Lɛɛ gbɔwɔ ɓa 22:24 - Yálá laawoo hɛɓɛ (dc)

²⁴ «‹Ya kwələ tɔɔ nɔi lon da ɓa, yɛ ɓo a yeehvowolomun, yai ka yaa ka káá ka kee pɔ, hvo kɛ mą: «Tɔ̨nɔ̨ laa mɛ̨i, yɛ́ və.»

Yálá laawoo hɛɓɛ

²⁴ «‹Ya kwələ tɔɔ nɔi lon da ɓa, yɛ ɓo a yeehvowolomun, yai ka yaa ka káá ka kee pɔ, hvo kɛ mą: «Tɔ̨nɔ̨ laa mɛ̨i, yɛ́ və.»

Bible

²⁴ gɛ̀ ní níi a pâi ŋwânai ŋá kápaa kɔ̂i, kánɛyâai dí lɛ́ɛ a pɔɔ-nɛyaa, kánîa-pɛlɛɛi dínâŋ-ni dífa ŋɔ́nɔ kɛ̀ mà.

Lɛɛ gbɔwɔ ɓa 22:24 Referans Kwoze

Mąątɛ̨nɛ̨ 109:9

Nonnii di lɛɛ a təlilɛa, nɛ̨ą ə lɛɛ a kalanin.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Woolaa 5:3

Kwaa lɛɛ a təlilɛaa, ku nannii hvo kuɔ ku leeni daa lɛɛ a galanin.

Mąątɛ̨nɛ̨ 69:24

Di ɲɛ̨i ə kpinį diɛ, di hvo kɛa pɛli kɛɛ kaai, di hvąŋą kulɔ di yəi, a yələ kəlee mɛ̨nį!

Hebreu 10:31

Mɛ̨nį kpɔlu ɓaa: Nu ya too Yálá hvulúmąą yee ŋą.

Lukə 6:38

Ka ka ɓɛlaa mąą kpaan gbɛɛ, Yálá a ka mąą kpaan gbɛɛ; gaa pai gɔwɔn ɉi ə mąą kpɛŋɛn ə gboloton dɔɔ, ə bu ka yəi ɉəɠə kpɔlɔ hu. Pələi lɔ ka káá mɛ̨inɛ̨ɛ̨ kɔ́ɔn ɉi la, kaa dɛɛ nuą pɔ, bələ kpɔlɔ ɓə Yálá kaa pai gɔwɔn ɉi la, yɛ dɛɛ ka pɔ.»

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Mąątɛ̨nɛ̨ 90:11

Gbɛɛ ɓə ə́ wɔ liiholii hvaŋą kɛnɛ̨ pələ kɔ́lɔn? Bələi lɔ nu a ɲɔw la yɛ́, bələ lɔ ɓə a ə́ wɔ liiholii kɔ́lɔn na.

Mąątɛ̨nɛ̨ 76:7

Ɉakɔbə nwɔ Yálái, tómąi ə́ mo, gɔ́ kɔ́ wotolo mąn, ɉoo mąn, di kanąn, di tɔɔi.

Zôo 31:23

A tɛ̨ą, Yálá nwɔ mɔ̨nɔ̨i aa mą́ą́ ɲɔw, Vá pɛli kɛ mɛ̨nį ta kɛi nwɔ kɛnɛ̨ laa lííla.

Mąątɛ̨nɛ̨ 109:2

Mąąhɔlɔɓo, nu ɓowo laaləi ɲɔ̨nwɔ̨ɔ̨ kaa tinɛ̨n ɉi a ɲą́ą́, di kaa lɛɛ wooɠaa ɓoi mą́ą́, a ɲąąhɛn nwooɠaa.

Levetekɔ 25:35

«Kwələ a kɛ ə́ kaayɔwɔ ta ɓa, hɛn da hvo ɲəi hvo gulɔ la, mąąnɛ̨ɛ̨ ə́ kpɔnmąą tɛɛ bɔ; ə kɛ a nwɛ̨ą, ə kɛ a nɔi lon da, yɛ pɛli nwɔ yɛnɛ̨ɛ̨ kɛi ə́ kwɛlɛ.

Levetekɔ 25:36

Hvo tɔ̨nɔ̨ kwɛli nwuɔ̨, hvo ə́ yee pənə ɉu, bələ ɓə mąąnɛ̨ɛ̨ ə́ ɲɔw la Yálá ɓa, ka ə́ kaayɔwɔ kaa pɛli ɲíi ɓoi la a nɛlɛ.

Dutɛrɔnome 23:20

Ka hvo kwələ tɔɔ ka kaayɔwɔ ta ɓa, a tɔ̨nɔ̨ kwɛli pələ ɉu. Ə kɛ a wali, ə kɛ a kɔ̨nɔ̨n, ə kɛ a hɛn nɔpee gəlee yii ka pɛli gwələ tɔɔi kaa tɔ̨nɔ̨ hɔlɔɓo ɉu.

Dutɛrɔnome 23:21

Ka kwələ tɔɔ nwɛ̨ą ɓa, ka kɛi gbɛ, ka tɔ̨nɔ̨ laa mɛ̨i. Kɛlaa, ka hvo gwələ taalə yili ta tɔɔ ka kaayɔwɔ ta ɓa. Ə gɛ Yai-Laa ka wɔ Yálá yɛ pɛli lúwɔ́ tooi ka kɛ kólóɠaa diɛ nɔi tii ka káá lɔi ɉu kaa hee laa.

Nehemi 5:7

Ŋą́ gaa, gɛ́ diɛ, mą nɛɛ ŋį́ haŋą kalanɉonŋąą da ɲɛ̨itɔwɔ nuą diɛ. Yili ɓə gɛ, ŋį́ mo diɛ, gɛ́ diɛ: «Tiɲɛ̨ wiaa ka ŋɛ̨i ka káá ɉeei ka kee nwuɔ̨.» Yili pulu, ŋį́ di kəlee di təli ŋąąkpɔn kɛnɛ̨ ɓa.

Mąątɛ̨nɛ̨ 15:5

Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi.