Lɛɛ gbɔwɔ ɓa 23:14 - Yálá laawoo hɛɓɛ (dc)

¹⁴ «‹Kwɛlan dɛitɛi yee mu, mąąnɛ̨ɛ̨ ka mą́ą́wiɛ hɛli pu a hɛli haaɓa.

Yálá laawoo hɛɓɛ

¹⁴ «‹Kwɛlan dɛitɛi yee mu, mąąnɛ̨ɛ̨ ka mą́ą́wiɛ hɛli pu a hɛli haaɓa.

Bible

¹⁴ “Ka kúu kɛ́ ḿâ saaƃa kóraŋ tɔnɔ su.

Lɛɛ gbɔwɔ ɓa 23:14 Referans Kwoze

Dutɛrɔnome 16:16

Kwɛlan dɛitɛi ye mu, hinąą kaa pai kɛi lii Yai-Laa ka wɔ Yálái lííla gee mɛ̨i haaɓa; gɛɛnąą tii gaa pai ɲeekpiɛ lɛi laa, ɓɛlɔwai ka káá pai kɛi lɛɠɛ yii dɛ hɛn və ɉu nwɔ hɛli pui la, da nɔwɔ mɛ̨ihveelɛ tɛɛ pulu hɛli, ɛlɛɛ, da gələ hɛli pu yələ. Nu ta lɔpee hvo kɛ gaa pai Yai-Laa ka wɔ Yálá lííla a ɲeehowolo.

Levetekɔ 23:34

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą tii nwɔ hvóló pow kɔ́w lɔɔli yələ ɓə gaa a ɉəɠə kələ hɛli, ka ɉɛlii tii pu hvóló mɛ̨ihveelɛ ye mu, kaa Yai-Laa mąąwiɛ la.

Levetekɔ 23:16

Nɔwɔ mɛ̨ihveelɛnąą kulaa ɲą ɓə a voló pow lɔɔli yələ; ka pɛli kɛa Yai-Laa kɔ́i a mɔ̨nun nįnɛ̨.

Levetekɔ 23:5

«Ɲąnin dɔlɔɔ nwɔ hvóló pow kɔ́w nąąn ɲələ, yələ wulii, Yai-Laa nwɔ pakə hɛli ka tii.

Lɛɛ gbɔwɔ ɓa 23:17

Gwɛlan dɛitɛi yee mu, nɔi nuą kəlee da pa di tɔɔ di Nąmu Yai-Laa lííla gee mɛ̨i haaɓa.

Levetekɔ 23:4

«Yai-Laa nwɔ hɛli kpɛa-kpɛai yiiɠaai mąąnɛ̨ɛ̨ ka ka ɲąąkpɔn na, kaa mąąwiɛ, diɛ ka:

Samuɛlə dɔlɔɔ 1:3

Kwɛlan ɉəli pələ kəlee, Ɛlkana ə kɛi həɓə bɔ taai yɛ li Silo daai, əgɛ, ə kwɛli hvilɛn Mɛ̨nį Kəlee ŋą Hééɓomun Yai-Laa ɓa, ə haláá kulɔ mą. Nuąi kɛ laa a Yai-Laa nwɔ haláá laa həli nuą, diɛ ɓaa; Eli lon ɉinąą hveelɛi; Hɔfni da Pinasə.

Tɔɔɓɛlaa dɔlɔɔ 9:25

Kwɛlan dɔ̨nɔ̨ yee mu, Salomɔn ə kɛi haláá kulɔ Yai-Laa ɓa gee mɛ̨i haaɓa: haláái da gəlee kələn, pɔnaa kulɔ haláá. Ə kɛi gəlee kɛ Yai-Laa lííla, yɛ lansan kələn ɉaláá kulɔi tii kɛ Yai-Laa lííla mɛ̨i. Bələ ɓə ə kɛi bɛlɛ́i tii tɔɔ mɛ̨nį nwun nɛ la.

Kɔlɔnikɔ Veerɛi 8:13

ə kɛi gulɔ yɛ bələi ɲələ tɛitɛi kəlee ŋą haláá kulɔ pələ ə kɛ la, a bələi Moisə ə mąą tɔ́n naa la. Vįitɔɔ yələɠaa nwɛi, ɲąnįn dɔɔ nįnɛ̨ɠaa, da ɉɛli yələɠaa; di kɛi gɛ gee mɛ̨i haaɓa kwɛlan dɛitɛi kəlee yee mu. Nɛɠɛi hvo tɛ li mąą hɛli, nɔwɔ mɛ̨ihveelɛ hɛli, da gələɠaa mąą hɛli.

Lɛɛ gbɔwɔ ɓa 34:17

«'Hvo Yálá mąą nįnįn bɛli.

Lɛɛ gbɔwɔ ɓa 34:18

«Ka ka yee kanąn lɛɠɛi dɛ hɛn və ɉu nwɔ hɛli ɓa. Hvóló mɛ̨ihveelɛ yee mu lɛɠɛi dɛ hɛn və ɉu, kaa mįi, yɛ bələi ŋą́ mo la kaa ŋą́ guu hee a Abibə ɲąnįn, mąąhɔlɔɓo, ɲąnįn tii ɓə ka kulɔ la Eziptə lɔi hu.

Dutɛrɔnome 16:1

Abibə ɲąnįn a tɔɔ, ka hvo lɛ̨ą, ka pakə hɛli pu Yai-Laa ka wɔ Yálái mąąwiɛ mɛ̨nį ɓa. Mąąhɔlɔɓo, Abibə ɲąnįn tii ɓə Yai-Laa ka wɔ Yálá ə ka kulɔ la Eziptə lɔi hu a kpinį.

Izikiɛ 46:9

Nɔi lonnii da pa Yai-Laa lííla a ɉɛli pu yələɠaa, yiiɠaai da lɔ a ɲələi pələ pɛlɛ laaləi pələ, diɛ kwɛli hvilɛn Yálá ɓa, da kulɔ ɉɛɠɛɛ pələ kpon gɛɛnąą. Nu hva yali bulu, yɛ kulɔ ɓɛ pələi ə lɔ la. Mąąnɛ̨ɛ̨ nu ə kulɔ a gbon tii ɲɛ̨i tɔwɔ pələi.