Lɛɛ gbɔwɔ ɓa 22:21 - Yálá laawoo hɛɓɛ (dc)

²¹ 'Hvo mɛ̨nį ɲɔ̨n naa kalanin da təlilon diɛ.

Yálá laawoo hɛɓɛ

²¹ 'Hvo mɛ̨nį ɲɔ̨n naa kalanin da təlilon diɛ.

Bible

²¹ “Káfe ŋɔ̃ya sòŋ a nyɔ́mɔɔ kpaa máŋ ká mɔ̃lɛ. Kpɛ́ni fêi, ká kɛ̀ a ŋɔ̃ya-ŋa Ize lɔii su.

Lɛɛ gbɔwɔ ɓa 22:21 Referans Kwoze

Dutɛrɔnome 10:19

Kaa kpɛli mąn, ka nwɛ̨ąą wɛli la kɛ. Mąąhɔlɔɓo, kaa ta kɛ a nwɛ̨ąą Eziptə lɔi hu.

Lɛɛ gbɔwɔ ɓa 23:9

«‹Hvó hee nwɛ̨ą mɛ̨i. Kaa kpinįi, mɛ̨nįi a laa nwɛ̨ą ɓa, ka gɔlɔn. Mąąhɔlɔɓo, kaa kpinįi ka kɛ a nwɛ̨ą Eziptə lɔi hu.

Levetekɔ 19:33

«Nwɛ̨ą a hee ə́ kɔ́wɔ mɛ̨i ə́ wɔ lɔi hu, ka hvo ka yee pənə ɉu.

Zakari 7:10

'Ka hvo ka yee pənə kalanin da təlilon di hu, ə mą kɛ, nwɛ̨ą, da yeehvowolomu. Nu ta hvo mɛ̨nį ɲɔ̨nwɔ̨ɔ̨ mąą kili tee gwəi yɛ hvilɛn na mɛlan gaalon ma.»

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Dutɛrɔnome 23:7

Ka hvə kpɔ kɛ ka káá ka ɲɛ̨i kulɔi di wɔ hɛn da pɔ, ə mą kɛ di wɔ yee la hvólóon naa ka wɔ yɛnɛ̨ɛ̨ kəlee hu.

Levetekɔ 25:35

«Kwələ a kɛ ə́ kaayɔwɔ ta ɓa, hɛn da hvo ɲəi hvo gulɔ la, mąąnɛ̨ɛ̨ ə́ kpɔnmąą tɛɛ bɔ; ə kɛ a nwɛ̨ą, ə kɛ a nɔi lon da, yɛ pɛli nwɔ yɛnɛ̨ɛ̨ kɛi ə́ kwɛlɛ.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Dutɛrɔnome 15:15

Mąąnɛ̨ɛ̨ ka ka kiliŋąhiɛ, kaa diɛ, ka kɛ a luwɔɠaa Eziptə lɔi hu, ɛlɛɛ, Yai-Laa ka wɔ Yálái ɓə ka nwun mąąɓo. Yili mąą mɛ̨nį ɓə gɛi, gɛ́ dɔ́nŋąą ŋɛ̨i tɛɛ la ka pɔ háákələi.

Levetekɔ 19:13

«Hvó ə yee pənə ə́ ɓɛlan gaa lon ɉu, hvo too mɛ̨i. Kóló kɛ mun vɛla hvo lɛɛ ə́ yəi yələ hvo ɓɔ.

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Dutɛrɔnome 1:16

Ya ɓə ŋį́ kɛ ka wɔ mɛ̨nįɓo-nuą diɛ: «Ka kaa pai kɛi ka wəli tɔɔi ka nąn nonnii woo ɓa. Kaa nuą lɔwai mɛ̨nįɠaa hutɔɔ a tɛ̨ą, ə mą kɛ nwɛ̨ąąi heeni ka kɔ́wɔ mɛ̨i.

Dutɛrɔnome 23:16

Luwɔ a pu Ną́mu ɓa yɛ pa mąąkilɛi ka pɔ, mąą hvo nɛ̨ɛ̨li ka hvo nɔ nąmu yee ŋą.

Dutɛrɔnome 27:19

«‹Nui a nwɛ̨ą, təlilon da galanən di wɔ tɛ̨ą mɛ̨nį pili ɉu! Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›

Mąątɛ̨nɛ̨ 146:9

Yai-Laa a nwɛ̨ąą mąąkɔ̨nwɔ̨, a ɲee hee təlilon da kalanin di mu. A mɛ̨nį ɲɔ̨n gɛmun dɛɛ kpaalə hu kala.

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Dutɛrɔnome 10:18

A təli lon da kalanen di wɔ tɛ̨ąą kulɔ pɔ̨nɔ̨ ŋą, a nwɛ̨ą wɛlila kɛ, yɛ kɔ̨nɔ̨n dɛɛ bɔ da həɠə.

Dutɛrɔnome 24:17

Ka hvo nwɛ̨ą, a wala kɛ tii təli lon nwɔ tɛ̨ą mɛ̨nį pili ɉu. Ka hvo galanin mąąhəɠə hon a tolaa.

Zôo 6:27

Ka lɛɛ kpɔ kɛa ɉu, kaa təlilon gɔ́ a kpɛɛ, kaa ka nɛ̨ɛ̨yɔwɔ lɔwɔ́tɔɔ.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.