Lɛɛ gbɔwɔ ɓa 23:12 - Yálá laawoo hɛɓɛ (dc)

¹² «‹Hvoló mɛ̨ida yee mu, ə́ kɛ kóló kɛ. Kɛlaa, vóló mɛ̨ihveelɛ yələ, ə́ túwɔ́ ə́ ə́ hvįįtɔɔ, ə́ wɔ nįŋɛ̨i da ə́ wɔ hoohvaalən di di hviitɔɔi, ɛlɛɛ, ə́ wɔ luwɔ nɛ̨ą lon da nwɛ̨ą di di hvina kulɔ.

Yálá laawoo hɛɓɛ

¹² «‹Hvoló mɛ̨ida yee mu, ə́ kɛ kóló kɛ. Kɛlaa, vóló mɛ̨ihveelɛ yələ, ə́ túwɔ́ ə́ ə́ hvįįtɔɔ, ə́ wɔ nįŋɛ̨i da ə́ wɔ hoohvaalən di di hviitɔɔi, ɛlɛɛ, ə́ wɔ luwɔ nɛ̨ą lon da nwɛ̨ą di di hvina kulɔ.

Bible

¹² “Ítii-ŋai kɛ́ a fólo lɔ́ɔlu mɛi da. Í ífii tɔ́ɔ a mɛi feerɛ-ɣelei, a gɛɛ íniŋa-ŋai da íwɛlɛ-sôo-ŋai dí dífii tɔ́ɔ, íluɛ-ŋai da íŋɔ̃ya-ŋai dí tóo díkɔlɔ̂i.

Lɛɛ gbɔwɔ ɓa 23:12 Referans Kwoze

Lukə 13:14

Kɛlaa, Yálá hvɛli pɛlɛ́ nwun nąmu kwəi hvo nɛ̨ɛ̨ Jesus pɔ. Mąąhɔlɔɓo, aa kɛ nu ta kɔ́lɔi pono a vįitɔɔ yələ. Nu kpului tii kɛ laa, ə mo kɛa diɛ, yɛ diɛ: «Hvóló mɛ̨ida ɓə mąąnɛ̨ɛ̨ ku koló kɛ la, volóɠaa tii hu ɓə mąąnɛ̨ɛ̨ ka paa la di ka kɔ́lɔi pono. Mąą hvo nɛ̨ɛ̨li hvo kɛ a vįitɔɔ yələ.»

Lɛɛ gbɔwɔ ɓa 35:3

Ka hvo kɔ̨nɔ̨n ɲili nwɔ̨n ɉee ka yəi bɛlɛ́n a vįitɔɔ yələ, ɓɛi lɔpee ka kɛ laa.»

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Lɛɛ gbɔwɔ ɓa 34:21

«Ka kóló kɛ hvóló mɛ̨ida yee mu, mɛ̨ihveelɛ yələ, ka ka hvįįtɔɔ, ə kɛ a kɛɛ hįį lɔwai, ə kɛ a ɉihɛn gulɔ lɔwai, mąąnɛ̨ɛ̨ ka ka hvįįtɔɔ.

Markə 2:27

Jesus ə mo nwɔ̨nɔ̨ diɛ, yɛ diɛ: «Hvįįtɔɔ yələ ə pɛli lɔ nu mąą mɛ̨nį ɓa, nu hvo pɛli li hvįįtɔɔ yələ mąą mɛ̨nį ɓa.

Lɛɛ gbɔwɔ ɓa 16:23

Moisə yɛ diɛ: «Yai-Laa ɓə mo ti, tinąą ɓaa túwɔ́ hvoló, hvįįtɔɔ yələ li. Volói ti kaa a Yai-Laa nwɔɔ. Kɔ̨nɔ̨n mąąnɛ̨ɛ̨ ə mɔ̨n ka mɔ̨n, yii mąąnɛ̨ɛ̨ ə yili, ka ɲili. Gbəli a lɛɛ, ka ɉee a tinąą nwɔɔ.»

Lɛɛ gbɔwɔ ɓa 23:11

Kɛlaa, gwɛlan mɛ̨ihveelɛ lɔwai, ɉupaa, ə́ nɛɛ lɔ ti, ə́ wɔ lɔi hu yeehowolo nuą di gɛ a di kɔ̨nɔ̨n; yii da nɛɛ laa, lɔwɔ huwɔɠaa di mįi, gɛ lɔ ti a ə́ wɔ olivə yɛa da ə́ wɔ viɲə yɛa.

Lɛɛ gbɔwɔ ɓa 35:2

Hvoló mɛ̨ida yee mu, nuą da di mąą kóló kəlee kɛ, voló mɛ̨ihveelɛ yələ, a kɛ ka yəi a hvóló mąąwiaa, a Sabatə, a Yai-Laa nwɔ hvįįtɔɔ yələ. Nui lɔpee a kóló kɛ a mąą yələi, da baa.

Levetekɔ 23:3

«Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Nehemi 13:16

Yili pulu, Tirə nuąi kɛ heeni Ɉerusalɛmə daai, di kɛi pa a hɔ̨wɔ̨lee, da lɔwɔ tiɛ̨ huwui lɔpee gəlee diɛ nɔwɔtɔɔ Ɉuda nuą diɛ, a túwɔ́ lɔwɔ yələ.