Lɛɛ gbɔwɔ ɓa 22:19 - Yálá laawoo hɛɓɛ (dc)

¹⁹ «‹Nui a haláá kulɔ haliɠaa diɛ, akɛ Yai-Laa hvəi, da mąą nu paa.

Yálá laawoo hɛɓɛ

¹⁹ «‹Nui a haláá kulɔ haliɠaa diɛ, akɛ Yai-Laa hvəi, da mąą nu paa.

Bible

¹⁹ “Núui kélee à lɔ pɔ̂rɔŋ a fɛnɛ-sɛŋ, fɛ̂ɛ dí maa núui páa.

Lɛɛ gbɔwɔ ɓa 22:19 Referans Kwoze

Dutɛrɔnome 27:21

«‹Nui lɔpee a laa a huwɔ ta, Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›

Levetekɔ 18:23

«Hvó laa a taatɛlɛɛ ta; yá gɛ tii, tɔ́n a kɛ yɛ́. Nɛ̨ɛ̨nu ta hvo kɛ gaa gbɔwɔ tɛɛi taatɛlɛɛ ta pɔ, da yaa diɛ laa; yɛnɛ̨ɛ̨ həɠə mąą túwɔ́ li.

Levetekɔ 18:25

Nuą daa nɔi mąąliɓi, ŋą́ di hutɔɔ nwɔ nɛ̨ŋɛ̨n tii mąą mɛ̨nį ɓa. Yili ɓə gɛ nɔi yɛ ɲee kulɔ di mu.

Lɛɛ gbɔwɔ ɓa 20:3

«Yálá takpɛli hvo kɛ ka yəi, ə kulɔ Ɲą́ą́ búlú.

Lɛɛ gbɔwɔ ɓa 34:15

Ka nɔi tii hu nuą ka hvo yɛnɛ̨ɛ̨ pɛlɛ gee ɓa, da kɛi nei pa túwɔ́ pələ ɲɔ̨n gulɔi, diɛ haláá kulɔ di wɔ haliɠaai diɛ, da nei ka təli, kaa di wɔ haláá kɔ̨nɔ̨n ta mįi.

Levetekɔ 17:7

A kɛ ti di hva kɛa di wɔɔ taatɛlɛɛɠaa ta kulɔ a haláá ɲinɛ̨n ma yai a kɛ di ɲąątɔɔi a túwɔ́ pələ ɲɔ̨nŋąą. Yələ kəlee tɔ́n ga tii, a kwɛlan gəlee mɛ̨nį.

Lonon mo 25:1

Israɛlə ə hee Sitimə, nuą di gbala tɔɔ diɛ di yee lɔ wɛli mɛ̨nį hu, da Moabə nɛ̨ɛ̨lɛa.

Dutɛrɔnome 13:2

Akɛ nu ta a muhəɠə ka lɔwai yɛ kɛ diɛ Yálá kwəi mɛ̨nį hukulɔ mun ni, awala kɛ tii hįį kaamun; ə mą kɛ mɛ̨nį ɲɛ̨i kɛnɛ̨ ta ɓə, awala kɛ tii kpalo mɛ̨nį, ə nɛɛ kwɛala yɛ ɉukulɔ;

Dutɛrɔnome 13:16

mąąnɛ̨ɛ̨ ka daa tii hu nuą kəlee paa a ɓɔwa kwɛa, ka daa tii hu kala da ɉu hɛnŋąą kəlee, ə mą kɛ daatɛlɛɛɠaa, ka gəlee paa a ɓɔwa kwɛaa.

Dutɛrɔnome 17:2

Hulɔnu ta, a wala kɛ tii, nɛ̨ɛ̨nu ta a kɛ ka lɔwai, daaɠaa tii Yai-Laa ka wɔ Yálái kaa pai dɛɛi ka pɔ da hu, mɛ̨nįi ɲɔ̨nwɔ̨ɔ̨ Yai-Laa ka wɔ Yálái ɲɛ̨i ɓa, yɛ gɛ, a nwɔ mįnɛ̨i hukala pələ,

Dutɛrɔnome 17:5

ɉulɔnui tii, a wala kɛ tii, nɛ̨ɛ̨nui tii dúwɔ́ pələ ɲɔ̨n tii kulɔ, ka kulɔ la ɉįi pulu. Ə kɛ a hulɔnu-o, ə kɛ a nɛ̨ɛ̨nu-o, ka ɉɔɔ a kwɛni ə haa.

Tɔɔɓɛlaa veelɛ 23:20

Nuąi kɛ a haláá laa həli nuą di wɔ haláá kulɔiɠaa tii ɓa, Ɉosiasə ə gəlee paa laa, ə nu kɔ́wɠaa kələn nąą, yili pulu ə pənə ə pa Ɉerusalɛmə daai.

Kɔlɔnikɔ Veerɛi 15:13

Ɛlɛɛ, nuąi lɔpee hvo pai gɛi hvo hvilɛn Yai-Laa Israɛlə nwɔ Yálái pului, da baa; ə kɛ a nu kɛnɛ̨, ə kɛ a lokolo. Ə kɛ a nɛ̨ɛ̨nu, ə kɛ a hulɔnu.