Lɛɛ gbɔwɔ ɓa 23:2 - Yálá laawoo hɛɓɛ (dc)

² Hvó hvilɛn mɛ̨nį ɲɔ̨n gɛ nuą kpulu pulu. Hvo ə́ laa too kiti mɛ̨nį hu, nu kpului tɛ̨ą hvo bɔ, hvo tɔɔ di pulu.

Yálá laawoo hɛɓɛ

² Hvó hvilɛn mɛ̨nį ɲɔ̨n gɛ nuą kpulu pulu. Hvo ə́ laa too kiti mɛ̨nį hu, nu kpului tɛ̨ą hvo bɔ, hvo tɔɔ di pulu.

Bible

² Ífe fàa núu támaa wóo ma a gɛɛ í mɛni nyɔ́mɔɔ kɛ́ kpaa máŋ í wôya sere-faa-kɛ̀ nɔ́ a gɛɛ í núu támaa líi láa.

Lɛɛ gbɔwɔ ɓa 23:2 Referans Kwoze

Hanwon 1:15

Nón, ka diɛni ka hvo hiɛ gee pulu laa kɛ, ə́ mąą kwɛa di kpaalə ɓa.

Zôo 31:34

Gɛ́ yili kɛ mąąhɔlɔɓo, və́ laa li nuą woo la, gɛ ɲɔw pɛlɛ takpɛli mu nuą di wɔ ɓɛlɛkpɛɛ mąą ɓa, gɛ́ pɛli náá pilɛi, yii vá kulɔ ɲə́i bɛlɛ́n.

Dutɛrɔnome 1:17

Ka hvo kiti tee a ɲɛ̨i kɔ́lɔn. Ka lokolo woo mɛ̨n nɔ yɛ bələi ka nu kɛnɛ̨ woo mɛ̨n na. Ka hvo ɲɔw nu ta ɓa. Mąąhɔlɔɓo, kiti mɛ̨nį kaa a Yálá yəi mɛ̨nį. Mɛ̨nį ta a walawala ka yəi, ka ɉukulɔ lɔ mą́ą́, ŋį́ gbaɠala kaa.»

Markə 15:15

Pilatə ə kɛ bɔ ə nu kpului tii kwəinɛ̨ɛ̨, ya ɓə gɛ ə Barabasə kulɔ gaho ŋą; ə mo di Jesus kɛlɛ a kwɛli hvaɠa, yili pulu, ə dɛɛ di pɔ, diɛ li gbanwoi kolɔwa ɓa.

Hanwon 4:14

'Hvó nwąnąlɔ nuą pɔɔkɔɔn, 'hvó hvilɛn mɛ̨nį ɲɔ̨n gɛ nuą kpaalə hu.

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Gɛlaɠaa 25:9

Kɛi Fɛstusə ə mo bɔ ə Ɉuifəɠaa liihon, ə mo kɛa Polə ɓa, yɛ mą: «Ə́ kaa bɔ də li a yɛ́ Ɉerusalɛmə, di ə́ kiti tee laa ɲɛ̨́i ɓa?»

Gɛlaɠaa 24:27

Kwɛlan veelɛ kulaa ɉu, Porsiusə Fɛstusə ɓə Felisə mąąhvalin nɔi nwun nąmu laa hu. Kɛlaa kɛi Felisə ə mo bɔ ə Ɉuifəɠaa lii hon, ya ɓə gɛ, ə Polə lɛɛ gaho ŋą.

Ɉeremi 38:9

Yɛ mą: «Tɔɔmun! Ną́mu, mɛ̨nį ɲɔ̨nwɔ̨ɔ̨ ka ŋɛ̨i nuą ŋɛ̨i daa gɛ yɛ hvilɛn Yálá kwəi mɛ̨nį hukulɔ mun Ɉeremi ɓa. Daa bili ɲálɔwa hu, gaa pai haai nɔwai tii hu, kɔ̨nɔ̨ da hvo kɛa daa kwəi.»

Ɉeremi 37:21

Yili ɓə gɛ, tɔɔmun Sedesiasə ə mo, di Ɉeremi lɛɛ tɔɔmun mąąkpɛ nuą yəi gwəlii, ɛlɛɛ, diɛ lɛɠɛ kpinįn dɛɛ bɔ hvóló tɛitɛi yeemu, diɛ ɉəɠə nɛɠɛ kɛ nuą pɔɔli, ə lɛɛ ɉu, kɔnɔ̨n ə kpɛɛ daai. Bələ ɓə Ɉeremi ə lɛɛ la dɔɔ pɛlɛ́ mąąkpɛ nuą yəi gwəlii.

Ɉeremi 37:15

Nɔi ɲąąwooɓo nuą di di líiholi Ɉeremi pɔ, di gɛlɛ, di doo gaho ŋą; ɉɛɓɛ́ kɛ mun Yehonatan yəi góló kɛi, daa kɛ naa kɛ a gaho pɛlɛ́.

Mąątɛ̨nɛ̨ 72:2

Yɛ pɛli ə́ wɔ lɔi lonnii ɲąąwooɓoi la a tələnmolaa, ə mą kɛ mąąwɛli nuą, tɛ̨ą pələ mɛ̨i.

Levetekɔ 19:15

«'Hvó kiti tee a hulu, 'hvo tɔɔ nu ta pulu nwɔ mąąwɛlilaa ɓa, nu kɛnɛ̨ ta hvo ə kilimąą pənə, kɛlaa, nuą kiti tee a tələnmolaa.

Zɛnɛse 19:4

Nuą laa lɔwai hvo kpɛli ni kɛ ɉəli li, Sodomə daa hinąą di bɛlɛ́ mąątínɛ̨n, ə gɔwɔ tɔɔ hilɛlɛa diɛ ə həli la ɉulɔgoloɠaa diɛ, dɔ̨nɔ̨ kpɛli hvo lɛɛ pulu.

Zɛnɛse 6:12

Yálá ə ɲɛ̨i hee lɔi mɛ̨i, ə nąą kaa, nu tɔ̨nɔ̨ kpɛli hvo kɛi Yálá kwɛli, nu kəlee lii lɔɔ mɛ̨nį ɲɔ̨n ɉu diɛ gɛ.

Lomaŋ 1:32

Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Izikiɛ 9:9

Yɛ mą́ą́: «Israɛlə da Ɉuda nwɔ pɛlɛ́i di wɔ nɛ̨ŋɛ̨n kɛnɛ̨i naai və mą; nɔi laahvɛɛi a ɲąmą, daa laahvɛɛ a wea; mąąhɔlɔɓo da kɛ kɛi diɛ: ‹Yai-Laa aa ɓo nɔi ɓa, aa doo, hva kɛ kɛa mɛ̨nį ta kaai.›

Dutɛrɔnome 24:17

Ka hvo nwɛ̨ą, a wala kɛ tii təli lon nwɔ tɛ̨ą mɛ̨nį pili ɉu. Ka hvo galanin mąąhəɠə hon a tolaa.

Dutɛrɔnome 16:19

Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Zɛnɛse 7:1

Yai-Laa ə mo Noe ɓa yɛ mą: «'Lɔ gələn ɉu, yɛ́ ka ə́ yəi bɛlɛ́n nuą kəlee. Hvo gaai, ŋą́ą́ ə́ kaa ə́ ɓɛlaa lɔwai, ə́ tələnmoɔi ɲɛ̨́i ɓa.

Egaa 1:4

«Akɛtii, mɛ̨nį lɛlɛɛ ɓə tii ka káá gɛi, ka laa pɛlɛ́ lɛlɛɛɠaa mu, ɉéé pɛlɛ́ aa pu?

Samuɛlə dɔlɔɔ 15:9

Kɛlaa, Saulə da nwɔ nuąi di Agagə lɛɛ a vúlu; ə mą kɛ, daatɛlɛɛ kpɛa-kpɛa da bɛlɛɛɠaa, yiiɠaa kɛ di yolaa. Mɛlaa lonnii yiiɠaa kpɔ kɛ ɉu a nɛlɛɛ di hvo gɛ di hvo gəlee paa. Kɛlaa, yiiɠaa kɛ di kpala-kpalaa diɛ lɔ ɓə di di paa.

Hanwon 18:5

Mąą hvo nɛ̨ɛ̨li nu hvo tɔɔ nwąnąlɔmun bulu, hvo nu haŋąą nwɔ tɛ̨ą kpəlaan.

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.