Lɛɛ gbɔwɔ ɓa 20:21 - Yálá laawoo hɛɓɛ (dc)

²¹ Nuą di tɔɔ kwɛa la, Moisə ə mąą lɛɠɛ dulɔ kpinįn ɉuwiaa tii ɓa, ɓɛi Yálá ə kɛ laa.

Yálá laawoo hɛɓɛ

²¹ Nuą di tɔɔ kwɛa la, Moisə ə mąą lɛɠɛ dulɔ kpinįn ɉuwiaa tii ɓa, ɓɛi Yálá ə kɛ laa.

Bible

²¹ Ǹûai dí kɛ̀ tɔɔ̂-ni kwaa kôya ma, Mose è lɛ́ɣɛ a ŋ̀ele-kɔlɔŋ kole su kpiniɛɛ ƃɛ́i Ɣâla è kɛ̀ naai.

Lɛɛ gbɔwɔ ɓa 20:21 Referans Kwoze

Tɔɔɓɛlaa dɔlɔɔ 8:12

Nąąlɔwai Salomɔn yɛ diɛ: «Yai-Laa ə naa gwəi yɛ: Ə hee tulɔ kpinįn ɉu kpinɛ̨ɛ̨ hu.

Mąątɛ̨nɛ̨ 97:2

Mąątinɛ̨ŋąąi a kpinį da tulɔ kpinįn, tələnmolaa da tɛ̨ą ɓə a nwɔ tɔɔ kpəlin kɔ́wɔ hvilɛn ɉɛn.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Mąątɛ̨nɛ̨ 18:9

Nwɔ̨n nulu ə kɛi kulɔ ɉunwɔ̨i, kɛɛ kala nwɔ̨n nən yɛ kulɔ na, nwɔ̨n dəŋąɠaa diɛ ɓo ɉu.

Kɔlɔnikɔ Veerɛi 6:1

Nąąlɔwai Salomɔn yɛ diɛ: «Yai-Laa kaa bɔ Ə hee kpįnįi.

Mąątɛ̨nɛ̨ 104:2

Ə́ kwaną həɠə kaa a kɛɛpono, yá yələkɔlɔn ɉu lɛan, yɛ həɠə múmu.

Mąątɛ̨nɛ̨ 18:12

Ə li ə noo tulɔ kpinįn gɛnɛ̨ɛ̨ ta hu, ə mąą kpinįn a lulu hu wiaa, nąą hu kpinɛ̨ɛ̨ yɛ yá kpon ɉu kwɛa.

Dutɛrɔnome 5:22

Yai-Laa ə mɛ̨nįɠaai ŋɛ̨i ɓo ka kəlee kaa, ka ɲąąkpɔnŋąą, ə kɛ ɲee nwuɔ̨ nwɔ̨n ɉąą nwɔ̨n nulu da tulɔ kpinįn ɉuwia hu, a nwoo kɛnɛ̨, ɛlɛɛ, hvo mɛ̨nį ta pɛlɛ mą. Ə di pɛ̨ɛ̨ kwɛni ɓɛla hveelɛ mɛ̨i, ə gwɛni ɓɛlaɠaai tii tɛɛ bɔ́.

Dutɛrɔnome 5:5

Ɛlɛɛ ɲą́ą́n, ŋį́ ɓo tɔɔni ka Yai-Laa ni ka lɔwai. Gɛ́ Yai-Laa lawoo laa həli kaa. Mąąhɔlɔɓo, ka kɛi ɲɔw nwɔ̨n ma, yili ɓə gɛ ka tɛ ɲee ɓa. «Ə mo yɛ diɛ:

Lɛɛ gbɔwɔ ɓa 19:3

Moisə nwɛi, ə tɛ, Yálá pɔ pələ da yaa di di kee kaa. Yai-Laa ə lɛɛ ɲee hu, ə Moisə təli, yɛ mą: «Mɛ̨nįɠaai ŋɛ̨i hukulɔ Ɉakɔbə yəi bɛlɛ́n nuą diɛ, ə́ díɓoi ŋɛ̨i laa həli Israɛlə lonnii diɛ, yɛ́ diɛ: