɠaa tín dɔɔ Aramə nuą di wɔ kɔ́ɓuwui la, da kɔlaɠa kɛnɛ̨ tín. A ya ɓə, Aramə nuą da kɛ di kee ɓa: «Israɛlə tɔɔmun aa Hɛtə tɔɔmun, da Eziptə tɔɔmun di həɠə, diɛ pa pɛlɛi guɔ a kɔ́.»

Samuɛlə dɔlɔɔ 14:15

Nuą di ɲɔw, gɔ́ ɓuwu la, da ɲɛɛkɔwɔɠaa hu, ə mą kɛ nɔi kəlee hu, nuą tii kɛ bələ nwun na da nɔi huwolo nuą diɛ kpɛli, di ɲɔw kpɔ kɛnɛ̨, nɔi ə kpɛlin, Yai-Laa a nuą hu pu diɛ a ɲɔw.

Dutɛrɔnome 11:23

Yai-Laa kaa pai nu huwuɠaa tii kəlee hu kalai ka ɲɛ̨i tɔwɔ. A nu huwu kpulu kɛnɛ̨ɛ tii, di hvaŋą kɛnɛ̨ di tɛɛ kaa; ka káá pai di wɔ lɔi kulɔi di yəi.

Lɛɛ gbɔwɔ ɓa 33:2

Gáá pai malaka hvilɛn ɉi ka tɔwɔ, ŋį́ Kanaan nuą Amɔrə nuą Hɛtə nuą, Perizi nuą, Hivi nuą, da Ɉebusə nuą kpɛ ka tɔwɔ.

Samia Veerɛi 22:41

Yá ɲówoɠaa kpowola lɛ mą́ą́, Nuąi da tɔɔ ná, gɛ́ pɛli di hukalai.

Mąątɛ̨nɛ̨ 21:12

Da mɛ̨nį ɲɔ̨nwɔ̨ɔ̨ mąą kili tee di kwəi, yɛ hvilɛn na yɛ́, ɛlɛɛ, di mąn nɔgilii kɛ, di yee hva lɔ yɛ́.

Lɛɛ gbɔwɔ ɓa 34:24

Mąąhɔlɔɓo, ŋį́ nuą di wɔ lɔiɠaai kulɔi di yəi, gɛ́ ka wɔ lɔi hu kɛnɛ̨, nu hvo pai hɔlɔɓoi, yɛ ɲɛ̨i kulɔ ka wɔ lɔi pɔ, ɓɛlɔwai ka káá pai kɛi la Yai-Laa lííla gee mɛ̨i haaɓa kwɛlan dɔ̨nɔ̨ ɲee mu.

Lonon mo 22:3

Moabə taa kwəi ə pili mą, ɉu ə pu mą a ɲɔw, Israɛlə nuą kaai ə mo di kpulu hu kɛnɛ̨ɛ̨ mąą mɛ̨nį ɓa.

Dutɛrɔnome 6:19

Gaa pai ka yowoɠaa kəlee kpɛi ka tɔwɔ, yɛ di mąą kwɛa kaa. Bələ ɓə ə naakwɛlanmo la.