Lɛɛ gbɔwɔ ɓa 23:25 - Yálá laawoo hɛɓɛ (dc)

²⁵ Yai-Laa ka wɔ Yálái ɓə ka káá pai kɛi kwɛli hvilɛn ɉii mą, ka gɛ tii, gáá pai lúwɔ́ tooi ka kɔ̨nɔ̨n ma, da ka wɔ yáɠaai diɛ, gɛ́ ɲɔ̨n mąą kwɛa kaa.

Yálá laawoo hɛɓɛ

²⁵ Yai-Laa ka wɔ Yálái ɓə ka káá pai kɛi kwɛli hvilɛn ɉii mą, ka gɛ tii, gáá pai lúwɔ́ tooi ka kɔ̨nɔ̨n ma, da ka wɔ yáɠaai diɛ, gɛ́ ɲɔ̨n mąą kwɛa kaa.

Bible

²⁵ Ka ḿvɛli ǹyãai a Yâwɛɛ Káɣâlai. Ŋa pâi lûwa lâai kâa mii-sɛŋ mɛni ma da yá, ŋa kɔlɔ-fela sîi kélee kúla kásama.

Lɛɛ gbɔwɔ ɓa 23:25 Referans Kwoze

Dutɛrɔnome 7:15

Yai-Laa kaa pai ɲɔ̨n ɉuwui lɔpee gəlee mąą kwɛai kaa, mɛ̨nį ɲąąnwąnąą ɲɔ̨nwɔ̨ɔ̨ɠaa ka di kaa yɛ laa Eziptə nuą diɛ, hvo pai da laai kaa, gaa pai yiliɠaai laai nuąi da wɛli kpɛɛ mąą laa kulɔ a kaa diɛ.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Zasua 22:5

Yii lɔ kɛa ka káá gɛi, ya ɓaa: dɔ́nŋąą da bɔ liɛwooɠaa Yai-Laa nwɔ tímun Moisə ə dɛɛ ka pɔ, ka ɉon, ka bɔ mɛ̨nįɠaa kɛ. 'Ka kólo kɛ Yai-Laa ɓa a ka lii kəlee, da, ka yíi pələ kəlee hu, 'ka kanąn nwɔ tɔ́nŋąąi diɛ, 'ka naa hon mo a kwəi tɔ̨nɔ̨ laa.»

Azaya 33:24

Nɔi lon da hva kɛa kɛ diɛ: «Ɲɔn gaa mą́ą́.» Nuąi di kaa heeni Ɉerusalɛmə, di kɛ nɛ̨ŋɛ̨n gaa pai waai diɛ.

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Dutɛrɔnome 7:13

Gaa pai ka wɛli la kɛi yɛ lúwɔ́ too kaa, yɛ ka huwuhu ɓɛlɛ; gaa pai lúwɔ́ tooi ka kwəi lonnii diɛ. Ka kɛ kólóɠaa, ka wɔ lɔɔi, ka wɔ wulɔi, ka wɔ nįŋɛ̨ɠaa, ka wɔ ɓɛlaaɠaa da mooluɠaa, a lúwɔ́ too diɛ. Yili a kɛ tii nɔi tii ə naakwɛlanmo ka nąnni diɛ ɉu.

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Maafîu 4:10

Jesus ə nwoo ɲąąpənə yɛ mą: «Ɓilihi həɠə búlú! Mąąhɔlɔɓo, bɛ̨ɛ̨i Yálá laawoo hɛɓɛ́ hu, diɛ mą: ‹Kwɛli hvilɛn ə́ Ną́mu Yálá yaa kɔ́w tɔ̨nɔ̨ gbən ɓa, ə́ mąąwiɛ tɛɛ bɔ.›»

Samuɛlə dɔlɔɔ 12:20

Samuɛlə yɛ nɔi lonnii diɛ: Ka hvo ɲɔw, tɛ̨ą li kaa ɓə mɛ̨nį ɲɔ̨n ŋɛ̨i kəlee kɛ, ə mą kɛ tii, ka hvo ka pulu tinɛ̨n Yai-Laa ɓa, ka tí Yai-Laa ɓa kwəi tɔ̨nɔ̨ laa hu.

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Zasua 24:21

Israɛlə lonnii diɛ Ɉosue ɓa: «Kpələ! Ku kaa pai lɛɛ a ku kanąn ŋąą Yai-Laa ɓa.»

Dutɛrɔnome 13:4

Mąą hvo nɛ̨ɛ̨li, ka hvo ka wəli tɔɔ mɛ̨nį hukulɔ mun tii ɓa, a wala kɛ tii, ɉįi kaamun tii. Mąąhɔlɔɓo, Yai-Laa ka wɔ Yálá ka tii pai kɛi ka hukɔɔn ɉii, ə gɛ, ə ka káá a nuąi da Yai-Laa ka wɔ Yálái wɛlilakɛ a di kwəi tɔ̨nɔ̨, a di nwąnąi kpɔ-kpɔɔ.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Zasua 24:24

Nuą diɛ Ɉosue ɓa: «Ku kaa pai tíi Yai-Laa ɓa, Yaai gaa a ku wɔ Yálá, ku lɛɛ nwoo mu.»

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Samuɛlə dɔlɔɔ 12:24

Yii lɔ gaa mą a ɉaŋąą, ya ɓaa: Ka ɲɔw Yai-Laa ɓa, ka tí mą a ka kwəi kwɛlɛɛ a kilitɔɔmąąlaa, mąąhɔlɔɓo, aa gbɔwɔ lɛ kaa, yɛ gɛnɛ̨i.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Levetekɔ 11:44

Mąąhɔlɔɓo, ɲą́ą́ ɓə a Yai-Laa ka wɔ Yálá, mąąnɛ̨ɛ̨ ka ka kpɔwɔ mąąhəɠə, mąąhɔlɔɓo, mą́ą́həɠɛɛi. Ka hvo ka mąąliɓi a ɉuwɔ pɛlɛɛɠaai tii da tala lɔi mɛ̨i.

Levetekɔ 26:3

«Ka lɛɛ nwɔ́ tɔ́nŋąąi pulu, ka ka yee kanąn nwɔ́ tíɓoɠaai diɛ, ka di pɔ túwɔ́ ɓo,

Danîa 1:15

Voló pow tii tɛɛ pulu, diɛ mun di yola di tɛɛ nuąi kɛi tɔɔmun ɲəi kɔ̨nɔ̨n mįi diɛ.