Lɛɛ gbɔwɔ ɓa 23:13 - Yálá laawoo hɛɓɛ (dc)

¹³ «‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.

Yálá laawoo hɛɓɛ

¹³ «‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.

Bible

¹³ “Ka káwoli tɔ́ɔ mɛni-ŋai kélee dîa ŋa m̀ó kâai. Káfe ɣâla da kpɛ́ni fɛ̀li. Káfe máŋ kpîŋ dílaa tòli.

Lɛɛ gbɔwɔ ɓa 23:13 Referans Kwoze

Zasua 23:7

Nu huwuɠaa ŋɛ̨i daa lɛɛ ka kwɛlɛ, 'ka hvo humun a di túwɔ́ pələ, 'ka hvo di wɔ haliɠaa hvɛli; 'ka hvo ka kwɛla a di wɔ haliɠaa ta laa, 'ka hvo mąąwiɛ tɛɛ di pɔ, 'ka hvo pɛlɛ di kɔ́wɔ mu.

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Osia 2:17

Yili pulu, gɛ́ pənə gɛ́ nwɔ tíiɠaai tɛɛ bɔ, gɛ́ Akɔrə lɔi kɛ a kilitɔɔmąą kpala tɔɔ lɔi. Gaa pai pənəi yɛ nwóó pulu pənə, yɛ bələi ə kɛli gɛ la a gbəla yələ, a ɓɛlɔwai ə kulɔ la Eziptə lɔi hu.

Dutɛrɔnome 12:3

Ka di wɔ hali kɔ́iɠaa wolo, ka di hvaa kwɛniɠaa huɓuwɔ, ka di hvaa wuluɠaa tee, ka di wɔ mąą nįnįn ɉaɠaaɠaa kələn, ka di pɔɔ kpɛɛ laa kpɔ tɛ̨ɛ̨tɛ̨ɛ̨.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Ifisiɛŋ 5:15

'Ká ká yíi pələ mąą kpɛɛ a nɛlɛɛ, 'ká hvo túwɔ́ yɛ kilikpɛɛɲəi-nuą, kɛlaa yɛ kilimąą nuą;

Ɉeremi 10:11

Mɛ̨nįi mąąnɛ̨ɛ̨ ka mo diɛ, ya ka, ka kɛ diɛ: Ɲáláɠaa di hvo yələkɔlɔn da lɔi di pɛli, mąąnɛ̨ɛ̨ di həɠə lɔi mɛ̨i; di kulɔ yələkɔlɔn mu.

Mąątɛ̨nɛ̨ 16:4

Kɛlaa, nuąi di kaa di nɛ̨ɛ̨i gwɛlii haliɠaa yəi, di kpɔwɔ kala mɛ̨nį ta lɔ ɓə di kaa bɛlɛi mą, a di mąą gilɛ həɠəi di moi. Kɛlaa, nwɛ́i, va kɛa di kɔ kpɛli a yələ ta. Di laa hva kpɛli kɛa tɛ ná.

Zasua 23:11

Ka gɛ kani a nɛlɛɛ ka mąą mɛ̨nį hu, ka Yai-Laa ka wɔ Yálá wɛli la kɛ.

Zasua 22:5

Yii lɔ kɛa ka káá gɛi, ya ɓaa: dɔ́nŋąą da bɔ liɛwooɠaa Yai-Laa nwɔ tímun Moisə ə dɛɛ ka pɔ, ka ɉon, ka bɔ mɛ̨nįɠaa kɛ. 'Ka kólo kɛ Yai-Laa ɓa a ka lii kəlee, da, ka yíi pələ kəlee hu, 'ka kanąn nwɔ tɔ́nŋąąi diɛ, 'ka naa hon mo a kwəi tɔ̨nɔ̨ laa.»

Ifisiɛŋ 5:12

Mɛ̨nįi nuą tii da gɛ loo pələi, bələ ɓoɔ kpɛli kpɛli kaa a nwumɛ̨ mɛ̨nį.

Mąątɛ̨nɛ̨ 39:1

Nwələ ɲɛ̨itɔwɔmun: Yedutun. Davidə nwɔ wələ.

Dutɛrɔnome 4:15

Ka ka kpɔwɔ hon a nɛlɛɛ, ka gɔlɔn kaa diɛ, ɲələi Yai-Laa ə kɛi mɛ̨nį ɓo la kaa nwɔ̨n nən ɉu Horɛbə yee nwuɔ̨, ka hvo hɛn nɔpee ta mąą nįnįn gaa nwɔ̨n nən tii hu.

Lonon mo 32:38

da Nebo, Baalə-Meɔn tɔɔ, di di laaɠaa mąąhvalin, di Sivma tɔɔ; di laa takpɛliɠaa hee diɛ.

Lɛɛ gbɔwɔ ɓa 23:24

Kɛlaa, mąą hvo nɛ̨ɛ̨li ka hvo kwɛli hvilɛn di wɔ haliɠaai diɛ, kaa tí diɛ. Mɛ̨nįɠaai nuąi tii da gɛ, ka hvo da kɛ. Kɛlaa yaamun, mąąnɛ̨ɛ̨ ka di wɔ haliɠaai kala, ka di wɔ haláá kulɔiɠaa wolo.

Lɛɛ gbɔwɔ ɓa 23:32

Ka diɛni ka hvo mįnɛ̨ həɠə, ə mą kɛ di wɔ haliɠaai.

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.