Lɛɛ gbɔwɔ ɓa 23:19 - Yálá laawoo hɛɓɛ (dc)

¹⁹ Ka pa a ka wɔ hihɛn má dɔlɔɔ-tɔlɔɔɠaa Yai-Laa ka wɔ Yálái yəi bɛlɛ́n. Ka hvo ɓolu lon ɲili nee ɲįnįya hu.

Yálá laawoo hɛɓɛ

¹⁹ Ka pa a ka wɔ hihɛn má dɔlɔɔ-tɔlɔɔɠaa Yai-Laa ka wɔ Yálái yəi bɛlɛ́n. Ka hvo ɓolu lon ɲili nee ɲįnįya hu.

Bible

¹⁹ “Kási-sãai m̀á maa-ŋuŋ nyii ǹɛ̂lɛi ká pá la Yâwɛɛ Káɣâla ŋɔpɛ́rɛi mu. “Káfe ƃoli-loŋ ɣìli a ǹee ŋíni-ya.

Lɛɛ gbɔwɔ ɓa 23:19 Referans Kwoze

Lɛɛ gbɔwɔ ɓa 34:26

«Mąąnɛ̨ɛ̨ ka pa a ka wɔ lɔi hu wulu ɓá dɔlɔɔ Yai-Laa ka wɔ Yálá yəi bɛlɛ́n. Ka hvo ɓolu lon ɲili nee ŋįnįya hu.»

Dutɛrɔnome 14:21

Huwɔi lɔpee a haa gbɔwɔ ɓa, ka hvo mįi. Nwɛ̨ą a kɛ ka kɔ́wɔ mɛ̨i, ka dɛɛ bɔ, nwɛi a pɛli mįi; a wala kɛ tii nɔwɔtɔɔ tɛɛ nwɛ̨ą ɓa, mąąhɔlɔɓo, ka káá a nu huwui gaa a Yai-Laa ka wɔ Yálái nwɔ hɛn. Ka hvə ɓolu yili nee ɲįnįya hu.

Dutɛrɔnome 26:10

Yili mąą mɛ̨nį ɓa, yiihu kɛa, gáá Yai-Laa ku wɔ Yálái kɔ́i a nɔi ŋɛ̨i ə dɛɛ ku pɔ, ɉu hihɛn dɔlɔɔ-tɔlɔɔ.» Nui tii a yili ɓo tii, a pɛlɛ Yai-Laa lííla, yɛ kwɛli hvilɛn mą.

Nehemi 10:35

Kuɔ mąn, ɉaláá kulɔ nuą mąn, Levi huwuhu nuą, da nɔi nuą, yii hvilɛn na gwɛi mɛ̨nį ɓa, yaai mąąnɛ̨ɛ̨ di paa la a mɛ̨inɛ̨ɛ̨ guɔ Yálá yəi bɛlɛ́n, ku yeepulu kaa kɛ. Pɛlɛ́ tɛitɛi da nwɔ kuu, kwɛlan gəlee da nwɔ, diɛ pɛli bɛ̨ɛ̨ la dɔ́n ɉɛɓɛ́ hu.

Lɛɛ gbɔwɔ ɓa 22:29

«‹Bələ lɔ ɓə yá gɛ la a ə́ wɔ nįŋɛ̨ da ə́ wɔ ɓɛlaaɠaa, a lɛɛ nee pɔ hvóló mɛ̨ihveelɛ yee mu, voló mɛ̨ihaaɓa yələ, ə́ dɛɛ bɔ́.

Dutɛrɔnome 26:2

ka wɔ hihɛnŋąą má dɔlɔɔ-tɔlɔɔɠaa ka ɉɔlɔɓo nɔi tii hu, yai Yai-Laa ka wɔ Yálái ə dɛɛ ka pɔ, ka da həɠə ɉu ka gbili kɛ; ɓɛi Yai-Laa ka wɔ Yálái kaa pai ɲeekpiɛ lɛi laa, yɛ naa hee mą; ka li la laa.

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

Korɛntə dɔlɔɔ 15:20

Kɛlaa, kpaa-o! Hvo tii, Kristə ə nwun gbɔ haa yəi a tɛ̨ą leelee, yaa ɓə a nu dɔlɔɔ, yɛ kulɔ haa yəi.

Ɉeremi 10:3

Ɉɛn lɔi takpɛliɠaa da ɲɔw mą, hvo a hɛn da; wulu ɓə da li di bɔn lɔwɛi, yɛlɛ kɛ mun ə ɉaɠa,

Hanwon 12:10

Tələnmomun ə nwɔ taatɛlɛɛɠaai mąą kpaan gɔlɔn, Kɛlaa, nwąnąlɔ nuą kwəi ɲɔ̨nwɔ̨ɔ̨i diɛ.

Hanwon 3:9

Yai-Laa mąąwiɛ a ə́ hɔlɔɓo hɛn gɔwɠaa, a ə́ hɔlɔɓo hɛn nįnɛ̨ kɛi yá mo a gɔ́ hɛn;

Lɛɛ gbɔwɔ ɓa 22:28

«‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.

Lonon mo 15:21

Nɛɠɛ dɔlɔɔ mɔ̨n bələ ka yəi dɛitɛi kəlee, mąąnɛ̨ɛ̨ ka da həɠə ɉu a Yai-Laa nwɔɔ. Bələ ɓə mąąnɛ̨ɛ̨ kaa gɛ la a kwɛlan gəlee.

Nehemi 10:36

Kwa ku wɔ hihɛnŋąą nįnɛ̨ kulɔ, ku wɔ tíiɠaai, ku wɔ ɓawuluɠaa kwa gəlee nįnɛ̨ kulɔ Yai-Laa ɓa.

Izikiɛ 44:30

Hihɛn gəlee má tɔlɔɔ, hɛn lɔpee ka ɉəɠə taatɛlɛɛɠaa hu, ka kɛ kólóɠaa hu, ə kɛ a haláá hɛn lɔpee, ka dɛɛ ɉaláá laa həli mun bɔ; lúwɔ́ ə pɛli yɛɛi ə́ wɔ pɛlɛ́i mɛ̨i.

Izikiɛ 48:13

Levi lonnii diɛn, di wɔ lɔi a kɛ lɔ yɛ ɉaláá laahəli nuą di wɛi; a kwɛa a yee tɔɔɉu waa pow hveelɛ kɔ́w lɔɔli, goloon ɉu ə kɛ a yee tɔɔɉu waa pow, kɛɛnąą kəlee, gwɛa pələ a kɛ a yee tɔɔɉu waa pow kɔ́w lɔɔli, goloon ɉu ə kɛ a yee tɔɔɉu waa pow.

Izikiɛ 48:14

Mąą hvo nɛ̨ɛ̨li di hvo da lɔwɔ́tɔɔ, di hvo da mąąhvalin, di hvo da toláá hee, mąąhɔlɔɓo, gaa a Yai-Laa nwɔɔ.»